Ariba diadomingo, 25 mei 2008, I.D.E.F.R.E. ta organisa e di 6 caminata di un miya pa hoben bow di 15 aña. E evento aki I.D.E.F.R.E. ta organiza como empuhe pa Brazil Teakwondo. E caminata aki ta di un miya, specialmente pa muchanan entre edad di 6 – 15 aña y ta combina cu un caminata pa adulto cu ta di 5 miya. E caminata pa mucha ta cuminsa 16:30 ariba diadomingo y ta cuminsa dilanti Wendy’s na Cura Cabai. E caminata di e majornan ta planea pa start sali 17:30, tambe for di Wendy’s na Cura Cabai. Inscripcion ta solamente AWG. 5.00 pa mucha y hende grandi. Click read more pa mas detayes y imagen.

Na final di e caminata di mucha lo entrega premionan den categoria 7 aña y mas jong, 8-10 aña, 11-13 aña y 14-15 aña. E invitacion special aki ta bai pa tur major cu jiu den e edadnan aki pa trece boso jiu pa participa den e evento unico aki. E oportunidad ta existi pa abo como major tambe cana cu bo jiu.

Hyatt Regency Aruba Resort & Casino y Bo Tambe Por !  cu participacion na e caminata aki kier a duna sosten na su Talento Rashida Ollivierre, Talento di Taekwondo. E caminata aki mester sirbi como warm-up pa e evento grandi di Taekwondo cu Bo Tambe Por !  ta organisando den luna juni/juli. 

Bo Tambe Por!  e projecto comunitario di Hyatt Regency Aruba Resort & Casino. Un esfuerzo pa duna bek na e comunidad di Aruba despues di 20 aña di existencia. Bo Tambe Por ! ta conta cu un  comite organisador hopi entusiasma y yen di energia pa traha pa e projecto. Bo Tambe Por !  ta un programa specialmente diseña pa hubentud den edad escolar, dunando nan asina e oportunidad di expresa nan talentonan ariba varios tereno. Di e forma aki tambe Hyatt Regency Aruba Resort & Casino ta honra e esfuerzo diario cu e talentonan ta desplega y ta purba di encurasha nan, y tur otro hoben, pa sigui sobresali ariba nan tereno individual. E intencion na mes momento ta pa introduci, expone y stimula otro hoben pa practica cualkier deporte of expresa nan mes artisticamente.  Sigui bo instinctonan y purba di hasi e deseo ey un realidad.  Bo Tambe Por ! 

Comments (1) >>

Show/Hide comments

Marta Raven said:

great, Hyatt a invita e jiunan di su asociados.Hyatt lo bin cu un grupo grandi di mucha pa join Rashida riba diadomingo. Mi ta mira boso einan!

May 20, 2008

Write comment

Show/Hide comment form

Name

Email

Comment

Add Comment