|
Jaquon Eisden ta score cu spreekbeurt |
|
|
|
|
Thursday, 22 May 2008 - 10:17 |
|
 Jaquon Eisden ta resalta den su spreekbeurt over di drag racing aki na Aruba. Ora cu e Tour Crew di Brazilian Flash a wordo invita pa Graf Von Zinzendorf School dialuna mainta, nan a keda babuca ora cu e jovencito Jaquon Eisden a introduci nan na su klas y su maestra y a cuminsa conta over di drag racing. Un topico cu sigur a hala atencion ta ora cu e tawata splica di e seguridad y pakico drag racing ta sano pa e jovennan. Sr. Jonathan Tromp "World Champion IHRA Summit Super Series 2004" a amplia den un forma masha sencilio over di e tema di drag racing. Click read more pa mas detayes y imagen.
Aki unda e muchanan tabata scucha cu masha atencion y gran parti di nan pregunta tawata enfoka riba e auto Ford Mustang Race Ready di Puerto Rico cu tawata riba un trailer. Mirando cu Jaquon Eisden a score halto y a impresiona Jonathan y e crew di Brazilian Flash masha hopi a dicidi di regala henter e school nan tickets di entrada gratis pa asina nan tambe por bai wak e carednan di Caribbean Shoot Out 2008 na Palo Marga otro weekend di 29 di Mei pa 1 di Juni.
Cu esaki mas di 200 mucha di Graf Von Zinzendorf School ta cla pa bai bishita Palo Marga International Raceway Park y hasta sinta den e "VIP for Kids area" pa wak e cardanan y show di e jetcarsnan. Pabien na Jaquon y tambe na Janiro Eisden tata di Jaquon cu a juda su jui den e spreekbeurt vooral cu e parti di historia di drag aki na Aruba. Actualmente Brazilian Flash Foundation ta repartiendo alrededor di 6000 free tickets pa tur mucha bow di 12 anja y sigur esaki mester wordo acompanja pa un bunita recomendacion di e maestra of maestro di school of un spreekbeurt. Por manda un e-mail na
This e-mail address is being protected from spam bots, you need JavaScript enabled to view it
pa tur esnan cu kier hasi un spreekbeurt na school pa asina trece un of mas auto di drag racing pa asina e muchanan conoce esaki un tiki mas di cerca. Brazilian Flash ta kere cu tur mucha mester hanja e oportunidad pa bishita Palo Marga y den nomber di nan casnan comercial e.o. American Airlines, Budweiser, Pepsi Cola, Papa John's Pizza, The Aruban Resort y Ministerio di Tursimo nan lo sigi reparti e ticketsnan aki.
| Comments () >> |
 |
 |
