| Plataforma di Enseņansa di A.V.P |
|
|
|
| Thursday, 19 June 2008 - 00:00 | |||||||
 Drs. Andy Lee di Plataforma di Enseñansa di partido A.V.P ta señala: “Formacion di nos maestronan na IPA: Un situacion preocupante según Nationaal Onderwijs Plan di Minister Marisol Lopez-Tromp. Na Aruba tin un cantidad di casi 1400 maestronan ta trahando na e 80 diferente schoolnan cu nos isla conoce. Di e cantidad aki di maestronan, un total di 39 tin un edad ariba 60 anja, pues ta trahando mientras cu mester ta gozando di pensioen. Esaki claramente ta refleha e preta cu ta exisiti na maestronan cualifica pa duna les. Click read more pa mas detayes.
Te cu 2011, lo mester reemplaza
un cantidad di 120 maestro kendenan lo baha cu pensioen, mientras cu pa
2016 tin un cantidad di 256 maestro mas cu tambe lo baha cu pensioen.
Pues, pa 2016 lo mester reemplaza 30 porciento di nos maestronan,
kendenan lo ta bahando cu pensioen den e proximo 8 anjanan.
Formación di nos maestronanPa formación di maestronan a encarga Instituto Pedagogico Arubano (IPA). Den 2006 IPA a gasta un suma di alrededor di Afl. 9 mln pa formación di maestronan, mientras pa 2008 un suma di alrededor di Afl. 10 mln a ser presupuesta pa IPA por cumpli cu su encargo. Pa por cumpli cu e demanda pa maestronan, e expectativa pa futuro ta cu lo mester inverti mas ainda. Den ensenjansa na Aruba IPA ta hunga un rol central: e instituto aki ta forma e maestro kende – pa hopi anja después – ta esun cu na pia di trabou finalmente ta determina e calidad di nos ensenjansa. Implementacion di cualkier maneho pa eleva calidad di nos ensenjansa ta den man di e maestro para dilanti di klas. Nationaal Onderwijs Plan encuanto IPA Ta sumamente preocupante pa lesa den e Nationaal Onderwijs Plan (NOP) di Minister Marisol Lopez-Tromp e percepción cu ta biba den nos comunidad di IPA. En general, tin un percepción negativo di e calidad y eficiencia interno y externo di e instituto aki. E percepción di un calidad cuestionable, según e NOP di Minister Lopez-Tromp, ta cubri e siguiente areanan: * Falta di profesionalismo y interes bou di e docentenan * Falta di rigor den e curiculo y den e proceso di evaluacion * E enfoque di e instituto no ta dirihi ariba e studiante * Liderazgo hopi zwak * Practica di maneho financiero y di personal cu ta cuestionable Ta parse cu studiantenan na IPA gran parti di tempo ta pasa den confucion y no ta hanja e guia necesario pa desaroya nan potencial. Scolnan ni mayornan di studiantenan di IPA ta conforme cu e calidad di e graduadonan di IPA, según e NOP di Minister Lopez-Tromp. Rendimento di inversion den educacion Percepción no necesariamente mester refleha realidad. Pero na momento cu e clientenan principal di IPA, esta e schoolnan cu ta duna trabou na graduadonan di IPA, ta vocifera nan duda den e nivel di e graduadonan, mester tuma e situación hopi na serio. Inversionnan halto den ensenjansa ta necesario y ta prioridad pa nos por cumpli cu nos economia dirihi ariba servicio. Pero, esaki no ta kita afor cu mester exigi rendimento di e inversion. Mas aun, ora cu situación financiero di gobierno ta preta, manera cu a para bira den e ultimo cinco anjanan, lo mester sa di maximalisa uso di e fondonan publico di Pais Aruba, pero sigur den beneficio di e mucha Arubiano cu tin derecho ariba un bon educación. E NOP mes ta indica cu ta vital pa e filosofia y practica educacional di IPA ta den linja cu e enfoque dirihi ariba e studiante, y pa cu e cultura di e organización y e maneho sigui practicanan claro di responsabilisacion. Alaves ta boga pa un evaluacion imediato di IPA, pa recomenda cambionan structural y den organización, pa garantisa e nivel y calidad di e maestro na Aruba. E promer jama pa garantisa e nivel y calidad di nos maestronan ta e minister responsable. Pero, considerando cu desde augustus 2007 el a sa di tene e NOP scondi – e NOP ainda no a ser presenta na Staten no obstante diferente peticion, y pues oficialmente no ta publico – ta trece duda den e seriedad cu Minister Tromp ta duna na nos ensenjansa. Ya caba ta bisto cu e minister lo trata di sigui pospone accionan y decisiónnan mas tanto posibel, pa asina e por laba man y pasa e responsabilidad di implementacion di NOP, mescos cu e caso di leerplicht, ariba e siguiente Minister di Ensenjansa. Den Parlamento fraccion di AVP lo sigui desplega e trabou di control y lo sigui exigi di e minister pa e delinea en concreto e pasonan cu mester tuma pa soluciona e problema na IPA, y percura pa esakinan keda implementa. Gobierno tin un compromiso cu hobennan na Aruba pa ofrece e mihor oportunidad pa nan por desaroya nan mes, mediante educación, como individuo y ciudadano. E compromiso aki no mester ta solamente den palabra, pero primordialmente den accion. Y ta juist den e parti di accion Minister Lopez-Tromp ainda mester prueba su mes. Considerando e inversion cuantioso cu tin den ensenjansa, y particularmente den IPA, ta bon pa e otro actornan responsable pa calidad di nos maestronan, esta Directie Onderwijs, Inspectie y e directie di IPA, cuminsa saca nan propio conclusionnan for di e NOP.
playero
said:
|
|||||||
 |
Andy Lee: Bo plan nan ta master!! Bo tin solucion pa tur cos !! Pero uza bo energia y sabiduria si bo bira un gobernante un dia, cual mi ta duda 100% !!!Ni abo of bo partido chiripero por hasi boso huiswerk drechi den opocision, corda como gobernante !!!! Stop di sonja lanta !!!Sinta bo keto y boca sera y laga e partido mas grandi (MEP) den reino hulandes goberna....  |
Teishi
said:
|
Den seno di enseñansa ta mas cu pura pa mira cambio di e friends team cu tin na IPA y Directie Onderwijs. E cambio necesario cu te hasta e minister actual ta pone den NOP! Pero otro aña ta eleccion y no ta haci cambio ainda pa cu esakii. Loke si ta sigur cu e cambio lo bin entrante januari 2010 y lo trce e resultado desea pa e proximo periodo.Ken cu sinta lo percura pa esey! |
