|
Aruba un biaha mas den WK Amsterdam |
|
|
|
|
Friday, 09 May 2008 - 12:22 |
|
 Dia 31 di mei y 1 di Juni Aruba lo competi atrobe den e torneo amateur mas grandi di futbol aki na Hulanda cu ta hiba como nomber WK Amsterdam. Esaki lo ta pa di cinco biaha cu Aruba lo participa na e competencia aki y desde prome aña Aruba semper tabata forma parti di e top 8 di miho teamnan. E aña aki lo participa cuarenta pais, cual casi tur ta hopi conosi den e mundo di futbol. Entre nan bo ta haña Argentina, Hulanda, Mexico, Italia y hopi mas. WK Amsterdam lo wordo transmiti pa prome biaha live riba television local di regio Noord-Holland, esta AT5 cu tin un cobertura di 700 mil televidente y tambe corant Spits y e radio famoso Funx cu hunto ta cubri casi 1 miyon persona. Esaki sigur ta un propaganda impagabel pa Aruba mirando cu tur aña Aruba ta un di e teamnan mas comenta y ta wordo yama “de smaakmakers van het toernooi”. Click read more pa mas detayes.
Aruba ta preparando duro pa e torneo aki, mirando cu tin tur posibilidad pa Aruba bai cu e copa. Durante 5 aña Aruba a duna bataya fuerte y tur team tin miedo di topa Aruba riba veld. Aruba a hunga 3 wega amistoso contra Argentina, Tunesia y Vietnam caminda Aruba a sali victorioso di tur 3. E coach di Aruba Venancio (Benky) Eckmeyer ta satisfecho cu e team y ta mira e torneo cu un bista positivo.
Diaranzon dia 23 di April a tuma lugar e loting cu a wordo hasi pa Hidde van Warmerdam presentador di deporte di canal di television AT5. Aruba ta encabesa poule F y lo topa den prome buelta contra Iran, Italia y pa di 4 biaha nos hermana isla Corsow.
Na e evento aki no solamente ta bai tin partido di futbol, pero tambe ta bai tin eventonan cultural asina cada pais tin e oportunidad di bin cu un show cu tin algo di haber cu nan cultura, tambe cada pais tin e oportunidad di bin cu standnan cu cuminda tipico di nan pais. E oportunidad aki nos no ta laga pasa sin cu Aruba participa. Pues e dia aki Arubianonan lo zorg pa bendemento di cuminda y tambe mustra un tiki di nos cultura.
E evento aki ta un promocion pa Aruba, pa e artistanan Arubiano cu participa y principalmente pa e hungadornan cu lo competi. Den pasado tabatin varios hungador cu a haña e oportunidad di sera un contract pa hunga futbol profesional cu varios team aki na Hulanda. E chens cu esaki lo ripiti ta hopi grandi, pasobra e organisadornan di e WK Amsterdam aki ta specula di haña entre 8.000 pa 10.000 persona cu lo asisti na e evento grandi aki. Y mas cu claro un bon oportunidad pa nos futbolistanan.
E personanan cu a tuma e inisiativa pa Aruba tuma parti na e torneo aki ta Venancio (Benky) Eckmeyer, Maurits Malmberg, Merita Eckmeyer, Carolina Eckmeyer, Michaline Eckmeyer. Nos kier a gradici nos sponser Arcura Trading cu ta para nos tras desde principio y tambe Arubahuis cu ta sponser nos transporte pa e hungadornan.
Comision Aruba All-stars lo aprecia cualkier persona of instancia cu lo kier yuda nos pa asina nos representa Aruba . Loke e comision ta lamenta cu niun federacion, fundacion of organisacion deportivo Arubiano no ta despuesto pa sponser e team di Aruba cu ta hasiendo un propaganda grandi pa pais y e deportistanan. Pa cualkier pregunta of ayudo por tuma contacto cu nos via nos mail
This e-mail address is being protected from spam bots, you need JavaScript enabled to view it
. Pa mas informashon wak riba e website www.wkamsterdam.nl of www.den-e-sauce.com of riba www.das-images.com
Hungadornan Di Aruba Allstars
| Venancio (Benky ) Eckmeyer |
RCA,Nacional, Caiquitio |
| Jeanluc Bergen |
RCA |
| Alwin Toppenberg |
RCA |
| Gilberto Spataro |
RCA |
| Ronald Gomez |
RCA |
| Brian Siem |
Dakota |
| Steve Escalona |
Bubali |
| Ruben Escalona |
Bubali |
| Daniel Escalona |
Bubali |
| Marco Tromp |
Hulanda |
| Gilbert Kelly |
Caquetio |
| Jersey Romney |
Sportboys |
| Ronnie Nouwen |
Excelsior / DOTO |
| Reinhard Breinburg |
Feyenoord/ FC Dordrecht |
| Carlo Solognier |
Hulanda |
| Mario da Silva |
Hulanda |
| Marvic Bermudez |
RCA |
| Andrick Tromp |
Bubali |
| Patrick Maduro |
Hulanda |
| Eldrid Korsen |
Riverplate |
| Comments () >> |
 |
 |
