|
E mihor agencianan di mundo confirma! |
|
|
|
|
Friday, 16 May 2008 - 00:00 |
|
 Un tremendo elogio mester ser duna na e team completo di Aruba Model Search 2008 kendenan a sa di traha arduosamente pa tres aña consecutivo pa asina logra obtene un progreso enorme ! AMS2008 a cuminsa na aña 2006 y a ricibi tremendo acogida na Aruba y tambe na nivel internacional. Prueba di esaki ta e tantisimo agencianan di modelo, di gran renombre mundial, cu a confirma nan presencia na Aruba Model Search 2008. Algun cu desde 2006 a sa di presencia AMS y otronan cu ta prome biaha cu nan lo ta presente na Aruba pa asina fungi como e juradonan di e tremendo finale di AMS 2008. Click read more pa mas detayes.
Sigur esaki ta demonstra cu en berdad Aruba Model Search 2008 ta realisando un trabao profesional y di nivel cu ta ricibi admiracion internacional. “Hopi di e scouts di e diferente agencianan ya caba ta wordo considera amigo mirando e tantisimo añanan cu nos conoce otro. Nan ta personana sumamente profesional y ta bin Aruba pa e beyeza di nos isla y di nos hendenan. Mi ta sumamente contento di por conta cu mas agencia pa 2008 mirando cu esaki ta un señal di cu AMS ta creciendo mas y mas” ta locual Ronchi De Cuba a duna di conoce. Sigur esaki ta e prueba berdadero cu Aruba Model Search 2008 ta creciendo cada aña y awor ta conta cu respaldo di e nombernan di mas renombre na nivel mundial. Por claramente bisa cu AMS2008 ta e number un evento di modelo di Caribe y Latino America. Aruba mester ta sumamente orguyoso di un evento local, produci y presenta pa hendenan di Aruba, cu ta ricibi tanto admiracion na nivel mundial.
Diadumingo dia 8 di Juni proximo na Piedra Plat Entertainment Center nos isla y e invitadonan internacional lo admira un espectacular finale di AMS2008. Ya caba caarchienan ta obtenible na Trash By Ronchi y Beauty Team. Pa reservacion di mesa VIP of di cocktail VIP por yama 582-6632 of 583-9034 y cu gusto lo duna mas informacion !
| Comments () >> |
 |
 |
