| Ricciotti Ensemble di gira na Aruba |
|
|
|
| Friday, 06 June 2008 - 10:04 | |
 Ayera tardi 24ora a sinta combersa cu represantenan di Ricciotti Ensemble, un orkesta symfonie di Hulanda cu ta bay na Aruba dianan 4-7 di Augustus venidero. Ricciotti Ensemble no ta un orkesta tradicional. E ta consisti di 40 studiante di conservatorium na Hulanda (edadnan ta di 18-31 anja) y ta wordo dirigi pa maestro Gijs Kramers, nan ta toca lugarnan cu normalmente muzikante nan no ta toca p.e. mercadonan, lugarnan caricativo etc. Loke tambe ta interesante ta cu e momento cu nan baha for di bus nan ta purba di yega na toca mas liher cu ta possibel (Record di nan ta un poco mas cu 2 minuut). Click read more pa mas detayes y imagen.
Nan no ta toca muziek classico solamente, pero musica actual tambe. E biaha aki nan a scohe Aruba y Curacao como parti di nan tournee, nan lo ta na diferente lugarnan rond di nos isla p.e. Imelda hof , Casa Cuna y tambe Wilhelmina Park.
Pa pone un toke criollo nan a aserca Sra. Izaline Calister pa canta hunto cu Ricciotti Ensemble, nan ta bay toca su cantica nan y tambe cantica nan di Aruba. Koro di juffrouw Maybeline Arends-Croes tambe ta bay participa. Esaki ta algo hopi diferente pa nos isla cu sigur lo ta bay un exito! Pa mas informacion tocante Ricciotti Ensemble por click riba e link : www.ricciotti.nl  |
