| Stickernan di Setar di Bo Tambe yegando tur cas |
|
|
|
| Tuesday, 13 May 2008 - 01:23 | |||||||||
 Tur cas cu ta cliente di SETAR a ricibi nan sticker di SETAR di BO TAMBE! Hunto cu nan ultimo cobranza di telefon. Pronto lo bin posternan tambe cu lo bin na e diferente casnan na Aruba cu e habitantenan y clientenan por pone riba nan cas, auto of tienda y asina participa pa gana durante e proximo lunanan cu ta bin. Pronto tambe e bus di SETAR di BO TAMBE! Lo cuminsa bishita e barionan di Aruba. Click read more pa mas detayes!
E temporada cu ta bin den e proximo simannan lo anuncia e bario y e dia cu SETAR lo pasa den e pueblo di Aruba cu hopi premionan manera Yamadanan Gratis y premionan manera celularnan, Wireless Broadband, DSL etc. Tur cliente di SETAR sea di telefon fiho como celular a ricibi den nan cobranza di e luna aki stickernan cu nan por pone riba nan cas na un caminda visto cu por mira di leu y asina participa pa gana na momento cu SETAR drenta e bario. Tambe por pone e sticker riba bo auto y participa pa gana premionan atractivo. Tur luna SETAR lo anuncia kico ta e ofertanan cu lo tin pa cu SETAR di bo tambe! Pa e clientenan cu no a haya sticker por pasa cualkier Teleshop y busca nan sticker. Tambe den medionan di comunicacion lo sali e poster cu tambe por usa pa pega riba cas of na auto.Esaki ta un forma den cual SETAR N.V. ta desea di demostra aprecio na comunidad di Aruba y tur su clientenan cu ta e fundeshi y estimulo pa e compania di Aruba aki continua cu e empeño pa tene Aruba al dia cu lo ultimo riba tereno di Telecomunicacion. SETAR di BO TAMBE! Weekend Special E diferente campañanan di SETAR DI BO TAMBE a cuminsa caba y lo terminda na final di aña. Tur cliente cu cumpra un producto of abona riba un servicio of paga nan recibo ta haya un ticket di SETAR DI BO TAMBE. Cu esaki e cliente tin chance pa participa tur luna pa un Weekend Special den un di nos Teleshopnan. E cliente por gana “Weekend Stay” pa islanan Corsow, Bonaire of Aruba. Tur esaki den cuadro naturalmente di e celebracion di SETAR di bo tambe! Como SETAR ta recorda e aña aki di ta un NV pa 5 aña caba, a anuncia na luna di februari ultimo cu durante henter aña 2008 lo celebra esaki cu tur e comunidad di Aruba cu a sa di sostene nos compania nacional pa e ta e nr.1 den telecomunicacion na Aruba. E slogan SETAR DI BO TAMBE! Ta uno cu a resona desde principio cu SETAR a cuminsa opera como un compania NV. Pa e motivo aki mes, e slogan popular aki lo resona durante e lunanan cu ta bin tambe.
mi kier sa said:
said:
|
|||||||||
 |
Waw setar di bo tambe! Nos compania nacional number uno.I laga nos celebra setar cu 5 anja ..........Wak pabo busca bo sticker, i no keda afo. Waw SETAR DI BO TAMBE! |
PINK PANTER
said:
|
Ami no ta interesa pa core cu ningun stiker di setar of di ningun hende. Pami nan mester just regala e bon clientenan un ana gratis of rifa of hasi un campanya caminda nan por gana algo asina y stop di regala coi kens. |
lissette andrea carrion
said:
|
CORDA PASA DEN E BARIO NAN CU TA KEDA MAS PADEN PASO EINAN NUNCA NAN TA PASA MESKOS CU UN PAAR DI ANJA PASA E OTRO CAMPANJA CU TWTA TIN. DANKI |
