|
Jingle di Setar di bo tambe |
|
|
|
|
Wednesday, 21 May 2008 - 00:00 |
|
 SETAR ta lansa un jingle nobo nobo pa e campaña SETAR di bo tambe! Tur radio stacion a ricibi e jingle nobo di SETAR cu ta anuncia e campaña SETAR di Bo TAMBE! fin di luna di Mei. Den e proximo dianan tur clientenan ta poniendo nan sticker riba nan cas of nan autonan en espera pa e prome trip di e bus di SETAR cu lo drenta den e diferente barionan di Aruba cu hopi premio y sorpresanan agradable. E jingle lo resona na e radionan di Aruba pa asina trece e clientenan den e ambiente festivo di 5 aña di existencia di SETAR como NV. E principe di musica Arubano sr. Hildward Croes compone y aregla e jingle aki pa SETAR. Click read more pa mas detayes.
E cantante pa e jingle ta e popular cantante hubenil Edjean Semeleer acompaña cu e voz di coro di srta. Lily Rodgers, cu ta cantante finalista di evento annual Sparkling Tour. E ritmo di e jingle nobo ta combina e musica cu un aspecto crioyo combina cu beat moderno. Hildward Croes ta sumamente contento cu e por a traha un biaha mas den un proyecto pa SETAR. E ta bisa: “como un bon cliente, e inspiracion a bin for di mi corazon, ya cu mi ta haya cu tur locual ta worde bisa den e cancion ta refleha con nos ta sinti pa nos compania nacional.”
Hildward a yega di coopera den varios proyecto di SETAR y ela trece musica di Telearuba nobo, tambe ta activo ainda como e lider di e banda y ta coordina Sparkling Tour y otro proyectonan manera recientemente e introduccion di e producto moderno 3G ZING di SETAR.
Un y tur cas y auto rond di Aruba por participa den e campaña di SETAR di BO TAMBE! y awor cu e jingle resonando durante di e programacion di radio elo cuminsa e ambiente pa e tremendo bus trip di SETAR caminda lo reparti varios regalo y premionan hopi atractivo como un danki pa sostene SETAR y celebrando e 5 aña como NV di nos compania nacional.
E letra di e jingle ta asina: “Nos ta orguyoso di nos compania nacional, cu ta brinda nos Aruba e servicio excepcional. Nos ta sigui padilanti, nos ta sigui avansa paso SETAR ta cu nos. Nos ta SETAR, Nos ta Di BO, Nos ta Pa Bo, Nos ta Cu Bo. SETAR NV celebrando 5 aña. SETAR, DI BO TAMBE!”
Click pa scucha e jingle:
| Comments () >> |
 |
 |
