| Acusado v.d B. dilanti Corte pa desfalco |
|
|
|
| Thursday, 12 June 2008 - 00:00 | |
 Recientemente R.X. v,d B a presenta dilanti Corte pa caso di desfalco pa cual el a haci su mes culpabel na febr 2006. E ta wordo acusa di e cambia fecha y a yena un suma mas halto di locual e mester a haya. E ta bisa cu su doño di trabou a dune su retiro, ora cu el a keda dos dia cas, ora su tanta a fayece. E no ta compronde di con nan a kita for di trabou. El a haya un check blanco cerca H., pa e por a paga e suma pa e cursus cu e compania a paga pe. E no a paga e cursus y a keda cu e check en blanco. El a bisa cu e no a cambia e check y no a cobre. Click read more pa mas detayes.
Ora cu el a bai cerca H. Dos siman despues, pa e busca su sueldo, H. a pone na haltura cu e no ta pague. Ela bisa cu si e no pague e ta haye den problema. E acusado ta bisa cu el a nenga dos trabou pa e keda traha cune. E ta bisa cu H. a yama su ruman muhe y a menase di kibra pia di su yiu di nuebe aña. V.d B a bisa cu el a rabia y a traha e cheque di 3000 florin y a bai cobre. E ta bisa cu el a haci’e dor di rabia y ta reconoce cu el a haci malo dor di laga rabia domine. E ta bisa Huez cu el a bai den Tomzitting, naunda Huez a bise cu e mester paga bek 1500florin, como cu e otro 1500 florin lo ta su salaris.
El a haya un trabou na aeropuerto y a cuminsa paga shen flori pa luna di un salario di 700florin. Despues cu e tabata trahando dos luna na aeropuerto , un dia su ex doño di trabou a drenta den su oficina sin ningun permit y a bisa su doño di trabou cu e ta ladron. Esei a pone cu el a perde su trabou y no por a sigui paga. El a keda cu e debe di 1400 florin. E ta bisa Huez cu awor el a haya otro trabou y e doño a dune un voorschot di e placa y el a entregue na su abogado pa paga su ex doño di trabou, como cu e no kier tin nada mas di haci cu nan. Tambe el a bisa Huez cu e H a kibra su auto. Huez a puntre si e no a duna keho. Huez ta bisa cu ta H. su mes falta cu e no a haya su resto di placa, como cu e mes a bai bisanan cu el a perde su trabou. Fiscal ta pidi un castigo di un siman condicional y un tempo di prueba di un aña y e 1400 florin mester wordo paga. Huez ta bisa cu e cheque no a wordo falsifica pero bo a yena cos cu no mester, pero esei ta debi e circunstancia. Mirando cu e first ofender, Huez a dicta conforme peticion di Fiscal. |
