|
Torneo deportivo di Valero ta sigui |
|
|
|
|
Saturday, 17 May 2008 - 00:00 |
|
 Den fin di siman e torneo deportivo entre e diferente departamentonan di Valero Aruba Refinery a sigui cu un torneo di futbol di sala y bowling. Durante e torneo di futbol cu a tuma luga riba diabierna ocho diferente equipo a competi den dos diferente pool pa wak cua equipo ta bira e ganador absoluto. E wega final a tuma luga entre South Siders y Maintenance Crazy Boys. Despues di un wega hopi interesante e equipo di South Siders ta gana e Maintenance Crazy Boys cu 6-1 birando asina e campeon di futbol di e refineria pa 2008. Un pabien pa South Siders y tambe pa tur e otro equiponan cu a participa den e torneo. Click read more pa mas detayes y imagen.
E competencia deportivo a sigui ariba diasabra cu 12 team competiendo contra otro pa wak ken ta bira e campeon di bowling. Despues di varios bataya yena cu entretenimiento y diberticion e equipo di e departamento di Oil Movements, the Vipers, a gana. Na di dos lugar a keda e team GOB I. E premionan individual pa e hungador cu mas hopi punto a wordo gana door di Errolito Brown y Fabiola Quant. Hopi pabien na tur e ganadonan.
Un momento special durante tur dos anochi tabata e momento cu Javier Lampe y August Albertus a ricibi un plakkaat como muestra di aprecio pa tur nan trabou duro organisando e torneonan di respectivamente futbol y bowling.
Den e fin di siman cu ta bin ta bai tin e ultimo dos evento di e torneo deportivo entre e departamentonan di Valero Aruba Refinery. Diabierna dia 16 di mei lo tin e competencia di brainstorming y mens erger je niet. Riba diasabra y diadomingo tin e torneo di softball.
South Siders ta gana y bira campeon di futbol
Vipers ta Valero su campeon den bowling
August Albertus ta ricibi su plakkaat di Joanette Vrutaal
Javier Lampe ta pose cu su plakkaat
| Comments () >> |
 |
 |
