Despues di un fin di siman yena cu actividad deportivo e torneo entre e diferente departamentonan di Valero Aruba Refinery a yega su final. Riba diabierna 16 di mei 2008 Centro di Bario Brazil tabata e cede pa e competencia di seso sport y Mens-Erger-Je-Niet en bibo. Mientras cu e equiponan di seso sport tabata enfrenta otro paden den tres diferente rond, pafo e equiponan tabata bataya cu otro riba e cancha di Mens-Erger-Je-Niet. Ni cuanto e otro equiponan a purba un biaha mas e equipo Maintenance Golden Treausures a bira a ganado absoluto di seso sport. Na di dos luga a keda GOB Thinkers. Click read more pa mas detayes y imagen.

Basta rato despues cu e competencia di seso sport a caba e campeon di Mens-Erger-Je-Niet a bira conoci. E equipo South Happy Family awor por yama nan mes campeon di Mens-Erger-Je-Niet. VMSA Slammers a bira subcampeon.Riba diasabra y diadomingo e diferente equiponan di softball a topa otro riba veld di Kudawecha. E wega final tabata entre OMS/ Marine y GOB United caminda GOB United a bai cu e titulo di campeon di softball y OMS/ Marine a keda na di dos lugar.

Joanette Vrutaal y Rayborne Didder tabata e empleadonan di Valero cu a ricibi un plakkaat bisando nan danki pa tur nan esfuerso organizando e torneonan di seso sport, Mens-Erger-Je-Niet y softball. Tambe un danki special ta bai pa Sandra Geerman kende a traha incansabel pa haci full e torneo entre e departamentonan di Valero un exito rotundo. Un danki na nan pa nan trabou duro cu nan a haci cu entusiasmo y un pabien na tur e ganadonan durante e fin di siman y henter e torneo deportivo di Valero Aruba Refinery.

Brainstorming campeon
Mens-Erger-Je-Niet campeon
Softball campeon 
Joanette Vrutaal ta ricibi su plakkaat di Sandra Geerman
Rayborne Didder ta ricibi su plakkaat di Sandra Geerman

Comments (0) >>

Show/Hide comments

Write comment

Show/Hide comment form

Name

Email

Comment

Add Comment