| SETAR den celebracion di 5 anja |
|
|
|
| Monday, 16 June 2008 - 00:00 | ||||
 Relaciona cu e celebracion di 5 aña NV na unda cu SETAR tur fin di siman tin premio pa su clientenan y tambe tin tur fin di luna e premio di Shopping Spree y e bus di SETAR di Bo Tambe!, awor ta agrega un coleccion di carchinan di recarga telefon prepaid cu e tema di “SETAR di bo tambe”. Ya e carchinan nobo den transcurso di e siman aki y otro siman ta obtenibel na tur e dealernan di SETAR y tambe naturalmente na e Teleshopnan. E biaha aki a opta enfoca riba tur e logronan mas importante di nos compania nacional di telecomunicacion y number uno na Aruba den e 5 añanan di NV. Click read more pa mas detayes y imagen.Naturalmente mester a scohe entre tur e servicio, logro y productonan cu SETAR a trece den e 5 añanan. Y asina asaca un top 3 pa por pone riba e carchi GSM nobo nan aki. 2003: Carchi di Afl. 5,- E prome serie tin e aña 2003 cu ta e aña cu SETAR a bira NV y cu e compania a haya un dimension totalmente nobo. E highlightnan riba e carchi di Afl. 5,- ta e bunita potret di e edificio principal di SETAR na Seroe Blanco y tambe ta describi cu SETAR a bira un NV na e aña 2003, a organisa e prome actividad di buscamento di Webo pa henter Aruba y a lansa e servicio Wi-Fi Aruba cu ta Wireless Internet. E Carchi di Afl. 25,-di e aña 2003 ta color geel y ta describi cu SETAR e mesun aña aki a introduci e servicio di DSL, a organisa e prome Mobile Bazaar y a lansa e rollover minutesnan pa su clientenan di celular postpaid. E carchi di Afl. 10,- E carchi di Afl. 10,- ta color cora y e tin e Teleshop di Irausquinplein riba dje, ya cu e ta ensera e highlight di a cuminsa cu e campaña di SETAR di Bo tambe! a renova e edificio na Irausquin plein, combertiendo esaki den un di e Teleshopnan di mas moderno di SETAR. Despues a sigui e renovacion di Teleshop di San Nicolas y e apertura di Teleshop Santa Cruz. E mesun aña 2003 SETAR ta lansa Mboxx. 2004: E carchi di Afl. 5,- E carchi di Afl. 5,- ta color blou ta mustra e potret di Telearuba nobo. SETAR a cumpra Telearuba e aña aki, ta renova e edificio di Hendrikstraat totalmente y ta introduci e servicio di e-Cuenta pa e cliente por mira su cobransa via internet online. E carchi di Afl. 15,- E carchi di Afl. 15,- di e aña 2004 color berde ta presenta e edificio di e Teleshop Palm Beach cu tambe a conoce su renovacion. Na 2004 tambe SETAR ta lansa e servicio di Waw! cu ta ensera e servicionan di MMS, GPRS, Blogging y ta introduci Waw TV! 2005: E carchi di Afl. 15,- color berde tin un potret di e e prome Sparkling Tour cu SETAR a organisa hunto cu Telearuba na 2005, e mesun aña aki SETAR a presenta e carchi 60+ cu ventaha y descuentonan special pa nos grandinan. SETAR ta habri un repair center na Seroe Blanco pa duna extra servicio na e clientenan. E carchi di Afl. 5,- tin e potret di Cable TV of Aruba riba dje y ta highlight e compra di Cable TV cu SETAR a haci treciendo e Grand Slam den telecomunicacion cu mas posibilidad den servicio nobo pa e clientenan. Tambe SETAR ta habri un Call Center Nobo cu ta facilita e servicio na e cliente y ta introduci Wi-Fi Add On pa e clientenan local cu tin DSL. 2006: E carchi di Afl. 10,- E carchi di Afl.10,- di aña 2006 ta color cora y ta mustra un bunita potret di e bali nobo renova na oficina principal di SETAR na Seroe Blanco cu a haya un cambio total. E mesun aña aki SETAR ta lansa un website nobo cu un look moderno nobo y ta introduci SMS internacional. E carchi di Afl. 15,- E carchi di Afl. 15,- tin un logo di DSL grandi riba dje y ta di color berde. E carchi aki ta enfoca riba e introduccion di BlackBerry na e clientenan di SETAR den 2006 y a redobla e speed di DSL, y e mesun aña aki a recorda cu SETAR a cumpli 20 aña di existencia. 2007: E carchi di Afl. 10,- E carchi di Afl. 10,- ta color cora y ta referi na e highlightnan di 2007: Setar a introduci 3G na Aruba bou di e nomber commercial Zing, Setar ta lansa Softtone (servicionan di VoIP) y a introduci VeTrack (servicio di GPS) E carchi di Afl. 25,- E carchi di Afl. 25,- ta color geel y tin e logo di ZING riba dje pasobra cu e aña 2007 Setar a introduci Mobile TV, Live Cam, Video Blogging, y Video Portal. Setar ta lansa Wireless Broadband, y ta introduci roaming cu CDMA pa tur turista cu tin for di Merca cu nan celular di Verizon. Tur e carchinan aki ta obtenibel caba y tur esnan cu ta colecciona e carchinan di prepaid por cumpra di nan of tur esnan cu ta usa e carchinan aki pa recarga nan telefoon por haya sa mas di tur e logronan cu e compania SETAR tin desde cu ela bira NV.
|
||||
