|
San Juan ta bin y ta bay den bario! |
|
|
|
|
Thursday, 19 June 2008 - 00:00 |
|
 San Juan ta na caminda y e ta bay den bario! Manera e cantica ta bisa, San Juan ta bin, San Juan ta bay, pero e biaha aki e ta bay hopi bario rond Aruba. Esaki por keda deduci for di e calendario recien publica di Departamento di Cultura (DCA), cual ta ilustra e diferente actividadnan cu ya caba tin registra pa e festival cultural di diamars awor. Departamento di Cultura (DCA) ta encabesa pa promove e evento aki, diabierna awor caba, 20 di juni, na momento cu organisa un Fiesta di Dera Gay na Departamento di Cultura, den e cura patras di edificio di DCA, hunto cu otro departamentonan di gobierno, en conexion cu Aña di Cultura. Click read more pa mas detayes y imagen.
Diasabra siguiente 21 di juni 2008, lo tin presentacion di e buki ‘Fiesta di Sabana’ pa su autor Sherwin Jacobs na Boekhandel Van Dorp na Dakota combina cu exposicion di Molina. Dialuna 23 di juni, lo tin celebracion di Fiesta di Dera Gay na Paseo Herencia pa publico en general como tambe turista. Grupo Magdalena tambe ta ofrece un mainta cultural na Centro di Bario Ayo.
Diamars 24 di juni, e fecha di San Juan mes lo tin un Bon Bini Festival den cura di Museo Historico na Fort Zoutman, cu presentacion di Baile di Dera Gay pa 7:30 di anochi. E celebracion ta sigui te diadomingo 29 di juni unda Don Bosco Club den cura di Misa di Noord tin un dia familiar y Centro di Bario Noord ta tene un celebracion di Dera Gay. Pa mas informacion por tuma contacto cu sr. Robert Maduro na Departamento di Cultura Aruba, tel. 582.2185. Pa e lista di actividadnan di Dera Gay, click aki:
| Comments () >> |
 |
 |
