|
"Dialuna 6 di November 1967" na Aruba |
|
|
|
|
Friday, 09 May 2008 - 00:00 |
|
Aruba lo hanya bishita di e autor Karel Josefa cu ta di Corsou cu a skirbi e buki cu ta titula "Dialuna 6 di November 1967". Diasabra awor 10 di Mei Karel Josefa lo ta na Van Dorp Book & Office Dakota di 11.00 a.m - 1.00 p.m pa presenta su buki y firme pa tur interesadonan. E buki aki a wordo skirbi pa recorda e suceso cu a pasa, tempo cu e brug Juliana di Corsou a cay. Cu hopi amor Sr. Josefa a skirbi e buki "Dialuna 6 di November 1967". Click read more pa mas detalles.
E iniciativa pa a skirbi e buki aki ta debi cu na momento cu e brug a cay, Karel Josefa tabata un hoben cu a biba e momentonan di e accidente. Karel a nace y a lanta den e bario di Fleur de Marie na Scharloo te cu su 12 aña. Cas di su abuelonan tabata apenas 500 meter leu for di e brug. Dia e brug a cay (6 November 1967 pa 07.50 or) e tabata tin 8 aña di edad. E tabata na scol (Sint Albertus College den Pietermaai) ora cu e brug a cay. El a tende e sonido, algo cu hamas e por lubida. Momento cu e brug a cay, e tabata mitar construi. Parti di Otrabanda no a wordo construi mes ainda. E plan tabata pa construi e parti di Punda te na mitar pa despues cuminsa cu e parti di Otrabanda.
Segun cu e tabata creciendo su interes tabata lanta pa haci algo tocante di e tragedia aki. E tabata irita di mira tur aña e mes un "gedoe" den corantnan recordando e fecha, dos tres potret y despues tur hende a lubida.
Na 2006 el a dicidi di skirbi un buki tocante di e brug. E tabata tin un album cu algun recorte di corant di e disaster. El a cuminsa busca informacion na "Archivo Nashonal" y diferente persona a yude cu potret y/of otro material.
E tragedia aki a costa bida di 15 persona, 9 Antiano y 6 Hulandes-Europeo, y dos herido grave. 9 victima(5 Antiano y 4 Hulandes) a wordo hanya dia 6-11-67. E 5 Antianonan a wordo dera dia 8 di November 1967. E bishita di condolencia y misa (di 7 pater) a wordo teni den Stadion di Rif na Otrabanda. E otronan a wordo hanya dia 10 di November. Tur e Antianonan a wordo dera den Santana di Roodeweg Otrabanda. E 6 Hulandesnan a wordo manda Hulanda pa wordo dera aya. Tur e pidanan di e brug tambe a wordo manda Hulanda pa "onderzoek". Tabata tin hopi speculacion rond di causa di e caida pero te cu awe no tabata tin un contesta riba esaki. Na aña 1969 a cuminsa bek cu construcion di e brug.
Den bida diario Karel Josefa ta agente policial di profesion. Fuera di escritor, e ta skirbi poesia y e ta pinta cuadra.
| Comments () >> |
 |
 |
