|
Digicel patrosinador di Special Olympics |
|
|
|
|
Friday, 16 May 2008 - 00:00 |
|
“Ta un di e patrosinionan di mas grandi cu nos ta haci tur aña”, pero nos ta hopi contento cu Boso y nos ta spera di por sigui ta Boso patrosinador principal pa hopi aña mas” asina Michelle Winklaar, gerente general di Digicel Aruba a bisa na ocasion di firmamento di e contract como patrosinador di “Special Olympics Aruba”. Ta trata aki di e grupo di personanan mentalmente retarda cu por medio di e tipo di patrosinionan asina ta haña oportunidad pa por sigui desaroya nan mes deportivamente y hasta participa na nivel internacional representando nos isla. Click read more pa mas detayes y imagen.
Tabata for di aña 2003 caba, hasta algun luna prome cu Digicel a cuminsa opera oficialmente na Aruba cu e compania di celular a mustra su interes den e grupo aki y a haci un donacion substancial pa nan participacion den e weganan olympico internacional na Dublin, Irlanda. Ta for di e tempo ey te cu awor Digicel a sigui renoba nan compromiso tur aña atrobe. Nos solamente aki na Aruba, pasobra e compania cu mas ta creciendo na Aruba, Antiyas, Caribe y awor hasta den Centro America ta un di a patrosinadornan principal di Special Olympics den mayoria di e mercadonan na unda nan ta operando. “E ta forma parti di nos maneho como compania. Nos ta kere masha den yuda esnan cu un limitacion den nos comunidad. Nos presidente ta pone masha enfasis riba esaki y nos hasta tin un persona special trahando cu nos for di hopi aña caba y nos ta masha contento cune”, asina Winklaar a enfatisa, demostrando asina nan compromiso serio pa duna un man na tipo di instancianan manera SVGA.
Tuyo Werleman a bisa cu e placa aki lo sigui yuda e organisacion pa por cumpli cu nan metanan. Ela haci mencion por ehempel di e weganan nacional cu lo tuma lugar dentro di poco y hasta a bisa cu un grupo di Special Olympics di Irlanda lo bishita Aruba den e siguiente lunanan. “Esaki ta debi na contactonan cu nos a sera cu e team aki tempo cu nos a bay Irlanda cu ayudo di Digicel na aña 2003. Nos a sigui mantene contacto cu e team te cu awor nan ta biniendo serca nos aki”, Tuyo Werleman a conta cu un orguyo riba su cara. E Presidente di e organisacion a añadi cu recientemente nan a caba di habri nan cancha di Bolas Crioyas y asina tin plan pa sigui amplia nan facilidadnan tanto social como deportivo pa e muchanan aki.
Algun di e participantenan di Special Olympics tambe tabata presente hunto cu demas miembronan di e organisacion pa esnan cu un deficiencia mental na ocasion di firmamento di e contract aki. Riba e fotonan adhunto por aprecia algun momento na ocasion di e ceremonia cortico teni den sala di reunion di SVGA.
| Comments () >> |
 |
 |
.jpg "svga (1).jpg")
.jpg "svga (1).jpg")
.jpg "svga (1).jpg")
.jpg "svga (1).jpg")
.jpg "svga (1).jpg")
