| ICAO a mustra cu pais Aruba ta cumpliendo |
|
|
|
| Wednesday, 04 June 2008 - 00:00 | |
 E Organisacion di Aviacion Civil Internacioal (ICAO) ta haciendo auditoria desde aña 2005, cu e meta pa verifica si e estadonan contractante di dicho organisacion ta den e capacidad pa cumpli cu e obligacionan di supervisión di seguridad aereo, y pa confirma si e normanan di seguridad ta wordu implementa adecuadamente den e leynan y proceduranan nacional. Tambe e paisnan mester mustra di tin un organisacion cu personal capasita pa cumpli cu e trabow responsabel aki. Di 1 pa 18 di april 2008 ICAO a audit e tres paisnan di Reino Hulandes, cu ta e Estado miembro di ICAO. Click read more pa mas detayes.
E resultado di e audit pa Reino Hulandes en general por wordu considera como un satisfactorio. Ta asina cu ICAO a audit e tres paisnan completamente apart, mirando e constitucion di Reino cu ta stipula cu kada pais ta autonomo pa cu nan politika di aviacion. Mas importante di tur cos ta cu ningun di e paisnan di Reino a haňa un “significant safety concern”, pa cual no tabatin ningun motibo pa obliga un di e paisnan pa revoka ceritifikadonan otorga. Esaki ta un di e medidanan cu ICAO tin aproba door di congreso di ICAO na unda cu si un pais no ta cumpli, nan tin e obligacion pa publika “significant safety concern” di un pais ariba e website di ICAO. ICAO asina ta cumpli cu e mandato di publica resultadonan negativo di auditorianan na un manera transparente pa mundo henter.
E resultadonan pa kada pais a keda presenta den e “closing meeting” duna na e delegadonan di Reino Hulandes dia 18 di april 2008 na Hulanda door di e audit team di ICAO. Pa cu Aruba e resultadonan di e audit haci tabata den lineanan grandi comparable cu esnan di Hulanda, na unda e audit team e trese e sigiente cometarionan additional pa cu Aruba: • Na prome lugar e auditornan di ICAO a keda sumamente soprendi di mira con un pais asina chikito ta asina avansa y con bon nos expertonan ta capasita ariba tereno di aviacion. Ta ser papia di “highly qualified technical experts”; • Nan ta haňa cu ta di lamenta cu sierto cambionan di suma importancia den e codiko nacional di aviacion no por a pasa parlamento ainda. Si, nan por a por a mira cu hopi trabow a wordu haci ariba e tereno aki, entre otro por a mustra leynan den concepto, cual nan tur ta pendiente di e cambionan di codiko pa por haňa nan base legal pa nan promulgacion. • Ariba tereno di supervicion di navegacion aereo y aereopuerto e team di ICAO ta haňa cu tin skarsedad di personal of acuerdonan mas extresho cu Hulanda y Antillas ta recomendabel; • Pais Aruba ta den un hopi bon caminda, tin un gran parti di e preparacion tras di lomba y ta dispone di un plan general pa por keda cumpli cu normanan internacional di aviacion en general; • Lo cual mas a resalta pa cu e team di ICAO ta cu nan a keda sumanente asombra con bon structura y bow di un maneho estricto pais Aruba tin su programa di registro internacional di avion. Delegadonan di Aruba na hulanda a keda sumanete contento despeus di e reunion caminda cu di tur banda nan a wordu felicita pa autoridadnan hulandes, mirando cu semper den pasado Hulanda a mustra nan preocupacion pa cu e projecto di registro internacional di Aruba. Mirando e corecion nan recomenda door di e team di ICAO, y mirando e acuerdo di cooperacion firma door di e tres Minister nan responsable pa Transporte Aereo den Reino, ja trabow nan a cuminsa door di e expertonan ariba aviación den Reino, pa complia e plan di accion di Reino. E plan aki mester wordu entrega na ICAO den luna di september 2008. Reino Hulandes completo ta mira auditorianan haci dor di ICAO como un intrumento esencial y tambe un oportunidad enorme pa sigi drecha nos sistema di aviacion, contribuyendo asina na e seguridad di aviación mundial y di Reino in particular. |
