|
Simone Angel VJ di MTV pa Cool FM DJ |
|
|
|
|
Tuesday, 13 May 2008 - 00:00 |
|
 Simone Angel, e persona encarga di presenta MTV Europa pa varios aña y kende a sa di entrevista diferente artistanan grandi, manera U2, Brian Adams, The Prodigy, Tina Turner, Byonce y mucho mas pa menciona, awor na Aruba atraves di e frequencia di Cool 98.9 FM. Despues di a biba 11 aña na London, presentando shownan di television manera Countdown, De Heetste plekjes van Nederland, Popstars y Megaman a hasi un cambio total y a move bai biba na Belize caminda Simone y su casa a sa di crea un famia. Click read more pa mas detayes y imagen.
Na 2007 Simone y su casa despues di varios deliberacion a muda pa Aruba, caminda cu e mayornan di Simone ta bibando. Na Aruba, Simone Angel a sa di bira e cantante principal di e grupo asina jama “RetroMatic” kendenan a hasi nan debut na Marinierskazerne durante e opendag anual. Na muesun momento tambe a sa di cuminsa na Cool 98.9 FM cu su mesun programa asina jama “The Weekend Express”. The Weekend Express ta un programa presenta na ingles combina cu hulandes cu ta consisti di musica, animacion, informacion y parti educativo, caminda cu Simone Angel lo bai ta siñando su oyentenan habla ingles y hulandes con pa papia papiamento. Simone lo bai ta recapitulando e ultimonan riba billboards di Germany, Hulanda y tambe Merca. Aserca Simone Angel lo bai ta informando su oyentenan di e propiedadnan di mas “hot” na Aruba por medio di e seccion asina jama “Real Estate Hotlist” y sin lubida ki tur movecion lo bai tin na Aruba durante e fin di siman andando.
Seguramente esaki lo bai ta un desafio pa Simone na comienso debi cu Simone no ta conosi ainda cu e mundo di radiodifucion pero mas bien di television, pero nos ta sigur cu e lo sa di domina e frequencia den un termino cortico.
Riba pregunta dirigi na Simone pakiko Cool 98.9 FM, e a sa di responde lo siguiente: “Ik luisterde naar de verschillende radiostations sinds ik op Aruba aankwam en Cool 98.9 FM sprong er gewoon meteen uit voor mij. Ze zijn het meest bruisende station en ook super actief wat betreft feestjes en het maken van live uitzendingen over het gehele eiland. En nu dat ik er werk weet ik zeker dat het de juiste keuze was. Het is een ontzettend leuk team en iedereen heeft mij leuk ontvangen bij de zender. I’m happy to be part of the Cool FM family”.
Pues tur diasabra mainta por sintonisa The Weekend Express di 10’or di mainta pa 12’or di merdia atraves di frequencia di Cool 98.9 FM y tambe por sintonisa Cool 98.9 FM live via internet na www.coolaruba.com.
Pa haya sa mas di Simone Angel y su carera na MTV por bishita su web blog ariba http://simonesmusicblog.blogspot.com.
| Comments () >> |
 |
 |
