|
Fiderd ta continua cu preparacion pa Beijing |
|
|
|
|
Friday, 06 June 2008 - 00:00 |
 E judoka Arubano Fiderd Vis a sali pa Brasil diaranson atardi, caminda e lo continua su preparacionnan pa e Weganan Olimpico di Beijing. Na inicio di su periodo di preparacion na Brasil, Fiderd lo participa mes ora caba na e Campeonato Suramericano, cu lo tuma lugar di 5-9 juni na Brasilia. For di prome cu e Weganan Panamericano di juli 2007 caba, Comite Olimpico Arubano a ricibi un amplio cooperacion di e Comite Olimpico Brasileiro, cu a hasi posibel pa atletanan di nos pais bai entrena na un nivel mas halto na e pais gigante den deporte. Click read more pa mas detayes y imagen.
COA a sa di hasi bon uso di e
oportunidad aki y na mas cu un ocasion a manda atletanan den e deporte
di judo pa entrena cu e seleccion nacional di Brasil. Den e deporte di judo Brasil ta pertenece na e top mundial y ta pues un oportunidad masha valioso pa nos atletanan por a entrena cu atletanan di nivel halto di e pais aki.
Awor, preparando pa e Weganan Olimpico, COA a pidi y a logra haña cooperacion un biaha mas di e Confederacion Brasileiro de Judo pa por a permiti Fiderd Vis pa entrena cu atletanan y tecniconan di Brasil. Presidente di e Confederacion, Paulo Wanderley, a expresa na dirigentenan di COA: “Cu mucho gusto nos lo ricibi Fiderd un biaha mas serca nos. Nos conoce Fiderd como un atleta serio y dedica. E lo beneficia sigur di e posibilidad di por entrena cu mas hopi atleta den nos pais y nos kier yude na caminda pa Beijing.”
Diaranson e momento a yega cu Fiderd a biaha pa e pais suramericano, prome pa e ciudad capital Brasilia, caminda e lo participa na e Campeonato Suramericano, pa despues sigui pa Sao Paolo, caminda e lo entrena hunto cu e atletanan Brasileiro. Pa mas cu un luna Fiderd lo permanece na Brasil.
Basa riba su trayectoria solido den e deporte di judo durante un periodo cu ta cubri un gran cantidad di aña, Comite Olimpico Internacional a extende un invitacion special na Fiderd Vis, sigurando asina su participacion na e Weganan Olimpico di Beijing 2008. Reconociendo su dedicacion y nivel halto den e deporte di judo, COA a accepta e invitacion special pa Fiderd, y a gradici IOC pa e reconocimento tan importante aki. Fiderd Vis y landador Jan Roodzant cu ta entrenando desde november caba na Florida, Merca, ta e unico dos atletanan cu ta candidato pa representa nos pais na e Weganan Olimpico cu lo cuminsa di 8 di augustus 2008 na Beijing, China.
Riba e portretnan por mira Fiderd Vis, hunto cu entrenador Alberto “Betto” Thiel y Presidente di Aruba Judo Bond, Laurencio “Dolf” Croes, cu durante henter su carrera deportivo a sa di apoya Fiderd Vis.
| Comments () >> |
 |
 |
E judoka Arubano Fiderd Vis a sali pa Brasil diaranson atardi, caminda e lo continua su preparacionnan pa e Weganan Olimpico di Beijing. Na inicio di su periodo di preparacion na Brasil, Fiderd lo participa mes ora caba na e Campeonato Suramericano, cu lo tuma lugar di 5-9 juni na Brasilia. For di prome cu e Weganan Panamericano di juli 2007 caba, Comite Olimpico Arubano a ricibi un amplio cooperacion di e Comite Olimpico Brasileiro, cu a hasi posibel pa atletanan di nos pais bai entrena na un nivel mas halto na e pais gigante den deporte. Click read more pa mas detayes y imagen.
