| Celebracion 5 anja Orquesta Diesel |
|
|
|
| Wednesday, 18 June 2008 - 00:00 | ||||
|
Orquesta Diesel, den nan sinku aña di eksitensia a buta diferente hit riba merkado. Djis pa menshoná algun:“Kurason” di Lio Rosa“ Amor ta na porta” “Bala Bala” i awor “Kos bon tei bira mihó”. No por bringa kontra forsa di naturalesa, tur kos tin un komienso i un final i si e relashon ku algun integrante no tabata bai mas, tur kos tin su pasobra i den e kaso aki, Orquesta Diesel ta tin e privilegio di por a haña un front di peso ku kuater kantante ku no solamente tin eksperiensha i bon bos, pero tambe nan a sa di den apenas dos luna di tempu di moldia ku otro pa asina bira un team tremendo ku tur fin di siman ku hopi animo i kariño ta kanta di kurason pa nan fanatikada i bailadó. Tin Orquesta Diesel pa ratu i pesei mes ta hopi ta e kosnan ku ta bai pasa den e lunanan binidero i bosonan lo bai tende hopi di Orquesta Diesel si duda. A krea un kampaña pa suavisá kopiamentu. E famia di “Orquesta Diesel” despues di hopi sinta deliberá hopi porfin a yega na un idea masha great ku por ta un alternativa pa yuda banda o artistanan bringa pirateria i suavisá e asuntu di kopiamentu di nan propiedat i asina tambe kuminsá un kaminda pa asina Diesel por yega na e loke benta di CD tabata nifiká antes pa un artista o agrupashon músikal. Diesel ke motivá otro bandanan pa bin ku kosnan kreativo ku kisas por yuda.
Un kampaña kaminda e bailadó, kumprado di CD i fanatiko tin un motibu mas pa bisa NO na pirateria. Kampaña E kampaña ta ranka sali pareu ku e disko kompakto “Kos bon tei bira mihó” e siman aki na Aruba. Ta importante pa bo no fia hende bo CD i ora bo kumpra e CD, korda wak si e ta esun original na e sitio ku ta bende esun original.
CD nan di Orquesta Diesel lo ser bendé na tur disco tienda aki na Aruba. Un Quad na balor di fl.4000,-- ( un bon premio pa e hobennan) e ta hopi praktiko i bo por bai skol, trabou riba dje of relahá den fin di siman. Esaki ta pa kortesia di “Coolshack” den Baroud Building. Segundo premio Un pasashi Ida i buelta pa Hulanda huntu ku Orquesta Diesel ora ku e banda ta biaha na luna di oktober i huntu ku esaki bo estadia aya na Hulanda. Tercer premio Un toká gratis di Orquesta Diesel riba e fecha di bo eskoho. Di kuater premio 2 Ticket pa e VIP seccion pa bai Mira Aruba music Fest den Entertainment Center. Di sincu premio 2 pasahi ida i buelta ku Tiara Air pa Korsow of Bonaire, mas 200 florin zakgeld. Di Seis premio Afls 750,- florin cash Premio los: 2 premio Afls 250,- na bon di gasoline, si e premio aki keda Aruba e ta hanja su cen los. Kon bo ta gana? Ora bo kumpra bo cd, den e hoes tin un number, Notario lo saka tur premio djarason 27 di augustus. Pa mas informashon di e kampaña aki por tuma kontakto ku Goriaka Maal Telf 5659956
Y keda pendiente pa un fiesta estilo Pick-nick kuminsando 5 or di atardi. |
||||
.JPG "OrDiesel(13).JPG")
