| Gobierno no tin un maneho proactivo |
|
|
|
| Friday, 20 June 2008 - 00:00 | |||||||||||||||||
 Recientemente tabatin un conferencia di prensa yama door di AVP na Cas di Partido. Akinan diferente miembro di partido a elabora tocante diferente topico di interes general. Mike de Meza a papia tocante compania di utilidad Web, unda cu porfin ta bay continua cu tendencia cu ya caba ta wordo aplica na varios pais, cu ta e uso di molina di biento. Ya caba nan ricibi diferente oferta di varios compania di molina di biento. E uso di e molinanan di biento aki ta un forma pa contra-arresta e prijs halto di electricidad y awa. Di e forma aki ta bin na realiza cu tin mas posibilidad pa asina trata e problema di prijs di electricidad y awa. Click read more pa mas detayes.
Ta un hecho conoci cu nos economia ta basa riba e prijs di petroleo y cu e crises mundial ta pa motibo di e aumento di prijs di crudo. Cual hecho ta justifica e uso di molina di biento riba un escala industrial grandi. Tambe e aumento di e prijs di crudo lo mester trese un dialogo nacional pa asina hunto por trese solucionan al caso y realistico pa e problematica di e prijs di crudo.
Any Lee den su declaracion a trata e onderwijsplan. Loke mas a resalta ta por ejempel cierto puntonan cual sigur mester haya nan atencion debido. Algun problema den e mundo di enseñanza ta entre otro: problema cu e structura rigido di duna les, falta di recurso cu tin un effecto frustante, mayornan kende nan tin un percepcion negativo di mundo di enseñanza y maestronan cu ta poco motiva pa duna les. E persona cu ta responsabel pa tur esaki den bista di sr. Lee ta e Minister, kende ta mustra poco dynamismo pa asina resolve e problematicanan aki. Sr. Otmar Oduber a señala e precupacion existente cu ta reina pa e falta di planificacion den e sector hotelero di parti di gobierno. E la sigui na señala e problematica di e airlift pa Aruba. Con por ejempel a corta den e buelonan for di Puerto Rico. Loke su persona ta haya remarcabel ta cu semper Minister Briesen tin semper un excusa pa e problema den e sector hotelero. Un punto cu su persona a trese pa dilanti ta e hecho cu Merca por confronta un crises, door di e recesion mas grandi cu ta wordo pronostica. Cu Aruba semper a logra sobrevivi efectonan mundial no mester ta un excusa pa no busca alternativa pa atende cu e recesion. Costo di bida a subi cu mas di 25% rond di mundo y cu e tursimo aki na Aruba ta mane stagna. Ademas su persona a sigui bisa cu ta straño cu no tin ningun inversion tumando lugar den e mercado europeo, siendo cu e euro ta mas fuerte cu e dollar. Europa porta e alternativa si e recesion na Merca mester disminui e fluho di tursita pa Aruba. Otro alternativa pa e problematica den turismo por ta e Aerolinea Copa cu den pasado a mustra interes di bin Aruba. Sinembargo lamentablemente nada no ta wordo hasi cu interes aki y asina no tin liñea proactivo den e maneho di gobierno pa e problematica den e mundo di turismo, siendo cu Aruba ta depende di un 70% di su turismo. Loke ta ironico ta cu Minister Briesen si tin tempo viaha bai Washington pa asina purba baha prijs di fuel.
Presidente
said:
|
|||||||||||||||||
 |
Cu aerolineanan ta corta den nan vuelo, no tin nada di haber cu niun gobierno. Loke cu Otmar ta papia ta manera cos cu na aruba tur hende ta mesun bobo cu ne. |
bo tawata sa
said:
|
boso ta mescos cu hende cu ta hunga domino,na banda bosa ta campion,ora boso ta na mesa nada bon busca manera di horta. |
MOM
said:
|
TA TRISTO PA MIRA HENDE GRANDI CU NO TIN NINGUN GARNA DI GEVOEL,SIN BERGUENZA,SIN BALOR MORAL,SIN RESPET NI PA NAN MES CORDA PA OTRO,UNCOS BOSO MESTER HASI TA KEDA KETUUUUUUUU NO PAPIA CU BOKA JEN DI SCUPI ASINA BOSO TA DUNA HENDE BERY DI STOMA...... |
playero
said:
|
Mi kier pa e pajaso nan di AVP drenta tur hotel, bai banda di beach nan, puntra e taxista nan, puntra e restaurant nan !! Asina mes cu tin crisis mundial nos tin hopi turista anto den " Low Season " !!! Anto no papia mes di marisol pasobra Aruba no conoce ningun otro minister cu a hasi asina hopi pa estudio di nos mucha nan !!! Ta ken por bisa mi kiko AVP a hasi pa nos mucha nan ??? Pa Mike camelioen De Meza : Bo a subi tur lista politico caba, cual ta bo siguinte partido politico ??? Ha otro perro con ese hueso !!!  |
