| Recepcion na ocacion di POK na Hulanda |
|
|
|
| Thursday, 19 June 2008 - 00:00 | ||||
 Na Cas di Aruba a tuma lugar un recepcion na ocacion di e Parlementair Overleg Koninkrijksrelaties (POK) entre parlamentarionan di Hulanda, Antia y Aruba. E recepcion a conta cu bishita di presidente di Eerste Kamer sra. Yvonne Timmermans-Buck, presidente di Tweede Kamer sra. Gerri Verbeet, secretario di Estado pa Relacionnan den Reino sra. Ank Bijleveld-Schouten, Minister Plenipotenciario di Antias R. Paul Comenencia, comandante di Forzanan Arma generaal Peter van Uhm, miembro di Raad van State pa Antia mr. Wim Ellis, miembro pa Raad van
State pa Aruba mr. Hubert Maduro. Click read more pa mas detayes y imagen.
Tambe delegacionnan di diferente
parlamentonan, representantenan di organisacionnan Arubano na Hulanda,
representantenan di diferente departamentonan gubernamental Hulandes y
prensa Hulandes.
Minister Plenipotenciario di Aruba sr. Frido Croes a yama tur hende bon bini y a bisa di ta honra cu presencia di hopi miembronan di parlamento di Reino na e recepcion.E mandatario a mustra den su discurso ariba e importancia cu e reunionnan aki ta tuma lugar pa discuti ariba topiconan di interes comun cu lo mester desemboca den un mantencion di e lasonan dentro di nos Reino Hulandes Presidente di Parlamento di Aruba sra. Melvin Wyatt-Ras a subraya cu mester sigi traha na realisacion di e mesun meta den Reino. Pesey ta importante cu dos biaha pa aña tin e oportunidad aki den e reunionnan di POK. Sra. Wyatt-Ras a toca e tema di autonomia bisando cu esaki ta hopi importante pa Aruba y cu Aruba lo mantene su Status Aparte, manera palabra den e reunion di Mesa Rondo na 1983. Sinembargo Aruba lo sostene e islanan di Corsow y Sint Maarten den nan esfuerzo pa logra nan Status Aparte y tambe duna tur cooperacion nesesario na e islanan BES, asina sra. Wyatt-Ras a bisa. Segun e presidente di Parlamento di Aruba tin diferencia entre e paisnan den Reino, pero na otro banda tin hopi mas similaridad cu mester prevalece den esfuerzo pa traha na bienestar di Reino Hulandes. Presidente di e Comicion Permanente pa Asuntonan Antiano y Arubano di Tweede Kamer sr. Willibrord van Beek a enfatisa e bienestar pa continua cu e encuentronan aki. Aunque cu awendia hopi asunto por wordo regal via email e ta kere cu ta importante pa tin momentonan cu e parlamentariona di Reino mester por topa otro y papia cu otro personal, asina sr. Van Beek a remarca. Segun sr. Van Beek esaki ta contribui na un relacion sano y duradero. Tambe ela bisa cu ta bon cu tin diferencia di opinion y esey no mester inpedi pa continua cu e dialogo entre partnernan den Reino. Presidente di Parlamento di Antia sr. Pedro Atacho a pone hopi atencion den su discurso ariba cooperacion y solidaridad entre e paisnan den Reino y cu esaki mester forma e base di Reino Hulandes, mescos tempo di e watersnoodramp na 1954 o e biahanan cu orcan a causa daño na islanan Ariba y tambe durante Segundo Guera Mundial unda Antianonan y Arubanonan a lucha cohuntamente den “verzet” contra e regimen Nazi. Tanto Presidente di Tweede Kamer sra. Gerri Verbeet como presidente di Eerste Kamer sra. Yvonne Timmermans-Buck a papia di e calor cu ta existi entre e paisnan den Reino y cu esaki ta algo cu mester sobresali den e contactonan.
|
||||
