|
MPA ta cuestiona areglo di Hulanda |
|
|
|
|
Monday, 16 June 2008 - 00:00 |
 Durante tratamento di bi-partite a wordo trata e intencion di Hulanda pa limita nos Arubianonan, encerando cu nan por declara un Arubiano un persona “no desea”, persona non grata. Hulanda a retira e VIA-regeling cu a wordo declara discriminatorio. Pero esey no kier meen cu e plan di Hulanda a para. Hulanda awor kier bin cu un areglo basa riba consensus cu Aruba y Antiyas. Esey kier meen Hulanda ta tratando di logra haya Aruba bay di acuerdo cu esaki. MPA kier sa ken ta dicidi pa Aruba den esaki. MPA kier sa si gobierno di MEP a bay di acuerdo pasobra segun e carta di Minister di Husticia e areglo ta wordo conveni. Click read more pa mas detayes.
E areglo nobo cu Hulanda kier implementa ta sali di e punto di bista cu nos Arubianonan na Hulanda lo ta crea “overlast”, molester, of ta comete actonan castigabel y pesey nan kier bin cu un areglo pa e “risico-jongeren” pa yuda nan. Segun Hulanda esaki ta un problema masha grandi mes. Pero ora waak e areglo nobo por lesa cu e areglo aki lo conta pa Arubianonan di 0-40 aña envez di 12-25 aña locual e promer VIA-regeling tabata ta. Kier meen e no ta dirigi riba e problema di e “risico jongeren”. Esaki ta demostra cu pa medio di e areglo aki Hulanda ta bay purba yega nan un manera of otro pa por manda Arubiano bek pa Aruba si nan ta causa molerster y wordo declara indesea.Kier meen e areglo aki no ta pa soluciona e problema cu Hulanda ta pretende, cu nos Arubianonan hoben “risicojongeren” ta e problema. MPA ta di opinion cu un persona di 40 aña no ta hoben.
E areglo nobo aki ta discriminatorio y ta denegrante. Ya ECRI y Open Society a reclama riba e manera di proceder di Hulanda. Pero den esaki e peligro ta cu Hulanda ta bay purba pasa esaki a base di consensus. Esey kier meen Aruba mester bay di acuerdo cu esaki. MPA kier sa ken a bay di acuerdo cu un areglo manera ta wordo presenta door di Hulanda. Mas ainda Hulanda kier pone e areglo di persona non grata den un Rijkswet. MPA ta masha preocupa pasobra locual e ta lesa y observa ta cu gobierno di Aruba no ta bringando e punto aki. MPA kier sa si MEP ta acepta e areglo aki. Gobierno di MEP ta bay bringa esaki? Of nan lo bay di acuerdo cu un areglo cu door di instancianan internacional a wordo declara inaceptabel? MPA ta haye inaceptabel cu Hulanda di prome no ta ni reconoce cu nos Arubianonan no ta cay bao di Antiyas mas. Pero mas ainda cu ta purba usa un “problema” pa na e manera ey saca persona di nan pais. MPA kier sa si nos Arubianonan ta asina problematico manera Hulanda ta declara.
MPA ta haya e actitud di Hulanda un lastima. Nos tur ta den Reino y na e manera aki nunca por soluciona nos problemanan hunto. Pa MPA nos Arubianonan na Hulanda tambe ta conta.
| Comments () >> |
 |
 |
