Asercando nan celebracion di 5 aña di operacion exitoso na Aruba, e compania cu mas ta creciendo na Aruba, Antiyas, caribe y awor tambe den Centro America a anuncia nan patrosinio na Star Promotion Aruba, organisadornan di e evento di Miss Aruba. E patrosinio aki a keda concretisa durante un evento den Surfside Marina na unda cu Digicel Aruba a firma e contract cu Star Promotion como patrosinador oficial pa e siguiente dos añanan. Click read more pa mas!

 “Nos ta masha orguyoso di por forma parti di e evento di Miss Aruba, e ta algo cu ta pas cu nos compania, nos forma di mercadea nos productonan y cu nos maneho di sponsorship”, asina e director di mercadeo pa Digicel Dutch Caribbean a duna di conoce. Wanda Broeksema a enfatisa cu beneficionan di e union entre Star Promotions y Digicel Aruba lo ta multiple, pero cu segun ta asercando e evento lo bay ta anunciando tur e bentahanan aki na e conunidad di Aruba. “mi por sigura si cu nos lo demostra na henter nos comunidad dicon Digicel ta e red mas grandi y esun di mas mihor”, asina Broeksema a afirma. 

Sr. Renny Lacle di Star Promotions a mustra su satisfaccion pa e forma profesional con Digicel Aruba mesora a atende cu e fundacion di beyeza. “Nos ta sigur cu ta cos bon so lo sali for di e union aki”, asina e Presidente di Star Promotions a sigura. E evento mes di Miss Aruba 2008 lo tuma lugar na luna di Augustus 2008 y e organisacion ya ta conta cu un cantidad considerabel di participantenan. 

“Ta for di masha tempo caba cu eleccion di Miss Universe no ta domina solamente pa beyeza sino tambe pa inteligencia y conocemento di bo comunidad” asina Lacle a enfatisa. Ela bisa cu ta di vital importancia pa por organisa un evento grandi asina di por conta cu sosten di patrosinadornan grandi pa cubri e gastonan halto di organisacion cu nan ta haya nan mes confronta cune. “Ta pesey e scogencia pa Digicel Aruba tabata un scogencia logico”, ela añadi. 

Digicel Aruba tin un portofolio masha amplio di servicionan cu lo por ser usa durante henter e preparacionnan y eleccion di Miss Aruba pa e siguiente dos añanan, sin lubida e promocionnan comercial cu lo bini aserca. “Nos ta conoci pa ora cu nos haci algo nos ta haci’e grandi y cu tur nos clientenan participando”, asina Wanda Broeksema a termina bisando.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment