Shiloh Albertsz di Imelda Kleuterschool a wordo escohi pa representa Aruba na e Caribbean Children’s Environmental Poster Competition, cu a tuma lugar na Januari 2007, según Sra. Tamara Roga-Waldron Coordinadora di e programa pa  Ministerio di Turismo & Transporte.

Ta asina cu studiantenan di Aruba a ricibi un invitacion di parti di Florida Caribbean Cruise Association  via nos oficina pa participa den e Foundation for the Caribbean Children’s Environmental Poster Competition, cu lo tuma lugar na Januari 2007.

Nos a informa Directora di Onderwijs Zaken, Sra. Oduber, y e la percura cu tur school na Aruba a hanja e información necesario pa por a participa.

E aña aki e competencia su meta tabatata pa promove y stimula e concientizacion di medio ambiente entre studiantenan Caríbense door di educa e generacion di jovenan aki ariba e importancia di proteccion di nos medio ambiente.

Den e división di  “junior” pa muchanan di 12 aña y menos, Shiloh Albertsz a yega te na final y a ricibi un premio di finalista for di Sra. Tamara Roga-Waldron. 

Nos mester remarka cu ambos studiante a entrega un trabou excepcional y no a keda ningun duda ariba ken mester representa nos den e competencia na Merca.

E ganadornan a wordo escohi na Merca door di FCCA su comité di selección cu a determina e prome, di dos y e di tres lugar den ambos categoría di e posternan ricibi for di cada pais participante.

Den e potretnan por aprecia Sra. Waldon, Shiloh, y Sra. Pablo, Directora di Imelda Kleuterschool

Comments (0) >>

Show/Hide comments

Write comment

Show/Hide comment form

Name

Email

Comment

Add Comment