Minister drs. Marisol Lopez-Tromp a haci apertura di e preparacion pa 12 “tanchi” pa grupo di Traimerdia. Traimerdia ta encarga cu e cuido di mucha di enseñansa preparatorio y primario despues di scol. Traimerdia ta ofrece cuido y guia na muchanan aki y ta contribui na e desaroyo di mucha. Den total ta existi 6 centro di cuido despues di scol, reparti riba henter e isla y incorpora den cierto scol basico. Click read more pa mas detalles.

Bo ta haya centronan di Traimerdia na Scol Basico Washington na Noord cu lo amplia cu 3 grupo, Colegio San Hose na Santa Cruz cu lo amplia cu 1 grupo, Maria Goretti na Paradera cu lo amplia cu 2 grupo, Paulus Scol na San Nicolas cu lo amplia cu 3 grupo, Fransiscus College na Madiki cu lo amplia cu 1 grupo y Conrado Coronel na Mahuma cu lo amplia cu 2 grupo. Cada centro tin un lider, un guia di huiswerk y un cantidad di guia di grupo. Cada guia di grupo ta duna guia na un grupo di maximo 24 mucha. 

Manera anuncia anteriormente Minister drs. Marisol Lopez-Tromp pa 2008 ta duna prioridad na expansion di Traimerdia. P’esey di acuerdo cu plannan stipula pa aña 2008 ta ampliando Traimerdia cu 12 grupo y den cuadro di e expansion aki Traimerdia a selecciona, despues di un procedura habri di solicitud, 12 guia nobo di grupo. Tin lugar awor pa 300 mucha nobo na Traimerdia.
 
Minister drs. Marisol Lopez-Tromp ta sostene e trabaonan di Traimerdia pues esaki ta cuadra den su maneho social educativo pa hisa calidad di bida pa tur hende na Aruba y tambe hisa calidad di enseñansa. Mientras cu mayornan ta traha, e guianan aki na Traimerdia ta cuida, guia y sostene nos yiunan den nan desaroyo y cu nan huiswerk.

Un comision a traha duro pa entrevista y selecta e guianan nobo pa Traimerdia. Entre otro nan a pone enfasis riba e calidad di guia y pesey a escohe lidernan cu tin preparacion riba nivel di MBO y alaves e punto di salida ta cu tur cu haña e responsabilidad aki ta stima mucha y lo tin hopi pasenshi. Minister drs. Marisol Lopez-Tromp ta desea tur “tanchi” nobo hopi amor y dedicacion den nan trabao nobo y ta spera cu nan lo ta un inspiracion pa e muchanan.

Comments (19) >>

Show/Hide comments

Biemer said:

Mi ta spera cu nan a hasi un background check riba e "tanchi" nan aki.... Cuidou aki poco dia nos tende of haya algun potret atrobe di un di nan sunu via email..... Awor a para bira cu bo ta haya potret di e "tanchi" nan aki sunu via email, manera cos cu nan tin dos sorto di trabou....

May 07, 2008

IFG said:

ey den ..... ey den mi kier ta.....

May 07, 2008

wowo critico said:

masha pabien na tur e cursistanan.na su exc.ministro marisol dal bai cu bo bon trabow y no perde tempo cu e negativistanan,pikidonan di piew.jaloers ta mata.

May 07, 2008

mauri said:

Mi ta spera cu en ta miho cu e tanchi nan bieuw, paso e bieuwnan ta meld ziek masha hopi mes, Minister Lopez Tromp tin di bai hasi algo cu nan.

May 08, 2008

Presidente said:

Mi tambe ta desea e "tanchinan" aki hopi exito y sabiduria. Pabien y please, cuida nos muchanan pasobra nan ta tesoro di mas grandi cu Aruba tin.

May 08, 2008

Jeff said:

Mi a maak mee, cu tin "tanchinan " na e scol patras di mavo abrahan de veer san nicolas, ta trata e muchanan malo, comenan pastechi, spantanan cu awa friew, zundranan. dus e muchanan aki ta haja hopi miedo mes. porta tin otro lugarnan di trai merdia tbe ta hasi mal cos cu e muchanan. Loke mi ta conta ta full berdat. No mester wory con mi sa, ta wory con pa drecha e situashon. Di e forma aki mi ta juda pa e tanchinan haja atenshon. . Y vanzelf e bieuwnan ta meld ziek hopi, for di 40 anja e biewnan mester haja sosiego y traha relax

May 08, 2008

Bunitesa said:

Mi ta hopi contento cu porfin nos centronan ta wordo amplia. Na e 12 Tanchi nobo nan hopi exito den boso trabow. E no ta facil bo mester tin hopi pasenchi y amor pa cu e muchanan. Mi tambe ta un Tanchi di Traimerdia y na e persona "maury" un cos mi ta bisa bo nos bieuwnan tambe ta hende y no ta tur ta constant ao. Si bo ta malo ta malo bo ta y nada otro. Ami mes sa tin ora di bai traha cu griep y asta cu keintura. Mi no ta gusta dal ao pa un coi kens. Dus mi ta hanja cu bo comentario ta foi lugar. Nos tin tanchi cu ta bai hasi 12 anja den servisio y ami mes ta bai hasi 8 anja. Y by the way ni nos LANDBESLUIT no ta kla ainda. Mi ta trahando na bienestar di nos muchanan y lo mi sigui traha pa nos muchanan.

May 08, 2008

amj said:

nos ta sigur cu e tanchinan ta bon escohi , no ta kwalkier persona a wordo e scogi e tanchinan ki mester a pasa un tramite largo pa nan wordo escogi, i actualmente nan ta den training pa un luna , pa nan por eherse nan trabow manera debe ser cu e muchanan. girls congrats and keep the good work!!

May 08, 2008

Bito said:

Boso ta cuida mucha di 34 anja?

May 08, 2008

kibrahacha said:

Pabien meisjes!!!! pero awo mi tin un pregunta con ta para cu e otro leidsternan DICON NAN LANDBESLUIT Y PAPELNAN NO TA KLA AINDA DICON???????

May 09, 2008

Precious said:

Masha Pabien pa cu e Tanchi nobo nan y cu mi ta desea nan hopi succes. Mi ta spera cu nan lo gusta e trabow y por handle e muchanan di awedia paso no ta nada facil. Pone bon tini si Tanchinan y informa serca e Tanchinan cu ta trahando den funtion aki pa anjas caba, paso pensioen y tur e resto di arbeidsrecht di ambtenaar no ta geregela ainda dus uni boso forsa cu e Tanchinan.

May 12, 2008

tuna said:

pa tur esunan cu ta kere cu e tanchi nan ta robot i cu nan no por bira malo ta hopi nan ta wanta di nan trabow nan tin di hasi trabow di jufrouw pa judanan cu huiswerk,di mama pa duna nan carinjo ,di sicoloog pa judanan cu problemanan di nan mayornan,di jues pa para pelea di mayornan cu ta divorciando i di verpleegster pa wak pa jiunan malo cu mayornan no ta worry pa buscanan pa hiba nan dokter

May 12, 2008

aloe said:

stop di gritica si bo por haci mihor dies bai para dilanti e klas wak si bo por hasi mihor trabow cu e tanchinan cu tin 12 of 8 anja caba nan ta hasi nan best kiko mas boso kier keep the good work old tanchis bon bini new tanchis sigui papia bai mas na lo crece mal fama tambe ta fama

May 14, 2008

Presidente said:

Tuna: Pero bo ta escohe pa e trabao aki toch, cu tur su lusten en lasten. Si bo no kier ta tur e cosnan aki, wel, bay busca un otro trabao. Awor si ta bon. Na mi trabao tambe mi ta housekeeper, servant, waiter, bartender, security, babysitter,dokter,problemsolver. Tja, esakinan ta bin aserca. Tur trabao tin nan lusten en nan lasten. Si bo no kier esakinan, wel haci duidelijke afsprakennan ora bo solicita. Pone nan na altura cu bo ta simplemente un tamchi di traimerdia, pero bo no kier tin e responsabilidad cu ta bin aserca na trabao, manera por ehempel,No laga nan haci nan huiswerk, no scucha nan, no duna carinjo, BTW, kiko boso trabao ta encera eigenlijk???

May 15, 2008

Presidente said:

BTW Tuna, mi ta aprecia trabao di e tanchinan. Mi iha, ta pasa masha dushi mes na traimerdia. Tur ora mi papia cu n'e e ta conta con dushi e ta pasa hunto cu su amigito y amigitanan nobo cu e tin despues di scol. Boso sigui cu boso bon trabao. Semper manera tur caminda tin un paar cu ta danja pa e otronan.

May 15, 2008

tuna said:

presindente, ami no ta traha na traimerdia mi ta simplemente un mama cu su yiu ta bai traimerdia. I mi ta sinta casi tur atardi pa wak mi jiu hunga cu otro muchanan. i abase di esey mi sa cuanto pasenchi e tanchi nan aki tin . con hopi amor nan ta dedica na e muchanan i con hopi pasenshi nan tin. dijs no tumami na malo esey mi ta referiendo na dje so tanchis keep the good job!!!!!!

May 21, 2008

Presidente said:

Tuna, mi sa. Pesey mi a pone un comment di mi iha cu ta bay y e ta encanta di ta na trai merdia. Ora mi ruman bay busc'e, e no kier bay cas. tanchinan, keep it up. E regalo di mas bunita cu boso ta ricibi, no por wordo balora cu placa, pero si den e felicidad di e muchanan y pa esey ta priceless.

May 22, 2008

Medd said:

pabien na tur e tanchi nan .anto tur tanchinan ey ta ARUBIANO .mi ta orgulloso di boso.Marisol pabien nos hendenan por anto hopi bon.

June 01, 2008

Medd said:

loke mi kiersa si con pa solicita .pa bira tanchi

June 01, 2008

Write comment

Show/Hide comment form

Name

Email

Comment

Add Comment