|
Nico Connor ta lansa cd nobo riba mercado |
|
|
|
|
Tuesday, 03 June 2008 - 00:00 |
 Diahuebs 29 di Mei atardi na Mr. Jazz situa na Paseo Herencia, Nico Connor a bautisa su CD nobo titula "Gospel Affirmations" den un forma sumamente bunita y special y cu ta marca e di 10 cd cu e ta produci. Durante di un atardi masha ameno den compania di su invitadonan, famia, amigonan y prensa, Nico Connor a trece dilanti su ultimo produccion, cual ta un bunita compilacion di varios cancion tradicional cu nos conoce na Aruba den e genero di Gospel. E forma cu e bautismo a tuma lugar tabata hopi special, ya cu Nico a escohe pa pasa e batuta over na e generacion nobo di Connor. Click read more pa mas detayes y imagen.
Nico Connor a aparece for di e balcon como un sorpresa y despues cu e la hasi su presentacion e la tira e sticksnan abao na unda cu su sobrinonan morocho, Quincy y Wesley Connor a catch nan y a cuminsa toca ariba steelpan di Nico. Hopi emocionante y cu unn significado hopi importante tabata e forma symbolico aki di e bautismo nobo di Nico Connor. Na su lugar e ta trata di un CD di Gospel. Despues Nico a baha for di e balcon y a topa su sobrinonan ariba e escenario. Nan tur a uni hunto den un cancion y asina a marca historia y a asegura cu e tradicion Connor ariba steelpan lo continua pa hopi generacion mas. E sobrinonan Quincy y Wesley mes a keda ariba e escenario ya cu nan tabata e padrinonan di e cd nobo, serando asina cu mas significacion ainda e bautismo special di Nico Connor.
E presentacion musical a ser acompana pa Michael Odor ariba piano, Ivan Quandus ariba e bass guitar y Eugene Jones ariba drumset, kende ta ruman di Nico. Prensa y publico presente por a goza inmensamente di e presentacion aki. Un danki grandi ta bai na e miembronan di e banda cu por cierto tambe a toca ariba e cd di gospel aki di Nico Connor. Durante di e presentacion e chef di Mr.Jazz, Sr.Vittoro, a deleita e publico presente cu snacksnan masha dushi mes. Un danki grandi ta bai pa e gran contribucion y e cordialidad di Mr.Jazz, Sr.Vittoro y su crew.
Nico Connor a hasi un dedicacion specila den su cd nobo cu e ta bisa lo siquinte: This album is dedicated to the Lord God Almighty who blessed me with my musical talent. A special honor to my grandfather, Pastor E.V. Connor, who shared with us thatwhen you follow in the path of the father, you learn to walk like Him. Tambe e la duna honor tambe na dos persona, Sra. Inaira Daal y Sonja Broadbelt, kendenan semper a yude cu benta di su Cd nan.
Nico tambe a jama danki na tur esnan cu a jude durante projecto aki cu ta : Michael Odor,Ivan Quandus, Rufo Quandt, Ishwar Daryanani, CMB, Eugene Jones.
Pabien Nico Connor cu bo contribucion na nos cultura spititual. Excito cu bo carera musical. Manera bo mes a bisa: "Many Religion but only one God"
Pa mas informacion ariba e Cd por email na
This e-mail address is being protected from spam bots, you need JavaScript enabled to view it
,
This e-mail address is being protected from spam bots, you need JavaScript enabled to view it
,
This e-mail address is being protected from spam bots, you need JavaScript enabled to view it
of yama 5939599 y 7427400.
| Comments () >> |
 |
 |
Diahuebs 29 di Mei atardi na Mr. Jazz situa na Paseo Herencia, Nico Connor a bautisa su CD nobo titula "Gospel Affirmations" den un forma sumamente bunita y special y cu ta marca e di 10 cd cu e ta produci. Durante di un atardi masha ameno den compania di su invitadonan, famia, amigonan y prensa, Nico Connor a trece dilanti su ultimo produccion, cual ta un bunita compilacion di varios cancion tradicional cu nos conoce na Aruba den e genero di Gospel. E forma cu e bautismo a tuma lugar tabata hopi special, ya cu Nico a escohe pa pasa e batuta over na e generacion nobo di Connor. Click read more pa mas detayes y imagen.
