| Ley di desaroyo teritorial a keda presenta |
|
|
|
| Friday, 20 June 2008 - 00:00 | |
 Recientemente Ministerio di Enseñansa, Asunto Social y Infrastructura a tene un conferencia di prensa tocante e ley di desaroyo teritorial (landsverordening ruimtelijke ontwikkeling), plan di desaroyo teritorial (ruimtelijke ontwikkelingsplan) y e conseho pa desaroyo teritorial (raad ruimtelijke ontwikkeling). Parlamento a aproba e ley di desaroyo teritorial landsverordening ruimtelijke ontwikkeling y esaki a drenta na vigor na October 2006. Gobierno ta trahando duro pa implenta e ley aki cu ta hopi importante mes pa desaroyo di Aruba. Click read more pa mas detayes y audio.
Di forma aki por bin cu maneho
pa stimula un desaroyo duradero di nos pais na bienster di henter nos
comunidad y hisa e calidad di bida pa tur cuidadano aki na Aruba. Loke
e ley aki ta stipula ta cu mester tin un conseho pa desaroyo
teritorial, un raad voor de ruimtelijke ontwikkeling esaki ta un organo
di consulta pa asina sectornan di comunidad por haya participacion den e
maneho pa desaroyo territorial.
E tarea di organo aki ta pa asesora e Minister tocante e desaroyo territorial di Aruba, e maneho y su implementacion. E constelacion y e forma di traha di e conseho a keda stipula pa un decreto gubernamental na mes momento a apuntae organisaciona di comunidad cu ta propone e miembronan pa e conseho aki. Esaki ta consisti di 7 miembro proponi pa e sigiente organisacionan cu ta: ATIA, AHATA di e sector economico, DIA y FANAPA di e sector di e sector fysico espacial, FCCA, SEPA y Universdiad di Aruba di e sector social. A keda institui e conseho pa desaroyo territorial y a hasi entrega di decreto ministerial na e miembronan nobo di e diferente sectornan. Click aki pa scucha mas di ley di desaroyo teritorial: |
