| Renaissance cu Festival di Cuminda |
|
|
|
| Tuesday, 27 May 2008 - 00:00 | |||||||||||||
 Manera tur aña Renaissance Marketplace ta organisa un dia di Festival di cuminda. E aña aki dia 31 di Mei ta e prome biaha cu Renaissance Marketplace ta lansa su festival di cuminda pa aña 2008 conhuntamente cu e candidatanan di Miss Aruba, cu lo competi dia 2 di Augustus, 2008. Esaki lo ta e prome biaha cu e candidatanan lo presenta nan mes na e publico di Aruba, nan lo “topa cu Prensa” na Renaissance Marketplace pa 8’or di anochi. Pueblo di Aruba ta keda cordialmente invita pa bin sera conoci cu e participantenan di Miss Aruba hunto cu nan famia. Click read more pa mas detayes y imagen.
Renassaince Market Place ta bai tin un tremendo show di moda di su tiendanan pa exactamente 8:30 net dilanti di Café the Plaza.
Pa deleita e anochi aki Renaissance Marketplace a percura pa tin 3 banda riba escenario cual lo ta Robert & su Solo Banda Show, Marisela y So What. Sin laga nos muchanan afor, Renaissance Marketplace tin su famoso Kids Corner caminda tur e chikitinnan por pasa un rato agradabel. Lo tin tambe e pa nos muchanan pintamento di cara, obra di man y un concurso di pintamento, tur nos muchanan lo ricibi popcorn, blaas y cotton candy. Nos restaurantnan y barnan tin un menu special cu descuentonan increibel pa solamente e anochi aki. Pa esnan cu kier los nan pianan despues di come, lo por haci esaki libremente dilanti Café Tropical, na unda Robert & su Solo Banda Show lo haci su presentacion. Nos tiendanan ta habri di 10’or mainta cu varios articulonan na prijs special pa e dia aki. Festival di cuminda lo cuminsa 6’or di atardi te cu 11’or anochi.
|
|||||||||||||
