| Huez ta dicta vrijspraak pa acusado |
|
|
|
| Sunday, 15 June 2008 - 00:00 | |
 Recientemente e hoben R.D.Maduro a presenta dilanti Huez pa su caso, naunda e ta acusa di a usa violencia, menasa y tambe actonan deshonesto contra sra Maduro. Huez ta lesa e raport di Polis, cu ta bisa cu dia 16 di juni pa 3’or di madruga, polisnan a bai bahia naunda un polis a pidi ayudo. Ora cu nan a yega nan ta topa cu e polis femenina Maduro, kende ta bisa cu e persona a mishi cune . El a mustra den direccion di R.D. Maduro. Polisnan a bai riba dje, detene y a bisa cu nan no por a tuma su declaracion, como cu e tabata droga y nan a sere. Click read more pa mas detayes.Declaracion di polis Maduro E ta bisa cu pa 3.30 di madruga e tabata banda di Bahia, y tabatin problema. Hopi polis a bin y el a bai yuda su colega cu tabata para riba parkinglot. El a bai einan y a haya un mucha homber para su tras y a dune un sunchi. E ta bisa cu e mucha homber a tene su cabes y a mishi cune na su parti intimo. E polis Maduro ta bisa cu el a spanta y a pushe, despues el a tende un tiro y a buk, pero ora cu el a lanta , e mucha homber no tabata mas einan. Despues di un rato el a mira e hoben y a reconoce. El a puntra e mucha homber si e ta corde, e mucha homber a bisa cu no. Polisnan a bin y a detene y hibe warda. Según declaracion di R.D. Maduro, e tabata den Carlos ‘n Charlies y a bebe algun drinks, E ta bisa cu e no tabata burachi y ta corda exactamente kico a pasa. E ta bisa cu el a bai den parkinglot y a mira e mucha muhe. El a bai cerca e mucha muhe y a cuminde. E ta bisa cu e mucha muhe tabata para su dilanti y tabata mire den su wowo. El a dune un popkus y a hala mesora patras. E ta bisa Huez cu e no a mishi cu e mucha muhe. Te na e ora ei e no tabata sa cu e mucha muhe ta polis. Despues e mucha muhe a drenta den auto cu otro amiga y nan a bai for di e luga. Despues el a topa cune y e mucha muhe a reclame di e sunchi y a bise cu e ta bai wak kico ta bai pasa. E mucha muhe a yama polis, y nan a bin ya pone abou , den boei y a bai cune. Huez despues di a lesa e pv, ta bisa cu e ta haya straño, con nan a sere diesun dia, y un caso naunda un mucha muhe chikito a wordo abusa sexualmente pa su padrastro pa un temporada largo, no a haya ningun dia sera. Huez a bisa cu tabatin un Tomzitting, naunda e lo mester a paga 500 florin pa e caso no bai dilanti. E hoben Maduro ta bisa cu e no por a paga e placa, como cu e ta studiante di EPI y no ta trahando. Fiscal ta bisa cu el a usa violencia. Segun Fiscal si bo tene un hende , bo ta obligue pa haci algo. Mirando cu e ta bai scol, Fiscal ta pidi 20 ora di trabou pa comunidad kitando e dies dia cu el a keda sera cu lo suma tambe na 20 ora. Abogado Yarzagaray ta bisa den su defensa cu e denuncia ta trece hopi duda, e ta bisa cu e polis Maduro, ta conoci como un persona problematico den Cuerpo policial. Hasta ora cu e tata a bai cerca wachtcomandant pa locual cu a pasa, el a bisa e tata cu e polis ta problematico. E abogado ta bisa con un polis por laga un hende mishi cune, siendo cu tabatin hende rond di dje, y ademas di esei, un polis sa kico e mester haci. E abogado ta pidi pa Huez dicta su cliente liber di e acusacion, como cu no por wordo proba. Sentencia Huez den su sentencia ta bisa cu no por wordo proba cu e hoben Maduro a haci su mes culpabel na e hechonan pa cual e ta acusa di dje. E Huez ta bisa cu e ta duda si por papia di violencia, of si el a wordo forsa. E pregunta ta cu e polis Maduro mester a bisa e hoben move for di e luga. Huez tin su duda, como hasta e hoben a papia cune prome cu el a dune e sunchi. Huez ta puntra si cualkier otro mucha muhe haya un sunchi, sin cu e kier y e kier haci denuncia y a bai warda di polis, si e polisnan ta bin asina lihe y haci detencion di e hoben, den caso cu e denunciante no ta polis. Huez a declare liber di tur acusacion. |
