|
Denise de Jongh ta firma su buki nobo |
|
|
|
|
Friday, 09 May 2008 - 00:00 |
 Denise de Jongh-Rekwest ta Diasabra awor, 10 di Mei, na Van Dorp Book & Office Dakota, entre 11'or di mainta y 1'or di merdia pa firma su prome buki, cual ta trata di etiket pa mucha. E meta di e buki ta pa laga muchanan di 4-12 aña cera conoci cu etiket, norma y balor. E buki ta na Papiamentu y Hulandes y yama: "Kaylee i su primunan ku fakansie na Korsou/Kaylee en haar neefjes gaan op vakantie naar Curacao". Click read more pa mas detalles.
E buki ta bai over di un mucha, Kaylee, cu ta biba na Boneiro y su primonan cu ta biba na Hulanda. Nan ta bai pasa vakantie cerca wela Mena na Corsou.
Via di aventuranan cu nan ta pasa aden, cu ta masha gracioso e lesadonan hoben ta siña con nan mester comporta nan mes tur ora y tur caminda.
E buki aki ta cubri diferente areanan di enseñansa manera entre otro: matematica, formacion salu y fisico, formacion social emocional. Kico ta bon manera? Cu e buki aki e mucha por siña bon manera pa medio di un cuenta placentero y pret. Kico por y kico no por. Kico ta e bentahanan di tin bon manera. Cu e buki aki e muchanan por mira facil con nan mester comporta nan mes den cierto situacion. Nan ta siña comportacion na mesa, pa ta amabel, papia nechi y hopi mas. Un buki cu tur mucha mester lesa.
Denise de Jongh-Rekwest ta un expert riba e tereno di etiket. El a traha 15 aña den turismo na Europa, Corsou, Boneiro y Aruba, caminda el a haya hopi experiencia riba e tereno aki. Pa via di su empresa "Training & Consultancy 2000" e ta duna pa 10 aña tayer y charla. E sa ta regularmente den programanan di radio y television na Boneiro y Corsou. Denise ta spera cu pronto na Aruba tambe.
For di dia 10 di Mei proximo e buki lo ta obtenibel na tur e tiendanan di De Wit & Van Dorp: Aruba Post na San Nicolas, Van Dorp Certified, De Wit Book & Gift den Caya Betico Croes y Van Dorp Book & Office na Dakota. Pues Diasabra awor bo tin un cita cu Denise na Van Dorp Dakota di 11.00 a.m - 1.00 p.m. Nos ta wardabo!
| Comments () >> |
 |
 |
