|
Aruba ta saca cara den WK Amsterdam |
|
|
|
|
Friday, 13 June 2008 - 00:00 |
 Recientemente Aruba a competi un biaha mas den e torneo amateur mas grandi di futbol aki na Hulanda WK Amsterdam cu su team Aruba Allstars. Segun prensa Hulandes mas di 18 mil fanatico a bin e dia aki pa apoya nan team. Esaki tabata e di cinco biaha cu Aruba a participa den competencia aki y manera semper Aruba a mantene su nivel pa keda den e top ocho miho teamnan di e torneo. Nos mester ta masha orguyoso cu e deportistanan Arubianonan cu ta hiba nomber di Aruba asina halto den mundo di futbol, mirando cu ta 36 pais a participa y Aruba ta den e top ochonan. Click read more pa mas detayes y imagen.
Durante prome dia di e torneo
aki Aruba a topa teamnan manera Iran, Italia y Antillas caminda Aruba a
duna bataya duro y a gana Iran y Italia sin ningun problema. E tremendo partido cu tur hende tabata warda e dia aki tabata entre Aruba cu Antillas. Atencion di prensa local tabata concentra riba e partido aki caminda e wega a keda 0-0. Loke tabata bunita pa mira con na final di e partido aki e teamnan di Aruba y Antillas a tene man hunto pa saluda nan fanaticonan esaki ta mustra e hermandad entre nos deportistanan.
Despues di un prome dia duro di futbol, Aruba mester a cuminsa e di dos cu e campeonnan di dos aña pasa, esta Surnam. Aruba a cuminsa e siguiente dia cu mala suerte pasobra hopi hungadornan a yega lesiona di e prome dia cu tabata un partido duro. Surnam, un pais cu hungadornan fisicamente fuerte y grandi a hunga contra e hungadornan di Aruba. Den e prome tempo Aruba a logra domina e wega bon pero, lamentablemente Surnam a logra score y asina gana e wega. Hopi hende a keda impreciona con e team di Aruba a wanta un team manera Surnam, pasobra e team ta consisti di hungadornan cu ta hungando futbol profesional na Hulanda. Depues di e encuentro contra Surnam, Aruba a topa cu e team di Bosnia cu ta un team hopi duro cu hungadornan fuerte y largo. Den e partido aki e cantidad di lesionado den e ekipo di Aruba tabata mucho y Aruba no tabatin mas cambio y esaki a costa un derota pa e ekipo di Aruba, maske Aruba a duna bataya y siguramente si nan lo a topa Aruba mas prome, Aruba lo a gananan.
E di tres partido cu Aruba a topa e dia ey tabata contra e equipo di Turkia cu tampoco no ta desconosi den mundo di futbol. Aruba a cuminsa e wega cu un briyo a score un gol cu despues a wordo anula pa e arbitro. Despues den e wega Aruba a ataka atrobe caminda un hungador Turko a raspa un hungador Arubiano den area penal y lamentablemente e arbitro no a concede Aruba e penalty. Den e confusion aki Turkia a sali hinca un gol contra Aruba, caminda nan ta bin perde door di fout di arbitro.
Na e final di dia Surnam a topa e ekipo di Nigeria caminda un bataya a tuma lugar entre dos equipo cu hungadornan fisicamente fuerte. E wega a termina 1-1 caminda penalty a dicidi cu Surnam ta e ganador absoluto di e copa di Wk Amsteram. Aruba a mantene su cara na halto pasobra e ta forma parti di e ocho equiponan mas duro den e torneo.
E torneo aki ta permiti nos hungadornan mustra ki nan por hasi y asina haña un chens pa hunga futbol profesional. Asina tambe nos tin e bon noticia cu durante preparatorio pa e copa un scout di Middelsbourgh Inglatera a aserca dos hungador di Aruba pa asina nan bin try out pa e team na Inglatera. Esaki no ta un logro pa e team di Aruba Allstars so, pero tambe pa Aruba y su futbol. Aruba por a yega hopi mas lew si Aruba tabata tin e aporte di sponsernan local. Loke e comision ta lamenta cu niun federacion, fundacion of organisacion deportivo Arubiano no a sponser e team di Aruba cu a hasi un propaganda grandi pa nan pais y e deportistanan.
E personanan cu a tuma e iniciativa pa Aruba tuma parti na e torneo aki ta Venancio (Benky) Eckmeyer coach di e team, Maurits Malmberg Jr, Merita Eckmeyer, Carolina Eckmeyer y Michaline Eckmeyer.
Por ultimo, palabranan di gradicimento ta bay na e sponsernan cu a pone nan confiansa den e team. Alis Trading e mainsponser cu a para tras di e team desde un principio y tambe Jan de Ruyter Bakkery Inrichting advies en verkoop, Arubahuis, Vink, Letterman, Wim de Bie Sport, Paul Pessel Sport y Authority Brassband cu tur aña ta pone dushi ambiente. Tambe kier a gradici personanan cu a yuda den tur forma manera: Davyne Croes, Obby Schel, Hubert Tromp, henter famia Eckmeyer y e fanaticonan cu a bin apoya e team.
Hungadornan di Aruba:
|
1.
|
Alwin
|
Toppenberg
|
|
2.
|
Andrick
|
Tromp
|
|
3.
|
Bryan
|
Siem
|
|
4.
|
Daniel
|
Escalona
|
|
5.
|
Eldrid
|
Korsen
|
|
6.
|
Geoffrey
|
Jacobs
|
|
7.
|
Gilbert
|
Kelly
|
|
8.
|
Gilberto
|
Spataro
|
|
9.
|
Howard
|
Hart
|
|
10.
|
Jersey
|
Romney
|
|
11.
|
Marco
|
Tromp
|
|
12.
|
Mario
|
Da Silva
|
|
13.
|
Marvic
|
Bermudez
|
|
14.
|
Marlon
|
Nouwen
|
|
15.
|
Mateo
|
Tromp
|
|
16.
|
Reinhard
|
Breinburg
|
|
17.
|
Ronnie
|
Nouwen
|
|
18.
|
Ruben
|
Escalona
|
|
19.
|
Steve
|
Escalona
|
|
20.
|
Yrishar
|
De Nobrega
|
|
21.
|
Giovanni
|
Stamper
|
Pa wak mas potret di Wk Amsterdam bai na http://www.dac-image.com.
| Comments () >> |
 |
 |
Recientemente Aruba a competi un biaha mas den e torneo amateur mas grandi di futbol aki na Hulanda WK Amsterdam cu su team Aruba Allstars. Segun prensa Hulandes mas di 18 mil fanatico a bin e dia aki pa apoya nan team. Esaki tabata e di cinco biaha cu Aruba a participa den competencia aki y manera semper Aruba a mantene su nivel pa keda den e top ocho miho teamnan di e torneo. Nos mester ta masha orguyoso cu e deportistanan Arubianonan cu ta hiba nomber di Aruba asina halto den mundo di futbol, mirando cu ta 36 pais a participa y Aruba ta den e top ochonan. Click read more pa mas detayes y imagen.
Mi ta hopi contento con nos a bai WK Amsterdam prepara y kla pa tur kos y un danki na tur esnan cu a juda nos di ki manera y un biaha mas na nos sponser cu tin confiansa den e team ki ARUBA ALL STARS... Y tambe mi kier bisa na tur e muchanan mi ta hopi contento mes con boso a duna tur kos, nos lo sigi dimes y nos lo bai logra di bai ta nr 1. PABIEN NA BOSO TUR 
