Durante Tripartiete parlamentario na Hulanda e lider di AVP, mr. Mike Eman durante un reunion cu Minister dr. Plasterk cu e parlamentarionan di Hulanda, Antiyas y Aruba a presenta e punto riba cual AVP a scirbi un carta pa minister caminda ta pidi e Minister atención pa e problemática di e studiantenan di Aruba pa paga bek e debenan cu studiantenan ta cumula serca IBG pa nan fianza pa estudio. Mr. Mike Eman a splica e Minister cu, como consecuencia di e diferencia den cambio di euro cu a subi drasticamente den e ultimo añanan den comparación cu e florin di Aruba. Click read more pa mas detayes y imagen.

Studiantenan di Aruba ta regresa nan pais despues di nan estudio cu debenan astronomico. Minister Plasterk a informa mr. Mike Eman cu e a ricibi e carta y ta contemplando con pa atende cu e asunto aki. E prminti di lo bin bek cu un contesta pa cu e preocupacion aki. Lider di AVP, mr. Mike Eman tin e confiansa na e manera cu e Minister a aserca e topico cu Minister Plasterk ta compronde e problema y ta despuesto pa juda pensa riba un solucion.

Eman a informa e Minister den su carta cu tur aña atrobe, centenares di studiante Arubiano ta scoge pa sigui un estudio profesional riba nivel di Associate, Bachelor y Master na Hulanda. Pa financia e estudionan aki, e studiantenan, banda di un financiamento di Aruba, tambe tin un financiamento cu IBG Hulanda.

Locual e lider di AVP ta enfatisa serca Minister Plasterk ta cu e studiantenan ta haci e fiansa di IBG, na un cambio mucho mas abou cu esun cu nan ta mantene pa paga bek ora nan caba di studia.

“Compara cu e studiantenan di Hulanda y esnan di Aruba cu ta permanece na Hulanda despues di nan estudio, e studiantenan di Aruba ta paga relativamente hopi mas bek, debi na e salarionan mas abou na Aruba, compara cu Hulanda. Tambe debi na e incremento di e cambio di e euro durante nan añanan di estudio”.

Eman ta bisa Plasterk cu e debe di estudio aki, cu ta relativamente mas halto, no ta solamente un peso financiero grandi pa e studiante cu a cuminsa traha den un funcion nobo, sino cu e ta desanima e hoben profesional Arubano cu a caba di gradua, pa regresa Aruba.

Encurasha nos hobennan profesional pa regresa nan pais Aruba, ta exactamente loke fraccion di AVP kier stimula  y ta boga pe. Pa realmente promove esaki, e debe di “studiefinanciering” manera nos conoce, lo mester wordo reduci na un forma mucho mas husto, di forma cu e lo por ta igual na esun di e studiante Hulandes, Eman ta pleita pe, den su carta na Plasterk. Esaki e haya oportunidad pa reinforza den e reunion cu Minister Plasterk tambe.
Fraccion di AVP a pidi pa tuma den consideracion pa mantene un cambio fiho favorable pa e grupo di studiante Arubano, pa loke ta trata e pago di nan debe.

Mr. Mike Eman ta mustra cu dentro di corto lo sali atrobe rumbo pa Hulanda, manera ya ta e caso pa hopi aña, un grupo grandi di casi 300 studiante Arubiano pa sigui nan estudio na tera friu. Nos lo desea di boga pa aplica e “reglamentacion di pago bou un cambio fiho” manera propone pa e grupo aki. Tambe Eman ta puntra pa haci un reglamentacion nobo valido tambe pa e studiantenan cu ya a regresa Aruba caba.

Locual e lider di AVP, mr. Mike Eman a constata cu tin centenares di hoben cu a regresa Aruba cu un debe grandi riba nan cabez y cu ta dificil pa cumpli cu esaki y cuminsa inverti den nan propio hogar y vida. “Ta asina cu nan ta sinti e efecto desbentahoso di e cambio enorme cu ta existi entre e euro y e florin Arubano”.

Eman ta spera cu Minister Plasterk lo bin cu un contesta positivo y cu na Aruba tambe yega na un forma con por asisti e hobennan cu a regresa caba cu e peso di e fianza cu nan tin riba nan cabez.

Comments (30) >>

Show/Hide comments

asfs said:

hahaha ta style di e cantidato nan na Merca ey..Obama cu Hillarry... Mike a bai como hoofd rol di Hillarry,paso e sa cu e lo ta den panico ora di elecion.....ata ela hanja poko extra voto pero tog e hnd nan cu por MIRA y REALISA con e cos mes ta OBAMA a keda gana!!(Obama= e partido cu a yuda trese tantisimo turista na Aruba, Economia di Aruba ON TOP, Sociedad,Estudio,i asina mi por keda menciona tur cos cu nan a trese cu un Nivel Haltisimo)..i keto bai nan nivel ta keda bai mas on top!!

June 18, 2008

Juju said:

Good Job Mr Eman, atleast un hende cu ta corda riba nos studiante nan de exterior. Berdad cu den 5 ania di tempo e euro a subi drastico compara cu e US Dollar caminda cu nos florin tambe ta mara na dje. Pa esnan cu a haci financia na IBG 5 ania pasa di berdad ta eerlijk pa nan pague na e mes un nivel cu e euro tabata na e ania cu nan a haci e financia. ....Hopi bon mes y sigur lo encurasa hopi studiante cu kier bai nan pais back pa traha! Awor e salario lo mester wordo agusta! lo ta bon pa den futuro bo wordo paga tambe pe Nivel di bo estudio y diploma cu bon tin!

June 18, 2008

realidad said:

Porfin, pasobra e koers di e Euro, no ta di awor ta halto, pero for di 2003 caba e la cuminsa dal duro. GOBIERNO, cu tin e tarea pa a juda nos, studiante y ex-studiantenan di Hulanda nunca a hisa un dede. Marisol a cana pronk tur caminda, pero no a corda ariab nos. E ta miyonario caba (Abundance Holding N.V.) Awo ta Mike, cu no ta den gobierno, mester hasi e trabou cu Gobierno (Marisol y Nel) no por of no kier hasi. Tristo! Pero di otro banda, mester bisa cu Mike Eman no ta para keto, e ta traha pa pueblo y e ta bin dilanti pa pueblo. Danki Mike! Nos sa kiko spera caba ora bo bin den gobierno, cu awor mes ta abo ta sali pa nos! Danki Mike!

June 18, 2008

Ami said:

Ja ja e ta echt corda ariba nos estudiantenan net prome cu election. Ta 7 anja nos estudiantenan y henter pueblo di Aruba a sufri bow di e mal manejo di e homber aki. Dios spaar Aruba di bai cai atrobe bow di dje. Asina hamas nos lo lanta cabez.

June 18, 2008

John Doe said:

Gobienro mester cuminsa purba di juna nos studiante nan nan mes prome cu bay para na rudia dilanti hulanda trobe. Tur studiante ta haya financiering di Aruba tambe cu mester paga bek. Nan mester kita debe di tur studiante cu a caba cu nan estudio y a bin biba na Aruba bek. Despues nos por sigui wak kiko pas por hasi pa haya trese mas Arubiano professional Aruba.

June 18, 2008

DDK said:

7 anja di mal maneho bou e homber aki? Juff, segunmi bo tin prome minister robez na mente haha!

June 18, 2008

cha-san said:

Thank you mike! paso cu bo bolbe aruba despues di bo estudio,ni cu un begin salaris di entre 3000 pa 3600 bo por hala rosea y biba na drechi

June 18, 2008

Carmen said:

Mi sa cu Hulanda a bira caro. Mescos cu tur otro partti di mundo. Pero mi a kere cu e studiefinanciering ( IBG), bo no metser paga bek. Ta e Arubalening bo tin cu paga bek. naturalmente si un studiante ta prefera di busca e un aanvullende lening na IBG, bo tin cu pag';e bek, mescos cu tur otro hende. Pesey, mayoria biaha e muchanan Hulandesnan ta bay busca un job na banda di nan esturio pa asina nan lo mester fia lo menos posibel. Si ami twt Mike, mi lo amotiva e muchanan pa bay traha en vez di fia mas placa.

June 18, 2008

gayo pinto said:

Laga nos spera cu pueblo no ta cay den e trampanan barata aki, preparando pa eleccion 2009. Ta asina facil pa abo como oposicion bay papia cu gobierno di Hulanda, pasobra bo sa cu nan no ta worry cubo toch! Ta gobierno cu gobierno ta deal! Cu Hulanda no kier ni entrega na nos loke ta di nos, esta e placa di plant hotel, corda pa minister hulandes bay scucha un exponente di oposicion pa baha loke nos studiantenan tin di paga! LUBIDA! Hulanda ta gusta si pa e zwartjes uit de west lembenan y hou nan handje omhoog, esey ta duna nan power, dus nan ta atende Eman, Zievinger y Lampe cu gutso pa scucha nan suplicanan. Cu mester bin un deal cu IBG ta bon idea, pero Eman sigur no lo logra esaki mientras e ta den oposicion, caminda e mester keda pa semper tambe. Laga e gobierno sigi deal cu Hulanda riba esaki!

June 18, 2008

Politica said:

Atrobe tur cos ta haña color politico, boso tur ta echt infantil. E homber aki nunca a meneha Aruba dus mi no sa ki "Ami" ta papia. Mi ta kere si e ta pa eleccion of no algo mester wordo hasi pa e studiantenan of abo so kier bai Aruba cu un debe di 100 mil florin riba bo cabes. Ban ta serio y stop di duna tur cos un color politico !

June 18, 2008

Balor di Bida. said:

Power to our young generation...the future is theirs y cu hopi cambionan POSITIVO! Politica antiqua mester bai dodo! We trappen er niet meer in!

June 18, 2008

asfs said:

Ami si no lo kier Mike como mi mi gobierno...plsss

June 18, 2008

pabo sa said:

te awoo?? jega ora berdad paso e euro ta niet normaal hoog...maar goed atleast tin un hende cu ta bezig cu nos studiante nan good job mike

June 18, 2008

Den Haag said:

Awel sikiera tin un politico ta corda riba nos studiante. Cu ademas di nos studie nos tin yen cos pa worry cune, anto sin laga afo e debe grandi cu bo tin despues ora bo afstudeer. Mi ta hopi contento cu un hende ta pensa riba nos si y ta purba yuda. E members nan di avp semper ta pensa riba studiante. danki na nan mi a hanja mi promer computer ora ma sali for di basisschool casi 8 anja pasa. Lastima cu hendenan ta bin tira cos den su cara cuenta di 7 anja pasa cu e kosnei. Danki Mike.

June 18, 2008

watchiman said:

Ya ya ya leuk pa corda riba e studiantenan...pero ora ta ja ribanan...no lubida nan atrobe....

June 18, 2008

asfs said:

pero bn si...ami'n ta wrry ta ki colo stranjo e partido por ta...loke mi ta djis wrry ta cu mas arubiano por vota i esei te!!nada kuent'i paso un berde a bai hasi e cos ey mi tincu vota pe paso esei no ta echt algo importante pa laga abo cai pa presidente..no way

June 18, 2008

Manolo said:

Lo tabata bon pa e consehero principal di Gabinete Eman, esta Mike Eman splica pueblo di con na 1998 su gobierno a duna Coastal 10 anja extra di tax-holiday. Danki na e extension di tax-holiday aki pais Aruba a perde di hanja 750 miyon florin di Winstbelasting, esta 35% di e 1.2 biyon dollar cu e refineria a gana durante e ultimo 3 anjanan. Swa, bo sa cuanto studiante por a wordo yuda den e asunto di pago di nan estudio si gobierno actual tin e 750 miyon florin aki? Awe Mike Eman manera un bon Sanmaratino ta busca manera di cosecha simpatia bao di e familianan di e studiantenan! Ta falta solamente awor pa e para riba su nanishi pa mustra con hambra e ta pa yega na poder.

June 18, 2008

Pluma said:

PORFIN ! Mike si ta corda riba e studiante. Bo por bisa cu ta awor prome cu eleccion y mi no lo discuti esey cubo. At least e TA hasi algo. Paso e gobierno actual no ta corda mes riba estudiante, pero si klapnan cu mas debe ainda. Mi por compronde esanan cu no kier bin traha bek aki; cu d**or, pasobra bo kier hiba bo pais dilanti y ta cu bo famia. Pero no pa cada rato un gobiebierno manera esaki ta keda klap klap hende cu mas medida y riba dje ta gana un salario miserabel. E nomber di nan partido mes ta bisa caba: MEP= KLAP...sigi klap pueblo cu medida. Danki Sr. Eman. Mi ta spera bo logra mas cu bo perseverancia y amabilidad.

June 18, 2008

Manolo said:

Na Realidad: Tempo Mike Eman y su partido AVP tabata den gobierno, nan no por a ni haci e cosnan chikito pa e pais aki, pero tabata preocupa mas cu financiamento di Race Track, Radar, garantianan, Radisson, Interbank etc. Awor cu nan ta den oposicion y ta sclamando 7 anja caba pa drenta gobierno, nan ta pretende di haci cosnan grandi pa e pais aki. Siguramente Mike Eman lo por trece un solucion pa e problema di e Euro halto, ya cu durante gobernacion di su partido AVP, nan familia y partido a 'presteer' di haci fianzanan miyonario na Interbank, sin ningun garantia ('onderpand') y na 0% di interes. Pues e solucion pa e asunto di Euro halto lo ta 'chicken feed' pa e gran mago Mike Eman.

June 18, 2008

S.O.S. said:

leuk si - otro aña ta eleccion. Dios spaar Aruba di cai den man di e capitalistanan ey cu faam Eman atrobe. Ok berdad cu e gobierno di awor a laga hopi di desea encuanto e studiantenan na Europa pero keremi cu si e partido berde ey bai goberna Aruba nan tampoco lo no hasi mucho, paso e realidad ta tambe cu tempo nan twt na mando nan no a hasi mucho cos (pa mi no bisa nada). Style di IKKE, IKKE, IKKE EN DE REST MAG STIKKEN! Of ta pakiko boso ta kere nan no por a goberna nan tempo completo? Pero ja nan no por gana toch, tin hopi Arubiano cu bon memoria.

June 18, 2008

JJ said:

Wel ami no ta AVP mi MEP pero boso mester sa miho como studiante cu loke e ta hasie ta politiek. Si e tin boso studiantenan asina na pecho e no ta just bisa mara e koers awo paso esey no ta yuda. E lo keda halot awo pa paga anto ora boso bin boso no lo por pague bek! dus solution e no a busca e la gewoon ganja boso wowo hasi algo pura pura pa e keda mane heroe manera semper. E old tactic di henny mi kier meen boso sa mihor. Spera otro anja ora di eleccion di berdad illustra cu aruba tin mas hende studia cu no e dos bieuwnan keda manda y hasie malo riba aruba.

June 18, 2008

wowo critico said:

shonnan simplemente e circo di avp ta sigui.politica barata manera semper.mi no kier generalisa,pero tin studiante cu mester ajusta nan mes na e valor dje euro.si nan sa con pa anda cu nan placa,no ta bai tin niun problema.pls mike no bai conseja e studiantenan con pa gasta nan placa.pasobra e ora ey si nan lo ta den problema.

June 18, 2008

Bito said:

Den haag...si danki na e corupcion di e computer nan tambe nos pais ta den debe,esei ta 1 di nan........,mi ta kere cu mester pone un lugar den cada bario y pone com pa asina nos juventud por usele!!!!

June 18, 2008

Analista said:

Mi ta bolbe ripiti cu ora cierto hendenan ta den oposicion, nan ta baha cielo mes, pero laga nan bin den gobierno, nan ta perde tur nocion di bida y haci corupcion cu placa di pueblo. Ruman di Mike, Henny ta bin television ta papia cu actualmente tin tanto corupcion...wel wel Henny bin bisa pueblo ki dia nan ta stop di paga tur e placanan cu boso a derocha. No ta nada staño ora bo scucha e homber di dos cara aki.....un banda e ta hari cu bo...e otro banda e ta usa e puñal.

June 18, 2008

Honey said:

Si mike kier pa nan cuminsa un hogar sin debe, Mike mester duna ejempel e mes!! di Paga e placa cu nan a fia na Interbank. Awo Mike ta mira con caro kos a bira??? ANto bo kier hinca nos bou hulanda bek!!! Un rato Hulanda ta bon un rato e ta malo.!!! Mike keda hunga politika barata na hulanda.

June 18, 2008

The Low Guy said:

Hey no ta portami cua politico hacie, pero basta nan logra. Euro tin hende na werki!

June 18, 2008

Pro1344 said:

Tempo cu ami a studia bo ta hanja studiefinanciering y un Aruba lening. Si bo kier, bo por a pidi un Studielening acerca via IBG. Pero pa no a haci e lening ey, mi a bay traha banda di studia. Ami ta hanja esaki un manera pa haci nos sttudiante keda sin tuma responsabilidad. Bo mester di placa, bay traha aserca. No cu mi ta hanja esaki un mal idea, solamente, tempo cu ami a studia tambe cosnan tabata caro. Jaja, het studenteleven, is niet goedkoop. Envez cu e studiantenan ta busca lening tur caminda y esun di mas halto, mihor nan bay traha. Mescos cu e studiante Hulandesnan.

June 19, 2008

Turtle said:

Carmen--- Mi ta duna bo 100% rason. The problem is, nos no kier bay traha ora nos ta studia. We want to get the money the easy way. Y esey ta sea bende droga, haci maldad of fia. Si bay haci areglo ta bira mas facil pa nos fia. Been there done that, never again.

June 19, 2008

asfs said:

y btw EYNAN nan taa sinja biba, aki nan e hende nan no ta responsabel, eynan si nan TAAAA responsabel.. pesei anan ta e futuro sabiduria pa Aruba..hehe.. aki nan e hende gordo nan ta comeeeee bai off... despue nan ta reclama paso no tin cen, pero, no ta abo mes a kies pa gaste??? eynan NOH..porta tin hnd tmb masha bn, pero den nan mente nan ta bisa,, si mi baha peso mi ta cumpra menos cuminda...asina mi ta paga MENOS.. Pesey no meste wrry cu nan paso nan ta fuerte

June 19, 2008

Condorito said:

E studiante ey cu Mike ta papia cu ne, ta pasa trabao?? Mi ta ripara na su peso. Ta hopi ex-studiante di Hulanda tin na Aruba. Nunca bida di studiante twt barata. Nos tur mester a lora man pa nos a sombrevivi. Loke Mike ta haciendo ta simplemente coi loco. Ami tambe mester a paga mi estudio bek. Pero prome cu mi abin Aruba, mia haci mi areglonan di pago. Splikando cuanto mi por paga pa luna. Y onderwijszaken echt no ta come hende. Como ex -studiante mi lo conseha e studiantenan na Hulanda pa busca un bijbaantje y no fia mas placa acerca. Bo haci debe, bo tin cu paga. E les aki mester wordo sinja na Mike!!!

June 20, 2008

Write comment

Show/Hide comment form

Name

Email

Comment

Add Comment