|
Hyatt cu campaņa Bo Tambe Por |
|
|
|
|
Saturday, 10 May 2008 - 00:00 |
|
 Durante tres weekend, cuminsando 16 di mei proximo lo bay tuma lugar e campeonato Arubano di landamento organiza pa Zwembond di Aruba. E competencianan aki lo ta den e siguiente categorianan: “A” Synchro, “A” Landamento y “B” Landamento. Hyatt Regency cu durante e ultimo lunanan ta promoviendo fuertemente nos atletanan local cu ta sobresali y cu ta un role model pa nos hubentud a dicidi di tuma un paso mas activo pa motiva nos hobennan pa yuda crea role modelnan nobo pa nos hubentud y comunidad. Click read more pa mas detayes.
Hyatt lo entrega medaya y trofeonan extra na cada landando cu kibra recordnan local ya caba estableci. Sra. Marta Raven di Hyatt cu ta responabel pa e campaña hunto cu ECA Communication Group cu ta ehecutando e campaña pa Hyatt ta spera cu di e forma aki mas hoben participa y competi na un nivel mas alto pa asina mehora nan capacidadnan substancialmente.
Asina Aruba lo por conta den futuro cu landandonan cu por sigui competi na nivel internacional ganando medayanan pa Aruba, manera tabata e caso di Valery Eman, Micky van der Vaart y Barracuda Synchronized Swimming Team. Nan dos ta ehempelnan di hopi perseverancia, amor y diciplina pa e deporte cual a hibanan na gana un cantidad grandi di medalla pa nan mes, pa nan team pero cu alaves a promove nomber di nos país Aruba na nivel internacional.
Mayornan tambe ta hunga un rol clave di yuda e hobenan pa nan alcansa nan máximo potencial, claro cu sacrificio ta necesario pero después di sacrificio tin logro y esey ta hopi importante pa e crecemento di nos hobenan awendia.
E reaccionnan cu Hyatt a ricibi di su campaña ta tremendo y Hyatt ta spera di por sigui apoya nos hubentud den nan intento pa realisa nan ideanan, nan soñonan sea den Arte of Deporte.
| Comments () >> |
 |
 |
