Dabierna anochi 4 di mei 2007 pa 7'or a tuma lugar e prome anochi di Star Revue Colegio Arubano den Cas di Cultura. Hopi alumnonan di Colegio y tambe di otro scolnan tabata presente hunto cu un par di mayornan pa por a presencia e anochi yen di talento aki.

E anochi a cuminsa cu un opening act di The Unsolved cu e theme song di Star Revue "Reaching for the Stars", sigui pa 4you2dance cu a haci nan presentacion cu diferente baile. Henter anochi e publico a goza di presentacion di banda, canto, baile y comedia. Edjean Semeleer y Charlaine Huntington a sa di entretene e publico pa asina e anochi port a aun mas agradabel. Tabatin musica pa tur gusto: di R&B, rock, balada, jazz, musica clasico, gospel, pop, caribense y hopi mas. Tambe tabata tin un premio pa talento den publico, unda cu e 5 hoben mester a baila pa wak ken ta gana un cellular di SETAR. Tabata un anochi hopi exsitoso y ta warda e publico riba e ultimo anochi Diadomingo pa 7'or di anochi den Cas di Cultura. Carchinan ta solamente 5 florin y ta obtenibel na Cas di Cultura for di 5'or di atardi.