| Mike Eman ta kere e tin solucion pa tur cos |
|
|
|
| Thursday, 19 June 2008 - 00:00 | |||||||||||||||||||||||||||||||||||||||||||||
|
Y su ruman Henny Eman a goberna di 1986 pa 1988 y di 1994 pa 2001 tempo cu bari di petroleo tabata 17 dollar pa bari y nunca nan a haci nada ni na tarifa di awa, corda di coriente of prijs di gasolin. Alcontrario ora cu Coastal mester a cuminsa paga belasting, den forma ilegal y contra ley AVP a duna nan 2 tax-holiday di nobo y uno aserca pa un otro delay coker. Hopi hende ta puntra nan mes cu si ta bobo of corupto Gabinete Eman tabata pa haci e baina aki, pero mirando con sabi e Emannan ta pretende di ta, nos ta sigur cu tabata corupcion riba nivel halto. Hasta ta ser bisa cu e placa a bay parcialmente ariba cuenta na nan banco cu nan a pasa FCCA pa Af. 1,00 y e resto a ser entrega contante y sonante na Cas di partido. Algo manera tempo di Spartaco Ghini cu tabata entrega partido AVP chequenan tur siman di 50 mil dollar via nan accountant cu ta un tal Marachiolli. Si bo mira tur dia con paisnan grandi ta sufri cu prijs di petroleo, unda na Merca banconan, real estate, institutonan financiero ta kibra tur dia, bolsanan di balor den problema, anto aki na Aruba nos tin un genio cu yama Mike Eman cu tin solucion pa tur problema. Hecho ta cu nos gobierno di MEP desde mei 2005 a dicidi en cooperacion cu WEB cu e tarifa te 12 ton di awa ta ser mara na 35 dollar, mientras cu esaki a keda subi cu awe e ta mas cu 100 dollar y no a aumenta. Cu esaki nos a absorba hopi miyones di florin pa yuda comunidad Arubano. Mescos pa masha hopi aña no a aumenta ni e tarifa di awa, coriente ni otro gastonan cu tur a subi, pero solamente ta aplica brandstofclausule. Mescos desde 2005 nos a absorba 15 cent ariba cada liter di gasolin. Alavez nos haci un gran cantidad di alimento 0% di invoerrechten y mescos nos a baha un gran cantidad di invoerrechten pa yuda pueblo. Nos a aplica inflatiecorectie desde 2001 te casi 20%, mescos nos a cambia tur tabel di belasting ora cu a introduci BBO. Nos a aumenta desde 2001 sueldo minimo na 4 ocasion di Af. 960,00 te entrante 1 di juli 2008 te Af. 1505,00 pa luna y nos a adapta varios vez e pensioen di viejez y onderstand. Mescos no ta cobra belasting ariba e placa cu bo ta spaar y mescos e primanan di aseguro. Nos a compensa pueblo na 2007 mas cu 69 miyon florin cu introduccion di BBO. Esaki nos a hacie apesar di e mas cu 800 miyon florin di debe cu AVP a laga atras, manera e garantianan, Radar, Aeropuerto, Race Track y placanan fia, manera esun cu a vence na 2005, esta e 168 miyon florin cu mester a ser paga den e aña di eleccion. No ta pornada cu durante Gabinete Eman nan a haña un Credit Rating ‘D’, esta un ‘D’ di Desaster! Si Gabinete Oduber no a haña nos economia den recesion, esta cu no tabata tin inversion, desempleo alarmante, finanzas publico na werki, garantianan, Race Track etc., lo Gabinete Oduber por a haci mucho mas di locual ya nos a haci. Tempo lo demonstra con cu poco placa nos a bolbe crece nos economia, paga mas cu 800 miyon florin na debe y apesar di esaki sigui inverti den nos infrastructura.
Un conseho di partido MEP na Mike Eman: Spierta promer cu ta laat!
zazao
said:
|
|||||||||||||||||||||||||||||||||||||||||||||
 |
Loke cu partido mep mester bisa tambe, cu si nan baha invoerecht, acijns, tambe lo por yuda e pueblo ki, pero no nan no ta bahe.paso nan ta hambra pa placa. Nan a paga 800 miyon na debe y banco central ta bisa cu aruba ta diep diep den debe, awo ken ta ganja? BTW BO TA RIPARA CU ELECCION TA DEN PORTA, PASO MEP TA YORANDO HOPI DEN E DIANAN AKI.MIEDO PORTA??? |
asfs
said:
|
mi spera cu tin hende cu por lesa e koki FULL despue reacciona, i no djis mira nomber MEP i cuminsa hasi comenario baho,loke cu sa pasa hopi mes na Arub aki nan,evaluua e ko despue papia!! |
Vincent Tromp
said:
|
Un bez mas Arubiano nan e eleccion cu ta bai bini, kies un partido nobo of cu capacidad pa drecha e situacion di nos isla stima, Lag AVP i MEP un banda paso tur dos ta un vriendjes politiek nan ta bedrijf. |
Wake Up
said:
|
MEP ta acusa AVP di esaki, AVP ta acusa MEP di esey. MEP ta jama AVP pa ladron, corupto y AVP ta jama MEP pa mesun cosnan. Tristo no, enbes di bin cu plannan drechi pa Pueblo of sikiera duna speransa cu lo bin un tiki alivio nos tin di para soporta e mesun "porkeria politico" di anja aden anja afo. Enves di bini cu cosnan positivo nan ta para sembra odio y venganza den nan votadornan. Tin hende cu ni sa ni kiko ta kiko, pero nan ta indoctrina si pa grita biba mep of biba avp. Mensen, pesey Aruba ta para caminda e ta: STAGNA!!!! Tin corupshon si y echamento di baina sigur cu mester wordo elimina pa pone e isla aki riba bon caminda. ( corupshon y echamento di baina ta conta tanto pa MEP como pa AVP) |
Pro Aruba 2008
said:
|
Ciual partido mas tin pa vota pe?????????????????????????????????????????? TUUUUUUUUUUUUUUUUUUUUUUUUUUUUUUR TA MESCOS RED: TA BUSCA HENDE INOCENTE PA SERA Y NO TIN NIGUN VISION MPA: TA PENSA SOLAMENTE RIBA OBESIDAD Y VISSER DEMOCRACIA REAL: E PARTIDO AKI MESTER TENE HOPI CUENTA CU NE, E TA PRO PA E TRANHERO NAN KEDA TRAHA NA ARUBA DESPUES DI NAN PERMISO DI 3 ANJA, PERO TA KOS PA COMPRONDE, E TA CASA CU UN DI NAN DUS??? MI NO TA MIRA NINGUN POLITICO SERIO RIBA E PAIS AKI!!!! LUBIDA!!!!!!!!!!!    |
asfs
said:
|
ellecion ta den porta, misa, pero gobierno yora?? HAHAHAHA.. ay no ohm otro maginario mas.,ki dia bosnan ta stop anto .. Ami ta sinti MEP t'e partido victorioso atrobe, djis wak |
hallo
said:
|
a.v.p. lo saka aruba di e abismo ki, pasobra mas malo aruba no por ta para, danki dios ku tin arubiano nan capasita di e partido berde ku vision pa goberna e pais ki y ku tin arubiano nan na pecho. biba a.v.p. |
Un Observador
said:
|
BIBA MEP,MEP TUR DIA,NOS TEI PA KEDA.............................................................. |
asfs
said:
|
Pro Aruba 2008 Con bo por ta BOBO asina? abo ta un berguensa pa nos Arubiano nan, anto bo kier skirbi Pro Aruba... miho abo bai foi Aruba si e partido nan no ta cumbini ABO |
Roslin
said:
|
Pueblo cuminsa traha boso listra pa boso artic*lonan pa cas. Paso elecion ta bin aden ta ora pa bo incaser, pio cu bida ta asina caro na Ruba. E partidonan conocir semper tin un buched pa nan cumpra pueblo. Ta ora di elecion so nan sa boso adres i di ki famia bo ta bini.  |
Wake up call
said:
|
E cos di mas ridic*lo y provocante ta e FANATICADA POLITICO durante e eleccionnan, DI CUA PARTIDO CU TA! Ora di bay vota deposita bo voto pa e partido cu bo ta kere cu lo traha mihor pa Aruba y bay bo cas bek mas liher posibel pa evita e PAYASADA RIDICULO Y PROVOCANTE cu cierto individuonan di TUR PARTIDO ta hasi riba of banda di caminda ( hopi di nan pata pata burachi) NINGUN VOTADOR NO TA PROPIEDAD DI NINGUN PARTIDO POLITICO- E VOTADOR MAG DI VOTA PA KEN E KIER E DIA EY- SI OTRO ELECCION E CAMBIA DI IDEA TA SU DERECHO- E POR CAMBIA DI IDEA CUANTO CU E KIER SEGUN SU CONSENSHI Y DEPENDIENDO DI CIRCUMSTANCIANAN... palabranan manera: traidor, bulado di cura, nan a cumprabo lo keda sali for di boca di fanaticonan ignorante PERO COMO VOTADOR SERIO SIMPLEMENTE IGNORA ESEY... |
asfs
said:
|
ahn se, e koi fanatico ey estupides na un hende su celebro..en ta bai pa fanaticada, sino e ta bai pa CALIDAD!!!! |
metalmaniac
said:
|
Mi ta contento di wak cu tin hende cu di berdad ainda ta preocupa su mes pa e bienestar di Aruba en general, y no di nan mes so. Ta hendenan manera Wake up Call ta dunabo un orguyo di ta un Arubiano!!! Biba Aruba, abouw cu corupcion !!!! |
MOM
said:
|
NA zazao BO MENTE NO TA PENSA PASO BO NO KIER,I BO NO TA LAGA BO BOKA LESA E BERDAD,KEN JORA MEP NO MI SHON ANOS SI LO JORA SI AVP BIN NA MANDO PASO NO LO BOLBE BAY CAY DEN DECADENCIA ATROBE I NOS LO NO SA UNDA PA PONE NOS CARA DI BERGUENZA BIN BIJ MI JUI.... |
HUMILDE Y SINCERO
said:
|
Esaki ta pa un Refleccion pa nos lectornan; Gabinete Eman II y III (1994-2001). Mep a acusa nan pa Fraude Corupcion, Malversacion . 7 aña di ladronicia. Gabinete Oduber III y IV (2001-2009 ?) Malversacion,friends & family debe y mas debe. 7-8 aña di ladronicia Aruba su Status Aparte tin 22 aña. Nos tin como 14 aña di e bagamunderianan aki riba menciona. DUNA NAN UN CHENS MAS PA NAN SIGIII...? Of UN CAMBIO......???? |
frans
said:
|
Pa e storia di MEP y AVP aki caba tur hebde mester vota pa un otro partido. Hendenan no laga partido politiconan manipula bo! vota conciente, analisa ken realmente merece bo voto y no laganan cumpra bo. Prome cu bo vota pa e politico: 1.wak si e persona ey ta bon studia, e mester ta capabel pa hiba un pais dilanti. 2.wak si loke e ta primiti ta realistico y realizabel, Vision y mision ta hopi importante pa Aruba por progresa. 3.na momento di kis pensa riba e futuro di bo famia den e proximo cuater anjanan. Si e vision y mision di e politico ta loke a bo tambe kier pa bo famia y famia di bo famia y pa bo bisinja y pa bo Aruba. Mi sa boso por bisa ken mi ta, pero un tip mi ta duna boso y pense: publicity campaign > physiology > brainwash > result. |
Pro Aruba 2008
said:
|
@ asfs: Ok, mi ta bobo, mustra mi abo bo inteligencia. Mi kier skucha con inteligente bo ta!! Mi no ta den bo caminda, ni den bo cas, ni den bo cama pa mi banodna Aruba. Awor ta ken ta BOBO?????? Wel, wel, berdad ta hasi d**or!!!!!!! |
Pro1344
said:
|
Frans, Mi a vota pa un otro partido, pero pafor di gobernacion ya caba nan a haci un desaster. Anto mi mestter bolbe vota p'e?? RED, nunca mas!! AVP no, echt mi favorito. MEP, mi no conoce niun hende. MPA, ta un barbie girl cu ta zeur so. DR, NO WAY!!! Otro partido nobo, kizas. Pero awor mi ta sigur cu mi lo prefera di waknan den oposicion prome wak con nan ta actua. Mi a comete un error caba di a vota pa un partido cu ta den oposicion, y mi a keda hopi decepciona den dje. Dus mi kier wak prome cn e partidonan nobo ta den oposicion |
Bito
said:
|
hallo, ainda bo ta kere den heks?apocas palabra..................... |
playero
said:
|
Tempo cu AVP a goberna bari di petroleo tabata $17 y awor e ta casi $150 caba !!!! Loque mi kier bisa ta: goberna den tempo fasil hopi politico por, pero goberna den tempo difisil mayoria no por !!!E gobierno di MEP ta haje obliga di tuma medida, apesar cu e sa cu e lo perde hopi voto. Ta a nos mes tin cu paga nos debe di Aruba, ningun pais lo hasie pa nos.Mi ta kere cu nos tin cu stop di depende tur ora di hulanda. Cada pais na mundo mester ta responabel ! |
Toya
said:
|
E sorto di artic*lo nan aki ni lesa mi ta lesa nan paso na e titulo caba mi sa cu ta lloramento ta bai bin. E solucion ta pa MEP i AVP tur dos baha na awa. |
