| Passaat Recruitment Days 2008 |
|
|
|
| Friday, 30 May 2008 - 00:00 | ||||||||||||||||||||||||||||||||||||||||||||||||||||||
 Recientemente a tuma lugar na Hulanda e Passaat Recruitment Days. Esaki a wordo organisa door di Passaat mes. Passaat ta un union di studiante Arubano y Antillano biba na Hulanda. Meta di e evento aki tabata pa duna studiante, esnan recien gradua y otro interesadonan e oportunidad pa drenta den contacto cu companianan for di Antias y Aruba. Riba e prome dia di e evento tabatin un carierebeurs, presentacion di e diferente empresanan, workshops y un symposium. E sigiente dia a tuma lugar conversacionan entre un grupo selecto di studiante y e empresanan participante. Click read more pa mas detayes y imagen.Ademas di esaki e studiantenan presente a hasi bon uso di oportunidad di combersa cu e representantenan di e empresanan aki y haya sa informacion hopi valioso. Ta un hecho conoci cu hopi studiante, despues di a termina nan estudio di un forma exitoso no ta regresa nan pais mesora. Motibo di esaki ta e duda cu existi den e mercado laboral. Por bisa cu e asistencia di parti di e studiante tabata uno massal y a reina un ambiente hopi positivo. E meta di por trese e studiantenan y empresa mas serca di otro a wordo concretisa y sigur por bisa cu Passaat Recruitment Days 2008 tabata uno sumamente exitoso. Den un sigiente edicion 24ora lo trese un entrevista amplio cu un di e empresanan cu a participa na e evento aki pa asina nan por duna nan impresion di con nan a experencia e encuentro cu e studiantenan. Un pabien sigur ta bai na Passaat cu a bin cu e iniciativa pa un evento asina y un excelente trabou di a organise di un forma sublime.
Studiante
said:
|
||||||||||||||||||||||||||||||||||||||||||||||||||||||
 |
Passaat Recruitment Days tabata bon pero pa studiantenan Arubiano no tabata tin hopi compania. E companianan presente tabata mas tanto companianan situa na Corsow. |
Student
said:
|
Bo tin bo rason, paso e studiante rubiano nan y den passaat tin mas cu un paar, por a hinka e compania nan di aruba tambe den e beurs y invita e studiante rubiano nan pa assisti na e evenemento aki. |
Studiando na hulanda
said:
|
Mi tambe ta di acuerdo, nan mester integra Aruba mas, mi tin di bisa cu e tabata un bon comienso, kisas pa e next mas compania di Aruba lo por ta presente. |
Student 3
said:
|
Mi ta mas cu sigur cu Passaat su intenshon ta pa atrae Arubianonan tambe pa e beurs, pero si companianan i GOBIERNO di Aruba no mustra interes den actividadnan importante manera esaki, ta con lo un organisashon jega na atrae e Arubianonan na Hulanda? Pa di dos biaha e companianan i gobierno di Aruba a laga di desea. I no ban cuminsa over Arubahuis mes, cu a logra di keda sin manda un representante atrobe! Si en berdad e studiantenan ta e futuro di Aruba, no a jega ora pa cuminsa mustra mas interese den nan?! |
Studiante08
said:
|
Loke tur hende tin cu houd rekening kune ta ku Passaat a traha extremamente duro pa hanja compania nan Arubiano. Tambe Passaat ta hasi hopi esfuerso pa hanja leden nan Arubiano i Antillano. Tabata tin mas compania Arubiano compara cu dos anja pasa. Uiteindelijk nin masce cuanto esfuerso Passaat hasi semper ta keda na e Arubiano nan mes si nan ta doe mee si of no, dus e Arubiano nan mester vraag nan mes af si ta Passaat no ta hasi sufficiente of ta e compania nan Arubiano no ta hasi sufficiente pa trese nan Arubiano nan bek Aruba! |
ate
said:
|
Por ta cu e companianan di Aruba mes no ta 'sta te schreeuwen' pa Arubianonan bon studia na Hulanda?? Si bo tende ki bentahanan e companianan di Antiyas ta ofrece na esnan cu ta interesa di bai Antiyas bek, bo ta puntra bo mes: Ta dicon e companianan Arubianonan no por/kier ofrece algo asina na e toch bastante hbo'ers/drs Arubianonan cu tin na Hulanda? Segun mi, por ta cu actualmente e ambiente na Aruba (vooral politicamente/gobernamental) ta hopi instabiel. Tin asina hopi inseguridad na Aruba (p.e. e futuro relacion estatal cu Hulanda/Antiyas, e sistema di maneha e pais) cu asta e propio companianan ta insigur pa nan futuro??? |
