|
Warda Costa a gara 1700 kilo di droga |
|
|
|
|
Monday, 16 June 2008 - 00:00 |
 Gracias na un maneho concreto y dinamico riba tereno di husticia nos a tuma nota cu e ultimo dos siman cu a pasa Warda Costa di Antias y Aruba a gara 1700 kilo di droga. Droga distina pa venena nos hubentud, malgracia y trese tristesa den hopi hogar. Ta gracias cu pueblo a duna MEP e mandato na September 2001 pa combati droga y labamento di placa. Ta bou di e Minister di Husticia Rudy Croes pueblo a constata un cambio drastico y ta sinti cu hopi ta wordo haci pa frena e aspectonan negativo di criminalidad. Berdad ta cu e delitonan criminal di robo na cas a aumenta cu 11%. Click read more pa mas detayes.
Aki tin un tarea pa Cuerpo
Policial y pueblo pa haci mas mna prevencion. Aki mi ta mira un tarea
na mayornan, maestronan y polis di bario pa traha mas cu e
habitantenan.
Semper tin cu informa pueblo cu e lucha contra droga no ta facil. Ta Minister Rudy Croes a percura pa polisnan haya tur clase di material atrobe, entre otro arma, chaleco anti-bala, despues cu pa 7 aña largo nan a wordo priva di esaki. Ta MEP a institui nos propio Warda Nos Costa cu e meta primordial pa frena e fluho di personanan ilegal pa Aruba. Nos a percura pa introduci un helicopter cu for di laira ta percura pa seguridad di nos conciudadonan y combati cu tur forza e yegada di lanchanan yena di ilegalnan.
Minister Croes a percura pa Aruba wordo parti den cuater distrito y cada un cu su propio comisario p’asina e problemanan den cada distrito wordo ataca den un forma rapido y efectivo. A percura pa un cantidad substancial di auto nobo di polis y a percura pa mas ‘blou’ ta visible riba caya. A percura pa renoba y drecha e wardanan di polis di San Nicolas, Santa Cruz, Balashi y Playa cu durante 7 aña largo a wordo neglisha completamente. Minister Rudy Croes a construi un edificio pa Ministerio di Husticia y Warda di polis na Santa Cruz y un Warda di polis na Noord. Nos dinamico Minister Rudy Croes Aruba percura pa nos tin nos propio Radar (Shield) cu ta proteha nos pais contra entrada di tur e ilegalnan cu ta keda persisti pa drenta nos pais. Danki na Minister Croes cu a institui RST cu ta combati tur crimen organisa internacional.
Bao di maneho di Ministro di Husticia a mira cu e team di atraco y aresto ta funcionando bao maneho di Alto Mando Policial y despues di hopi ana a desmantela un organisacion criminal cu ta trafica den droga . Awor polis tin su propio cacho di droga. Tur e proyectonan aki a wordo entama den apenas seis aña y mei di gobernacion y mayoria di nan a wordo realisa caba. Cu e proyectonan aki poco poco pero sigur lo contribui na frena e criminalidad cu semper bou tur gobierno tabata existi na Aruba.
Mester constata con den conferencia di prensa di AVP nan no kier papia, corda felicta Warda Nos Costa di Aruba y Antias Hulandes pa gara 1700 kilo di droga. Loke sin nan ta referi cu durante nan gobernacion no tabata existi criminalidad ni ilegalidad aki na Aruba, cu no tabata existi atraco, ladronicia, traficacion y uzo di droga, violencia etc. Pa cuminsa tempo di AVP e maneho Aruba tabata na merced di esnan cu tin criminalidad, ilegalidad y violencia tabata hopi halto. Tur asunto abnormal tabata normal y a mira fraudo den e Fondo Desaroyo San Nicolas, Racetrack, Ates, Interbank, etc.
Desde cu MEP ta goberna tin ordo y e maneho pa combatimento di droga y labamento di placa ta halto ariba lista di prioridad. Hopi precupa nos ta di tende cu e uso di droga ta aumentando bao nos hobennan y esnan cu ta tata of mama cu ta laborando. Hopi compania ta hacienda test di droga. Esaki mientras hopi esfuerzonan y campania via medio di comuinicacion tin pa concientisa nos hoben di e peliger di droga. E adictonan problematico asina yama ‘choller’ den centro di cuidad ta keda un molester.
E siman aki nos a mira algun ciudadano balente cu a lanta un fundacion Adopt an Adict. Esaki como un servicio mas na tur esfuerzo cu gobierno ta dunando. Nos mester para keto riba e hecho cu e problema ta serio y tur mester yuda. Gobierno mester sigui combati esnan cu ta den e negoshi di droga. Finalmente ta desea e directive di e fundacion ariba mensiona hopi exito y ta dispuesto pa traha cu nan den cua forma cu nan ta considera necesario.
| Comments () >> |
 |
 |
