|
Arubiano ta duna les di mandarin na Hulanda |
|
|
|
|
Friday, 20 June 2008 - 09:00 |
 Nico Maduro, un arubiano cu ta duna les di mandarin na Hulanda. Nico Maduro a nace na Aruba riba un 10 september 1965 y
ta di e bario di Pos Chikito. E ta yiu di señora Marcela
Kelly-Pena y señor Gregorio Maduro q.e.p.d. Despues di a kaba su MTS na Aruba su persona a bay Hulanda na aña 1986 pa continua cu su estudio. Na Enschede e a caba su HTS Electrotechniek. E a traha na diferente empresa di
telecomunicacion manera AT&T , Lucent Technologies, Nortel
Networks y Ciena. Su deseo tabata semper pa bin
traha bek na Aruba. Click read more pa mas detayes y imagen.
Pero Nico Maduro a keda Europa pa motibo di
trabou, caminda e la traha na diferente pais, incluyendo Merca y na
Asia pa un temporada basta largo. Pero semper su amor pa Aruba a keda
hopi grandi.
Nico su fasinacion pa e idioma mandarin ta indescribibel. Su mama tabata traha den un
restaurant chines y asina su fascinacion pa e idioma a cuminsa. Durante
di su estudio na Enschede e la siña e parti basico di e idioma for di dos chines
cu kende e tabata comparti kamber. Despues di su estudio e la haya e
oportunidad di bay China 6 luna pa traha pa un compania di
telecomunicacion. Despues
di tempo Nico dicidi di hasi loke semper e tabata soña cune, cu ta sigui e opleiding di mandarin na e Universidad di Leiden. Na un principio
e tabata combina e estudio aki cu su trabou, pero despues di 6 luna e
la dicidi di focus completamente riba su estudio. Asina e la haye cu su 39
aña di edad, sinta den banki school entre demas studiantenan.
Dos aña pasa e la wordo puntra pa duna les di Madarin na algun conocir
y desde entonces e interes a bira mas grandi cu awor e ta wordo aserca
pa duna curso tambe. Ta asina cu na
Biddinghuizen, e ta duna les na un grupo di cursista kendenan ta sigui les
di e idioma aki.
Nico su anhelo ta cu pronto e lo por bin duna cursonan di mandarin na su pais natal Aruba.
Nico su website ta: http://www.xs4all.nl/~gmaduro.
| Comments () >> |
 |
 |
