| Brandweer ta bay cu urgencia Phoenix Hotel |
|
|
|
| Wednesday, 04 June 2008 - 15:00 | |||||||||||||||||||||||||||||||||
 Awe mainta asistencia di Brandweer ta ser pidi cu urgencia pa un caso di candela na Phoenix Hotel. Ora cu Brandweer a yega na e sitio nan a bin encontra un situacion unda cu na prome instante tabata parce cu esaki lo ta un alarma falso, door cu no tabatin ningun indicacion cu por tin un candela na e hotel aki. Despues di un rato empleadonan a bin habri e porta pa laga e dos trucknan drenta pa asina splicanan kiko por a pasa y na unda ta tin candela. A resulta cu un di e trahadornan tabata bezig ta welder na e ultimo piso full na halto cu consequencia cu un par di foam cu tabata den vecindario a pega candela. Click read more pa mas detayes y imagen.
Danki Dios cu den cercania nan mes tabatin un brandblus cu nan por a combati e candela nan mes. Pa sigura cu tur cos ta bou control, un par di personal di brandweer a subi na halto pa controla si e candela tabata bon paga. Tambe tur instancia concerni cu proyecto aki, a sali pa controla y despues a duna lus berde pa e trahadornan por siqui cu nan trabou. Locual cu ta di remarka si ta, cu apesar cu e candela no tabata algo grandi cu peliger, ningun di e trahadornan no tabata sa mes kiko ta pasando. Tur e trahadornan aki a sigui traha manera nada no ta pasa. Esaki sigur ta di lamenta pasobra den cualkier situacion di candela of peliger, mester bati alarma pa evacua tur empleado pa asina ningun hende no sali lastima. Ta ora cu brandweer a yega na e sitio, ta e momento ey trahadornan a ripara cu tin algo robes ta andando. Prevencion y mas prevencion ta na prome lugar, SAFETY.
sehh_ruste
said:
|
|||||||||||||||||||||||||||||||||
 |
e trahador ney si a hanja bon safety training.. |
G Lady
said:
|
Awel esey tambe ta pasa na airport, avion ta casi cai nan ta sera caminda cu tanto cos pero nuin di e trahador nan mes na airport no sa mes kico ta pasando.. Ki style esey ? |
wak
said:
|
E porta cu ta riba e potret no ta entrada e entrada ta mas pariba |
