| Entrevista cu Jeslin Gomez-Wever di Marriot |
|
|
|
| Friday, 06 June 2008 - 00:00 | |||||||||||
 Den luna di Mei cu a pasa a tuma lugar na Rotterdam, Hulanda e Passaat Recruitment Days. Entre e delegadonan presente 24ora a bin topa cu Jeslin Gomez-Wever, kende ta Human Resource Manager na Marriott Hotel na Aruba. 24ora a probecha di e oportunidad pa asina por combersa cu sra. Gomez-Wever tocante diferente topico importante. Click read more pa mas detayes y imagen.Con e Mercado laboral ta na Aruba pa loke ta trata Marriot mes? Actualmente Marriot tin hopi posicion habri. Nos tin 105 posicion habri. Mayoria di nos posicionan ta riba LBO- y MBO-niveau. Nos ta haya hopi hende ta aplicando na Marriot Hotel, pero un problema cu nos tin cu e mercado di Aruba ta cu e hende nan no kier traha shift of nan no kier traha weekend ni dianan di fiesta. Esaki ta hasie dificil pa nos haya hende pa yena e posicion, mirando cu nos ta un hotel cu ta opera 24 ora pa dia 7 biaha pa siman. Kiko e Gallop Assessment cu nan ta hasiendo online riba computer ta ensera? E ta un Assesment cu a bin di Marriot International pa via diferente preguntanan wak con bon un persona ta deal cu guest. E tin dos seccion. E prome seccion ta multiple choice vragen i e di dos seccion ta “akkoord” of “niet akkoord”. Den e prome seccion bo tin 50 seconde pa contesta e preguntanan y esaki ta duna bo e opcion pa contesta loke ta bin prome den bo mente. Na e di dos seccion bo ta haya 20 seconde pa contesta e pregunta nan. Si bo no contesta un pregunta e ta skip e y bay pa e next pregunta di cual bo no tin option pa bay bek. Dus e ta echt e prome contesta cu ta bin den bo mente bo ta contesta e momento eynan. Door di esey cu e assesment ta asina accuraat toch cu e ta saka afo kiko bo prome reaccion lo ta den diferente situacionan cu bo por haya bo mes ta deal cu un cliente. Kiko ta loke boso como compania ta busca den un Young Professional? Wel den un Young Professional nos ta wak hopi riba su attitud, su personalidad. Nos ta traha den un hotel business, dus nos ta buska hendenan cu un personalidad di "Spirit to Serve" . Un hende cu di su mes gusta yuda hende, un hende hopi energetico. Un hende hopi friendly,cu di su mes ta hari. Un hende hopi social mane cu e ta wak e guest ta canando lo cuminde bisando good morning/good afternoon . Dicon bo ta kere cu hopi graduado tog ta keda Hulanda y no ta regresa Aruba pa drenta e Mercado laboral? Hopi graduado ta prefera di keda traha na Hulanda pa haya experencia. Tin cu ta compara e salario, beneficio i orario di trabow cu tin nan Hulanda cual no ta mescos cu loke nos ta ofrese na Aruba. Tambe un otro cos cu ta hunga un rol ta cu hopi hende eenmaal cu nan caba di studia, nan ta pensa cu nan ta yega Aruba y nan ta yega traha den un management team. No ta tur biaha ta bay asina, paso bo no tin experiencia. Nan no ta willing di cuminsa un tiki mas abou y sigui crese. Tambe tin studiante nan cu ta kies richting nan cu nos no tin trabow pa na Aruba. Pakiko Marriott ta participa na PRD? Marriott tin mas o menos 105 posishon habri actualmente, i kier ofrece e hobenan Arubano cu ta interesa pa regresa nan isla e oportunidad pa hasi esaki cu un siguransa di un trabou. Con Marriott ta recruta talento hoben? Nos ta hasi uso di corant i tambe di internet sites pa advertise e posishonan cu nos tin habri. Tambe nos ta participa den diferente Job Fair. Nos tin hopi posicionan habri. Verder nos tin un website unda cu internationalmente nos ta bereikbaar, e ta: www.arubamarriottcareers.com. Internationalmente tur persona por wak e website y tur siman nos ta update e cu nan por wak kiko ta e posicionan cu nos tin habri y nan por aplica online tambe. Pakiko un graduado lo kies Marriott? Marriott ta ofece un salario competitivo i tambe un pakete di deferente benificio, entre otro un plan di pension, un plan di ahoro, un seguro medico adicional, descuento na diferente compania. Tambe Marriott ta ofrece posibilidad pa sigui cursonan pa sigi desaroya bo mes i posibilidad pa sigi crece cu e compania, zowel local of internacional.
cathy
said:
|
|||||||||||
 |
Marrriot si a kere den Passaat no ta manera otro empresa nan grandi na aruba cu a nenga tur nan sosten cuminzando na nos 2 companianan cu llama Setar y Digicel y tambe na nos fundacion lotto pa deporte mi ta bon na altura cu nan a nenga di participa nan no a kere den nos muchanan na hulanda pero nan a logre un danki pa boso di passaat keep the good work mensen |
