|
Dia 8 di Juni e final di AMS 2008 |
|
|
|
|
Wednesday, 14 May 2008 - 00:04 |
|
 E finale di Aruba Model Search 2008 lo wordo presenta dia 8 di Juni proximo na Piedra Plat Entertainment Center. Un evento inigualable cu ta trece dilanti un nivel haltisimo di moda y creatividad. E participantenan di Aruba Model Search 2008 cu logra obtene un puesto den e top 20 modelonan femenino y top 20 modelonan masculino lo ta esnan cu lo presenta dilanti e cuerpo di jurado internacional, cu por cierto ta consisti di e mihor agencianan di modelahe di mundo, y asina mira cual di nan ta cay den e top 5 female y top 5 male models di AMS 2008. Click read more pa mas detayes y imagen.
Logicamente na final di e anochi Aruba henter lo sera conoci cu e proximo “fashion stars” di nos isla. E participante masculino y participante femenino cu lo obtene e titulo maximo di AMS2008 siguramente lo converti nan mes den e proximo “supermodels” di Aruba y muy posiblemente di nivel internacional tambe.
FASHION ENTERTAINMENT....
E tema di e evento final di Aruba Model Search 2008 lo ta “Fashion Entertainment” mirando cu e producion lo conta cu lo maximo di moda y modelahe di Aruba y nivel internacional. Mester menciona cu e anochi lo conta cu musica live di e popular banda “WildFire” y tambe un special performance di “Basic One”.
PRESENTACION DI PARTICIPANTENAN...
E prome presentacion di e participantenan lo ta den un espectacular opening act cu Popcorn Dancers. Siguiendo esaki e participantenan lo demonstra nan aspecto fysico den moda di “Sparetime” boutique, e cassual fashion clip lo ta di diseñador internacional Erica Arguello, mientras cui e fashion clip final lo ta completamente di Trash By Ronchi fashion collection. Fuera di esaki mester menciona cu e anochi lo conta cu musica live di e popular banda “WildFire” y tambe un special performance di “Basic One”.
ESCENARIO “OUT OF THIS WORLD”....
Logicamente e escenario di AMS2008 lo ta den man di renombra escenografo Gareth Tromp y Jairo Lacle. Un stage cu lo kibra tur record na Aruba y lo trece dilanti modernismo a lo maximo. E escenario lo consisti di e colornan di AMS2008 cual ta preto, blanco, y corra. Un escenario completamente diferente y nunca bisto na Aruba. E tremendo efectonan especial, luz, y sonido ta den man di Thunder & Lightning kendenan lo laga Aruba henter impresiona un biaha mas cu nan tremendo efectonan di luz y sonido.
ENTRADA Y VIP........
Entrada general pa cu e tremendo evento final di Aruba Model Search 2008 por wordo obteni serca participantenan y crew di AMS2008, na Trash By Ronchi, Beauty Team, y Ink Spot. Ta bon pa informa cu e anochi inigualable aki ta conta cu dos tipo di VIP. Fashionista VIP cual ta un VIP area estilo cocktail area a la MTV Music Awards y ULTRA VIP cual ta e seccion VIP mas “creme de la creme” di e anochi. Pa reservacion di cualquier VIP area por yama 582-6632 of 583-9034 y cu gusto lo duna informacion y tambe reserva mesa of tickets pa cocktail VIP. Ta bon pa menciona cu entrada ta limita y cu ya caba caarchienan pa e evento final ta bendiendo !!!!
| Comments () >> |
 |
 |
.jpg "ams (1).jpg")
.jpg "ams (1).jpg")
