| Huez ta duna acusado Lee absolucion |
|
|
|
| Wednesday, 11 June 2008 - 00:00 | |
 Diabierna, 6 di Juni mainta Corte a trata e caso di S. Lee, kende a wordo acusa di a transporta cosnan horta den su pickup. Segun e procesverbaal, dia 8 di october 2005, Lee ta bisa cu e tabata coriendo cu su auto na haltura di El Porton II y a wordo para pa e homber Gomez, kende e conoce, y a pidi’e un lift. El a para y a duna Gomez un lift. Na caminda pa su cas, Gomes amira e homber conoci como “Chico Gang” para y como cu e ta su amigo a pidi Lee pa dune un lift. Ora cu Lee a para, el a bisanan warda un rato y Lee a mira cu el a hinca un computer cu printer y otro articulonan den su auto. Click read more pa mas detayes.
Na prome instante Lee a bise cu e no ta di acuerdo cu esei, pero segun tanto declaracion di Gomez como di Lee mes, Chico Ganga a rabia y dor di intimidación Lee a lague hinca e cosnan den su baki di pickup. Ora cu nan tabata coriendo, un polis a duna nan indicacion pa nan para, pero Lee a bisa cu el a sigui core, como cu eno a mira zwaailicht, ni polisnan a bise pa e para.
Fiscal den su rikisitorio ta bisa cu no tin prueba di ladronisia, pero encubrimento si por wordo comproba. E motibo ta cu Lee tabata sinta den su auto y a para y duna chens pa Chico Gang hinca cos horta den su auto. Fiscal ta bisa cu e mester sa cu meimei di anochi, bo mester a mira cu cos no ta normal. Y e manera cu cos a pasa bo mester por sa cu ta cosnan horta. Fiscal ta bisa cu polisnan mester a sere pa e por a para, como cu el a sigui core. Lee ta bisa cu el a sigui core, como cu Chico Gang tabata grite pa e core. Fiscal ta bisa cu nan ta cosnan grande y di hopi balor.E ta pidi Huez un castigo di 18 dia, locual el a keda sinta caba. Su abogado ta bisa cu mirando e tempo cu a pasa, e ta pidi pa Huez dune vrijspraak. Relaciona cu encubrimento, e abogado ta bisa cu e Lee tabatin miedo di Chico Gang como cu e ta un hende di curpa grande. Huez ta bisa cu no por papia di encubrimento, como cu no tin ganashi. Huez a dune absolucion di encubrimento. |
