| Ultimo dia pa ticket di Soul Beach na prijs local |
|
|
|
| Monday, 19 May 2008 - 00:00 | |
 Pa solamente awe na Arawak Garden entre 6:30 – 10:00 p.m. organisadornan di e Soul Beach Music Festival ta duna Aruba e ultimo oportunidad pa por cumpra e ticket di entrada na Afls. 55,= p/p pa anochi. Mientras cu diamars en adelante e ticketnan aki lo bira $ 65,= p/p pa anochi. y ta recomenda tur esnan cu no a provecha ainda di e prijs especial aki pa hasi esaki pa nan no keda afor di e gran fiesta di e fin di siman aki cu lo bai ta grandi den Aruba Entertainment Center cuminsando pa 7 or di anochi.
No perde e oportunidad di presencia tur e artista grandi di e aña aki manera:
Sinbad, Brandon T.Jackson, Erykah Badu, Sean Kingston, Wyclef Jean,
Ledisi y Paige Bryan y cu nan ariba diabierna anochi nos banda local lo
ainda lo mester ser anuncia diamars 21 di mei asina ta sigui manda bo
SMS pa bo banda preferi.E calendario di evento di Soul Beach Music Festival cu lo cuminsa diahuebs 22 di mei te cu 26 di mei, por bisa cu preparacionnan ta bayendo fullswing y e expectativa a crece y por spera hopi bishitante di Estados Unidos cu lo viaja especialmente pa Aruba cu e tour di Soul Beach pa asina atende e festival y disfruta di nos dushi isla. Tur e bishitantenan como local lo por goza di un calendario di evento cu ta encera “beach parties”, “comedy night”, “concerts” y “after concert parties” na Havana Beah Club. Diferente di e aña nan anterior e evento lo tuma lugar e aña aki den Aruba Entertainment Center y ta garantiza di presenta e mesun saus y hip pa entretene tur fanatico di Soul, R&B, Hip Hop y Zuk. Esaki ta e di ocho (8) edicion di Soul Beach Music Festival y pa Aruba e ta e number 4 organisa durante e asina jama “Memorial Day Weekend” cu manera nos tur sa ta un dia liber na Merca y e combinación di artista invita e aña aki ta fabuloso y sigur cu tur lo duna Aruba “The Best” den nan presentacion. Asina ta recomendable diabiierna anochi bin hari barica yen cu Sinbad, diasabra baila na randi ariba e ritmo pegajoso di Wyclef Jean y diadomingo anochi bin canta “Beautiful Girls” cu Sean Kinsgton y sera e anochi cu e sensualidad di Erykah Badu. AWE ULTIMO DIA PA CUMPRA BO TICKET DI ENTRADA: Na Afls. 55,= pa persona pa anochi na tur Setar Teleshop Seroe Blanco, Palm Beach, Royal Plaza, Juancho Iraisquin Plein, Sta. Cruz y San Nicolas, Jamaica Me Krazy Restaurant, Musiq Inc na San Nicolas, Moomba Beach y tur restaurant di Wendy’s. E aña aki ta e Soul Music Beach Festival ta conta cu varios sponsor local y internacional: Main Sponsors: Aruba Tourism Authority, AHATA Ford Motorcraft Local Sponsors: Setar Heineken Music Kraft De Palm Tours Wendy’s Sbarro Carvel Cinnabon Economy Car Rental Sean Jewelers Primary Hotel Sponsor: Renaissance Aruba Beach Resort & Casino Holiday Inn SunSpree Resort Aruba Radisson Aruba Resort & Casino Secondary Hotels Sponsors: Occidental Grand Aruba Westin Aruba Resort |
