| Trahadornan di Hernac descontento |
|
|
|
| Saturday, 10 May 2008 - 00:46 | |||||||||||||||||||||||||||||||||||||||||||||||||||||
 Den oranan di merdia varios pregunta a drenta puntrando kiko ta pasando na CMB na Noord, varios hende por a presencia cu tin algo for di normal ta pasando na e banco aki, ja cu tawata tin varios unidad policial na e banco den oranan di atardi. Locual cu a pasa ta cu e trahadornan di e compania di construction Hernac a lanta desidido pa hanja nan placa cu ja caba nan tin mas o menos un luna sin cobra. Pa esnan cu no sa, e compania aki ta pasando den un momento masha turbulento mes ja cu nan a hanja nan mes cu problema di belasting, y cu deurwaarder a bay asina leuw pa pone beslaag ariba nan cuenta bancario, cu ta pone cu niun transaccion bancario no por tuma lugar. Click read more pa mas detaye y imagen.
Den tur e problema aki e
propietario a bin ta priminti e trahadornan aki cu nan lo ricibi nan
placa ariba varios ocasion, pero awe pasenshi di e trahadornan a caba y
nan a bay dicidido pa hanja nan placa. Durante oranan di mainta tur e
empleado nan a presenta na oficina di Hernac pa busca nan placa, pero
akinan esnan encarga a bisanan cu nan lo ricibi nan placa despues di
2'or di merdia. 2'or a bati y nada di placa, y akinan e trahadornan a
cuminsa bira agresivo y hasta presencia di polis a wordo solicita na e
sitio pa calma e situacion. Despues banda di 4'or di atardi e empleadonan aki a
ricibi un cheque pa asina nan bay cobra esaki na banco. Mirando cu tur e
chequenan tawata di e banco di CMB y ja caba e ora tawata 4'or, e
trahadornan a dicidi di usa e servicio di drive true di CMB y hasta un
par di nan kier a forsa pa drenta den e banco.
Den e intento aki un di
e glasnan di e porta principal a kibra, y no a keda nada otro pa
propietario di banco jama polis pa calma e situacion. Varios unidad di
polis a presenta na e sitio pa calma full e tension cu tawata tumando
lugar e momento ey. Cu intermediacion di polis y un bon colaboracion y
alaves comprencion pa locual cu e trahadornan aki tawata pasando aden,
propietarionan di banco a dicidi pa laga e parti di drive true keda
habri te ora cu tur e empleadonan aki a cobra nan placa. Locual cu
tawata un tiki humoristico pa mira ta, normal CMB tin un drive true pa
auto, pero awe nan a crea specialmente pa e empleadonan aki un walk
true, tumando cune cu cada empleado mester a para den fila un tras di
otro pa asina ricibi nan turno. Den full e incidente aki nos tin cu
bisa cu polis a aresta e persona principal cu a hasi danjo nan e
edificio di CMB na noord. Keda pendiente pasobra e caso aki no a caba
ainda, mirando cu e empleadonan aki falta mas placa pa cobra di nan
donjo di trabouw.
Beauty
said:
|
|||||||||||||||||||||||||||||||||||||||||||||||||||||
 |
Desde cuando 11 dia ta 1 luna sin pago??? Busca informacion bon prome cu boso hisa benta cos akiriba. Esei sin conta cu tabatin dia di fiesta den e dianan aki cu a haci tur cos mas dificil. |
Beauty
said:
|
Nos niun no tabatin placa pa cumpra saco di aros pa 11 dia, pero anan cu a bai haci fastioso si tabatin placa pa cumpra whisky y bai para bebe dilanti di e donjonan nan cas. Bebe alcohol, pa despues haci cos cu no mester haci. Manera cos cu bebe alcohol lo a yuda nos haya e placa mas lihe. Bin bij. |
Appel
said:
|
Ami ta puntra mi mes,si bo ta haci bo pago di belasting manera mester ta,nunca nunca bo por tin e problema ey.Bo ta kita placa di belasting toch foi bo trahadonan?Locual mi tin mira,cu un pober ta paga su belasting mane mester ta!!Pero jegando na e GUYnan grandi(no tur)net anan ta tarda pa paga belasting,anan cu tin hopi placa!!Pasobra ami bo no por bin ganja,si bo tin un negoshi of contratista,ta placa bo ta gana cune,mane nan sa bisa,bo no ta bende Jan,ni cumpra Jan!!Asina ta mi amigo,nan a traha pabo,paganan awor!! |
Mostredame
said:
|
E mundo aki ta ariba abau,Mr.Politienan ta bisa e trahadonan cu dos luna sin "PAGO",cu nan no por coi "Hustisia"den nan man.Ami ta puntra kiko nan a hasi 5 pa 6 siman largo anto,of ta nan so por hasi i deshasi cu "Hustica".Of nan kier hasi di ARUBA,un Politie staat. |
Blenchi
said:
 |
Ora un compania ta pone hende traha, nan tin e obligacion di paga nan na ora tambe, manera a combini den nan contracto. Si nan no cumpli cu esey, nan mester wordo obligá, asina cu ningun trahador tin cu tuma ley den su mes man. Si no tin placa, no pone hende traha pa bo! |
mama
said:
|
polis nan sigi hunga pret ora boso twt lucha pa boso drecho niun hnd un bisa boso nd of stop boso e hnd nan ki nan tmb a bai busca nan derecho nan..polis payaso nan |
pawe
said:
|
Ami tmb tbt tey ora cu cos a bira hot na oficina... mi tin di elogia trabou di polis pasobra nan a egt papia cu e hnd nan y polis tbt compronde pa e trahado nan tmb. Cu cos a sali for di man tbt pavia di alcohol.. y despues na Cmb tmb ta pavia di alcohol,... asina nos no ta jega leu. Ban spera cu e situacion por calma pa niun hende sali perjudica... Y un bez mas ami cu tbt eynan .... BON trabou polis nan! |
KMLO
said:
|
Ta un berguensa un biaha mas cu empleaDORNAN cu ta gana MIYONES TUR anja ariba custia di nan trahadornan, NO TA PAGA BELASTING, NO TA PASA NAN PARTI DI AOV/AWW, LOONBELASTING, WINSTBELASTING (mescos cu ATV tawata haci den pasado) y despues ta purba di tira c*lpa ariba e empleadonan publico/deurwaarder nan cu tin cu haci nan trabow. Aki na Aruba, ora deurwaarder kier bay cobra e MIYONES cu un comerciante debe, prome cos cu nan ta haci ta haci'e algo politico, manda trahadornan bay cobra nan salario na belastingsdienst of cay mas abow ainda door di publica bida priva of danja nomber di e deurwaardernan. E trahadornan aki di HERNAC MERECE nan placa di esnan cu a hortanan: E DONJONAN DI E COMPANIA. |
KMLO
said:
|
Con por ta cu un compania ta bolbe ripiti historia di otro contratistanan grandi? No a sinja ainda e lesnan? Pakiko tin debenan multi-miyonario di belasting ariba caya ainda? E cos aki no por. Djis pasobra e 'comerciantenan' aki ta hende importante, of por danja bo nomber, mester stop di cobra belasting y stop di paga debernan di bo trahadornan? Den e caso di Hernac, ta un lastima mira con tur e placa di trahadornan a bay perdi den casino nan di Aruba. E trahadornan aki tin derecho y nan tambe mester di nan placa, pero for di e donjonan. Y pa colmo, tur loke a tuma den beslag di Hernan no ta yega ni na mitar di loke nan debe.... |
anonimo
said:
|
i net esun nn cu a bai hasi fastioso ta net esun nn cu no ta cumpli tur ora cu e regla nn di trabow asina bin bij si |
Mama Arubiana
said:
 |
Esakinan ta e prome frutanan amargo cu ta wordo cosecha despues di loke e polisnan mes a planta durante 7 siman largo, pero ora nos duna nos opinion semper nos ta wordo tilda di tin favoritismo politico. Mane nan ta bisa "what goes around comes around" Loke cu mi ta hanja stranjo ta cu e destruccion aki nan a core aresta e author anto te dia di awe no tin ni un detencion cu a cay den caso di destruccion di caya principal, Berdad mundo ta ariba su cabez. Danki y Blessings |
cruel
said:
|
beauty bin bij!!!!!! si nan ta of laga di ta bebe alcohol no ta bo asunto amtenarnan a hasi pio no bin huzga e hendenan ki paso nan kier nan salario.......a nan ta hombernan cu ta traha duru pa nan salario!! wak e esnan cu ta cobra belasting anto no ta cumpli cu nan deber di paga mane mester ta!  |
Medd
said:
|
Boso ta bisa cu nan tabata burachi,pero menos mal cu nan no a kibra drenta den ningun edicio,susha caya,sinta memei caminda hasi bonchincha.hasi drama. |
hallo
said:
|
Ami no ta gusta pone commentario pero asina bo ta bira ora nan no ta pagabo imaginabo 1 luna sin cobra CMON! |
pawe
said:
|
dia 29 di april tbt e dia stipula pa cobra.... bo no sa conta??.... e no a ta jega ni dos siman con cu bo conte corda un luna.... nan mester duna info drechi, ami ta haya... |
DKT
said:
|
Wak e caso aki bon.Hernac a traha pa gobierno( Varios di su trabounan) Awo si gobierno no page ta con e por paga su trahadornan????Gobierno kier keda cu tur e placa y ta tira c*lpa riba belasting etc......Gobierno tambe debe e homber aki basta placa.NOS POR MAS TOCH?????? |
redo
said:
|
si nan no acumpli fo noh no ta problema di boso,un kos ora bo ta traha pa hende anto nan t kita plaka di belsting for dibo anto nan no ta hbe pa gibierno anto na si ta sponser pa loco,come tur kaminda,core auto nobo,viaha tur or,anto awor e trahaornan ta esun nan malo???? foei mensen!!!! tur hende tin drecho pa melziek y tin biaha tumz dianan off pero un dunado di trabou si por abusa di hende??? no tog!! awel shonan esey nan si a sponser famia na grandi. |
Presidente
said:
|
DKT: ??????? Bo no ta hanja bo mes un tiki hopi ridic*lo? Haciendo trabao pa gobierno of no, bo tin cu paga belasting. Sino nan ta pone beslag ariba bo. Full e cuenta ta, e beslag cu a ser poni ariba nan. Gobierno no tin c*lpa si un compania no por/kier cumpli cu su belasting. Pero mi ta hanja fout cu e empleadonan ta bay dilanti banco. Banco no por yuda si e compania no ta stort placa pa asina por cumpli cu su empleadonan. Of bo ta hanja esey tambe c*lpa di gobierno?? ABO ta politiek verziekt!!! |
hopi rabia
said:
|
Ami ta pro cu e trahadornan pasobra cu e homber ey ta sinberguensa i duna nan loke ta di nan i paga loke bo debe i tur hende cu bo debe sinberguensa cu bo ta |
