Diaranson anochi dia 21 di mei pa 7:00 p.m. Aruba Wieler Bond ta organisa e "Ride of Silence".  E "Ride of silence" no ta un careda sino un bike tour y no tin inscripcion. E ta wordo cori poco poco y den silencio. Su proposito ta na prome lugar pa consientisa tur automobilista di e peliger cu e ta forma pa e ciclistanan y na di dos lugar pa nos conmemora tur ciclista cu a fallece den accidente di trafico. E tour aki ta wordo cori na 240 lugar rond mundo na e mes un ora. Tur loke bo mester pa participa ta un bicicleta y bo mester tin luz of reflector riba bo bicicleta. Click read more pa mas detayes.

E ruta ta 12 km, e ta sali for di Arashi bai direccion Tierra del Sol sigi pa Turibana direccion warda di polis na noord. Na e luz di trafico ta bira na man drechi direccion Palm Beach, na e luz di trafico na Palm Beach ta bira na man drechi direccion Malmok pa termina na Arashi. E ruta ta uno apropia pa tur nivel di ciclismo y pa tur edad. Bin join nos den e Ride of Silence pa su proposito no bai perdi, pa nos amigo ciclistanan cu a fallece y pa den futuro evita mas caso fatal den trafico, hunto nos por haci un diferencia. 

Comments (2) >>

Show/Hide comments

Vicente Tromp said:

Hallo; Mi ta spera cu e activiteit di e ciclista nan aki di Aruba por habri e wowo di e minister di deporte, cu na Aruba a bira tempo pa traha caminda pa ciclista nan por core sin risca nan bida plus cu mas hende por laga nan auto para i core bycicleta. Pasobra coriende bycicleta ta masha salud mes, i Aruba ta chikito pa tur e auto cu tin ei nan i cu lo bini erbij. Un cordial saludos, Vicente Tromp

May 21, 2008

michelle said:

Vicente mi ta sostenebo den bo opinion cu mester bin cu "fietspadden", solamente no ta tur caminda tin espacio pa cu esey. Tambe teniendo cuenta cu cada rato prijs di combustilbe ta subi, mas hende lo tin cu bai haci uso di bicicleta pa move rond. Tin di remarca si cu algun automobilista mester laga nan egoismo un banda door di tene cuenta cu carreteranan no ta pa nan so. Y pa algun di e ciclistanan mes cu ta corre BANDA di otro, mi ta supone cu nan sa cu esey NO por.

May 21, 2008

Write comment

Show/Hide comment form

Name

Email

Comment

Add Comment