| MPA ta haya actitud di Hulanda inaceptabel |
|
|
|
| Monday, 16 June 2008 - 00:00 | |
 Cu masha respet pa sra. Monica Kock lider di MPA, su comunicado relaciona cu e VIA-regeling publica den Solo di Pueblo 3 di juni recien, ta yenami cu masha precupacion. “MPA ta haya inaceptabel cu Hulanda di prome no ta reconoce cu nos Arubianonan no ta cay bao di Antiyas mas”. E midimento di forsa aki cu Hulanda sin mas, “MPA ta haya inaceptabel cu Hulanda...................”, mi ta convenci cu e ‘midimento di forsa’ aki lo bai kita pan for di boca di nos criaturanan inocente lantando riba nos isla stima Aruba. Click read more pa mas detayes.
E wega di midi forsa cu Hulanda NO ta duna nos criaturanan lantando riba nos isla ningun garantia cu nan lo bai keda den poder di e nacionalidad Hulandes ‘den nan futuro’. E ‘wega politico’ aki, politica lo mester ta un ‘arte’ y segur NO un wega, ya ta pushando nos isla den un independencia. ‘Wega’ ta ora un politico, sin cu mi kier falta respet na niun hende, NO sa absolutamente nada di e DERECHONAN DI MAS FUNDAMENTAL, di nos criaturanan den Reinado Hulandes. ‘Derechonan di mas fundamental’ di nos criaturanan conforme e balornan di e nacionalidad cu nos criaturanan a/ta ‘nace’ cune riba nos isla stima den Caribe. ‘Arte’ den politca ta totalmente un otro cos, esta: dominio di e materia di e ‘Derechonan di mas fundamental’ di nos criaturanan den representacion como politico. NO ta pornada nos criaturanan ta ‘nace’ cu e nacionalidad Hulandes riba nos isla, tur yiu di tera cu ta representa nos criaturanan den nos mundo politico, ‘mester’, mi ta ripiti, ‘mester’ domina e materia di e DERECHONAN FUNDAMENTAL conforme e balornan di e nacionalidad Hulandes ‘naci’ di nos criaturanan riba nos isla. Nos NO ta bibando mas den e epoca di e introduccion di e actual Koninkrijksstatuut, 54 aña pasa, nos ta bibando awe na 2008 den un siglo nobo y hasta den un milienio nobo. Esaki logicamente ta nifica cu e nacionalidad ‘naci’ di nos criaturanan riba nos isla lo mester ta muchisimo mas importante cu e autonomia bieu di siglo pasa, unda e autonomia tabata muchismo mas importante cu e nacionalidad ‘naci’ di nos hendenan riba nos isla Aruba stima.
Desde cu a nace e ‘comité 2004’ aki den e parti Europeo di Reinado Hulandes den luna di juni 2002 pa ofrece nos isla stima un relacion nobo cu Hulanda despues cu e Koninkrijksstatuut cumpli 50 aña di existencia 15 di december 2004, nos mundo politico na Aruba pero tambe den otro partinan di Reinado Hulandes, lo mester pone un fin na defende e actual autonomia cu ‘mester’, mi ta ripiti, ‘mester’ hiba nos isla den un independencia. Algo mas cu ‘logico’ pa motibo cu tempo cu nos isla a ricibi e actual autonomia, nos hendenan tabata bibando den e epoca di ‘desconlonializacion, y awendia ya pa basta aña caba nos ta bibando den un epoca contrario esta di ‘globalizacion’. Un ta pornada e comité a lanta aki den e parti Europeo di Reinado Hulandes, unda e decisionan di mas importante ta wordu tuma pa futuro y destino di nos criaturanan lantando riba nos isla stima. Historia a bin prueba cu e actual autonomia, esta di desconlonializacion/independencia a bin mara nos pueblo di Aruba ‘exclusivamente’ na e ‘limitacionan’ di nos isla y debilidadnan hopi grandi di nos pueblo. Limitacionan p.e. ta e ‘pobreza chronico’ na materianan prima di nos isla, debenan monstruoso como consecuencia, y e enorme debilidadnan ta e.o. e hecho cu nos pueblo, nos adultonan riba nos isla NO sa nada pero nada nada di cu nos isla stima, aparte di ta un ‘Nederlands grondgebied’ e ta tambe un ‘Nederlands RECHTSGEBIED’. Teritorio di .........DERECHONAN...........Hulandes. E ultimo aki sin mas ta nifica cu: tur e tratadonan di ..........DERECHONAN........HUMANO cu Hulanda, Madre Patria, a acorda pa nos pueblo, ta masha imposibel cu nos pueblo lo por keda mara na su enorme limitacionan y su enorme debilidadnan basa riba un autonomia cu den ningun sentido ta pas mas cu e epoca cu nos ta bibando aden awe na 2008. Ta un eror sumamente grave di cualkier politico di nos isla pa scohe pa midi forsa cu Hulanda cu nos actual autonomia, un autonomia di cual ‘historia’ a bin prueba cu e ta mara nos pueblo na e.o. su enorme limitacionan, anto Hulanda cu tambe tin un autonomia bieu y anticua di ‘descolonializacion’ keto bai, su autonomia ta mar’e na su enorme rikeza. Entre otro Hulanda su forza di exportacion PA DIA ta di un suma di mas cu UN MILJARD EURO, corda NO pa siman sino PA DIA!! Sra. Kock ta bisa den su comunicado cu nos Arubianonan no ta cay bao Antiyas mas. Un eror hopi grave esaki ta di su respetable persona. Tempo di Betico Croes, q.e.p.d. nos isla, nos poblacion den su mayoria NO tabata desea mas pa keda den niun union cu loke yama Antiyanan Hulandes, corda riba e resultado di e referendum di maart 1977. Ochenta porciento di nos hendenan cu a vota den e referendum ey a scohe pa kibra tur lasonan cu nos islanan ruman den Caribe, segur segur kibra e lasonan tambe di e autonomia cu hunto nos isla tabata tin cu e asina yama Antiyanan Hulandes. Ora Betico a laga e resultado di e referendum ey cai completamente na e RTC di maart 1983, el a habri caminda pa den futuro nos isla stima haya un ‘autonomia nobo’ den nos relacionan cu Hulanda. Historia a bin prueba cu awe, y ya pa 22 aña caba nos isla, nos mundo politico, tin un ‘union solido’ principalmente cu politiconan di nos hermana isla Corsou, un ‘union solido’ pa ‘hunto’ defende e actual autonomianan di e asina yama Antiyanan Hulandes y di Aruba. Basa riba e ‘union solido’ aki sin mas nos tambe ta ‘Antiyano’ aki na Hulanda. Ora ta trata asuntonan pa defende e ‘autonomia di descolonializacion y di independencia’ di e islanan den Caribe perteneciendo na e asina yama Rei-NO Hulandes, NO ta existi, mi ta ripiti, NO ta existi un Status Aparte pa Aruba. Niun yiu di tera di Aruba mag tornu na e realidad di bida aki den nos mundo politico pa ‘intencionalmente’ perhudica destino di nos propio criaturanan lantando riba nos isla stima Aruba. Tur hende sa cu e resultado di e referendum, esta ‘independencia’, tabata pa e.o kibra tur lasonan cu e otro islanan di asina yama Antiyanan Hulandes. Cu e ‘union solido’ di awe aki na Hulanda ta mas cu logico cu si nos prohimonan di nos otro islanan ruman cai den problemanan p.e. di criminalidad, di mes esaki ta conta pa nos yiunan di tera di Aruba biba akinan tambe. Sin mas ta asina cu; bao di e ‘sentimento Arubiano’ akinan, nos hendenan ta yuda pusha e asina yama ‘Antiyanonan’ den mundo di criminalidad. Den nos relacionan humano akinan e ‘sentimento Arubiano’ ta fortifica e ‘terminologia Antiyano’ (niun hende na mundo ta den poder di un nacionalidad/pasaporte Antiyano) particularmente bao nos prohimonan di Corsou biba akinan. Niun hende na mundo tampoco a nace riba mas di treshen isla pareu, di manera cu e lo por yama su mes ‘Antiyano’. E nomber ‘Nederlandse Antillen’ sin mas ta ‘ongrondwettelijk’. ‘Grondwettelijk’ ta; ‘Het Caribische deel van het Koninkrijk der Nederlanden’. E fortificacion en cuestion ta trece problemanan hopi serio y grave pa tur nos hendenan biba akinan, den ningun pero ningun sentido nos por duna nos isla natal un representancion digno y responsabel bao di e ‘sentimento Arubiano’. Niun caminda riba es planeta aki nos yiunan di tera di Aruba tin un nacionalidad/pasaporte Arubiano pa defende, nos NO ta bibando den decada di añanan 50 mas di siglo pasa. Nos yiunan di tera di Aruba tin tur pero tur.... DERECHO.... pa identifica nan/nos mes cu e nacionalidad cu nan/nos a nace cune den Reinado Hulandes. Historia a bin preuba cu: e ‘sentimento Arubiano’ den nos relacionan humano den e asina yama Rei-NO Hulandes ta nada otro cu un prohibicion pa nos hendenan di Aruba duna balor na e nacionalidad Hulandes ‘naci’ den nan identidad. Nos hendenan NO mag duna balor na e nacionalidad Hulandes ‘naci’ den nan identidad pa motibo cu esaki ta haci daño na e autonomia di nos isla, e nacionalidad Hulandes di nos hendenan den nos mesun Reinado NO mag ta mas imporante cu e ‘autonomia di descolonializacion y di independencia’. E autonomia aki ta haci nos pueblo di Aruba, por bisa, ‘totalmente independiente di e rikeza di Hulanda den Reinado Hulandes’. Ora nos hendenan akinan yama nan mes ‘Arubiano’, fuera cu esaki ta fortifica e ‘terminologia Antiyano’ bao nos prohimonan di Corsou, e ta sirbi tambe pa ‘sirbi e interesnan nacional’ di Hulanda den e asina yama Rei-NO Hulandes. Den ‘het Koninkrijk der Nederlanden’ tin dos interes pa sirbi, uno ta esun ‘nacional di Hulanda’ cu ta na cabez di e asina yama Rei-NO Hulandes y di dos ta; e ‘interesnan di Reinado Hulandes’ mes, e ultimo aki ta di fundamentalisimo importancia pa nos pueblo di Aruba. E interesnan ultimo aki nos por sirbi’e unicamente via nos ‘identidad huridico’, via nada pero nada otro. Rubiano Hulandes nos NO ta, nos NO tin dobel nacionalidad den Reinado Hulandes. Nos ta Rubiano di sentimento pero nos NO tin un nacionalidad/pasaporte Rubiano pa defende y ‘historia’ a bin prueba cu e sentimento aki NO ta duna nos yiunan di tera ningun espacio den nan recursonan humano pa duna balor na e nacionalidad Hulandes ‘naci’. Conclusion logico ta pues, e sentimento Arubiano ta sirbi pa duna un enorme menosprecio na e propio nacionalidad Hulandes ‘naci’. Consciente o inconscientemente, e enorme menosprecio pa e nacionalidad Hulandes di nos hendenan den nan identidad, pa defende e autonomia bieu y anticua, ta crea conflictonan hopi serio y grave riba nivel di representacion den e asina yama Rei-NO Hulandes (-NO di NO-Hulandes). E ‘VIA-regeling’ ta un prueba palpable di e conflictonan hopi serio y grave riba nivel di representacion, tur esaki ta pa ‘sigui’ defende e actual autonomia di nos isla stima y e otronan. Cu e conflictonan hopi serio y grave aki ta masha imposibel cu nos criaturanan lo bai keda den poder di e nacionalidad Hulandes ‘den nan futuro’. Den e situacion aki, kedando cu e actual autonomia, ta masha recomendabel pa nos yiunan di tera NO pone ciraturanan riba es mundo aki, riba nos isla stima. Tin paisnan masha rico na materianan prima riba es planeta aki anto tog nan pueblo mes ta pober, Surnan como ehempel. Kico lo para di nos isla sin e nacionalidad Hulandes, severamente pober na materianan prima anto combina cu debenan monstruoso?? Nos NO por pone criaturanan riba es planeta aki pa ‘intencionalmente’ nan bin sufri den es mundo tantisimo dificil aki, unda p.e. kada pasa dos seconde un criatura ta perde su tan valioso bida pa motibo di hamber y miseria. Mi ta spera cu sra. Kock por tuma mi reaccion na serio, nos niun, cu o sin titulo academico, sea consciente o inconscientemente mag gamble cu destino di nos propio criaturanan den es mundo tantisimo dificil aki. Conflictonan grave NO tin nada di haci cu e ‘esencia di Cristo Jesus su nacimento’ riba es planeta aki, cual ta pa trece Paz bao henter humanidad, e conflictonan aki den e asina yama Rei-NO Hulandes lo kita pan for di boca di nos criaturanan inocente riba nos isla, trece sufrimento bao nos mesun hendenan. Cu e actual autonomia nunca nos lo tin Paz den e relacionan cu Hulanda, e actual autonomianan a hasta yuda kita bida di hopi prohimonan di nos hermana isla Corsou, entre nan y otronan, bolletjesslikkers, bao di e ‘terminologia Antiyano’!!! |
