| Mula condena na 7 luna di prison |
|
|
|
| Saturday, 14 June 2008 - 00:00 | |
 Recientemente Corte a trata e caso di e homber Nathan W.Vos, kende na april 2008, a purba pasa bolita den su stoma pa Hulanda. Según e raport, e homber a bini for di Corsow y mester a bai Hulanda, pero na aeropuerto el a wordo sorprende y a resulta cu e tabatin 54 bolita di cocaina den su stoma cu a pisa 560.7 gram. E sustancia a wordo manda laboratorium y a resulta cu ta trata di cocaina. Según su declaracion, el a topa cu un tal Chipi na Corsow, kende a bise pa e hiba droga Hulanda, y lo pasa via Aruba. E ta bisa cu pa falta di placa el a haci’e como cu e no tin trabou. Fiscal ta pidi 7 luna di castigo incondicional, kitando dies dia cu el a keda sera caba. Huez a bai di acuerdo cu e sentencia. |
