| IPA den Nationaal Onderwijs Plan |
|
|
|
| Saturday, 21 June 2008 - 00:00 | |||||||||||||||||
 Na Aruba tin un cantidad di casi 1400 maestronan ta trahando na e 80 diferente schoolnan cu nos isla conoce. Di e cantidad aki di maestronan, un total di 39 tin un edad ariba 60 anja, pues ta trahando mientras cu mester ta gozando di pensioen. Esaki claramente ta refleha e preta cu ta exisiti na maestronan cualifica pa duna les. Te cu 2011, lo mester reemplaza un cantidad di 120 maestro kendenan lo baha cu pensioen, mientras cu pa 2016 tin un cantidad di 256 maestro mas cu tambe lo baha cu pensioen. Pues, pa 2016 lo mester reemplaza 30 porciento di nos maestronan, kendenan lo ta bahando cu pensioen den e proximo 8 anjanan. Click read more pa mas detayes.
Formación di nos maestronan
Pa formación di maestronan a encarga Instituto Pedagogico Arubano (IPA). Den 2006 IPA a gasta un suma di alrededor di Afl. 9 mln pa formación di maestronan, mientras pa 2008 un suma di alrededor di Afl. 10 mln a ser presupuesta pa IPA por cumpli cu su encargo. Pa por cumpli cu e demanda pa maestronan, e expectativa pa futuro ta cu lo mester inverti mas ainda. Den ensenjansa na Aruba IPA ta hunga un rol central: e instituto aki ta forma e maestro kende – pa hopi anja después – ta esun cu na pia di trabou finalmente ta determina e calidad di nos ensenjansa. Implementacion di cualkier maneho pa eleva calidad di nos ensenjansa ta den man di e maestro para dilanti di klas. Nationaal Onderwijs Plan encuanto IPA Ta sumamente preocupante pa lesa den e Nationaal Onderwijs Plan (NOP) di Minister Marisol Lopez-Tromp e percepción cu ta biba den nos comunidad di IPA. En general, tin un percepción negativo di e calidad y eficiencia interno y externo di e instituto aki. E percepción di un calidad cuestionable, según e NOP di Minister Lopez-Tromp, ta cubri e siguiente areanan: • Falta di profesionalismo y interes bou di e docentenan • Falta di rigor den e curiculo y den e proceso di evaluacion • E enfoque di e instituto no ta dirihi ariba e studiante • Liderazgo hopi zwak • Practica di maneho financiero y di personal cu ta cuestionable Ta parse cu studiantenan na IPA gran parti di tempo ta pasa den confucion y no ta hanja e guia necesario pa desaroya nan potencial. Scolnan ni mayornan di studiantenan di IPA ta conforme cu e calidad di e graduadonan di IPA, según e NOP di Minister Lopez-Tromp. Rendimento di inversion den educacion Percepción no necesariamente mester refleha realidad. Pero na momento cu e clientenan principal di IPA, esta e schoolnan cu ta duna trabou na graduadonan di IPA, ta vocifera nan duda den e nivel di e graduadonan, mester tuma e situación hopi na serio. Inversionnan halto den ensenjansa ta necesario y ta prioridad pa nos por cumpli cu nos economia dirihi ariba servicio. Pero, esaki no ta kita afor cu mester exigi rendimento di e inversion. Mas aun, ora cu situación financiero di gobierno ta preta, manera cu a para bira den e ultimo cinco anjanan, lo mester sa di maximalisa uso di e fondonan publico di Pais Aruba, pero sigur den beneficio di e mucha Arubiano cu tin derecho ariba un bon educación. E NOP mes ta indica cu ta vital pa e filosofia y practica educacional di IPA ta den linja cu e enfoque dirihi ariba e studiante, y pa cu e cultura di e organización y e maneho sigui practicanan claro di responsabilisacion. Alaves ta boga pa un evaluacion imediato di IPA, pa recomenda cambionan structural y den organización, pa garantisa e nivel y calidad di e maestro na Aruba. E promer jama pa garantisa e nivel y calidad di nos maestronan ta e minister responsable. Pero, considerando cu desde augustus 2007 el a sa di tene e NOP scondi – e NOP ainda no a ser presenta na Staten no obstante diferente peticion, y pues oficialmente no ta publico – ta trece duda den e seriedad cu Minister Tromp ta duna na nos ensenjansa. Ya caba ta bisto cu e minister lo trata di sigui pospone accionan y decisiónnan mas tanto posibel, pa asina e por laba man y pasa e responsabilidad di implementacion di NOP, mescos cu e caso di leerplicht, ariba e siguiente Minister di Ensenjansa. Den Parlamento fraccion di AVP lo sigui desplega e trabou di control y lo sigui exigi di e minister pa e delinea en concreto e pasonan cu mester tuma pa soluciona e problema na IPA, y percura pa esakinan keda implementa. Gobierno tin un compromiso cu hobennan na Aruba pa ofrece e mihor oportunidad pa nan por desaroya nan mes, mediante educación, como individuo y ciudadano. E compromiso aki no mester ta solamente den palabra, pero primordialmente den accion. Y ta juist den e parti di accion Minister Lopez-Tromp ainda mester prueba su mes. Considerando e inversion cuantioso cu tin den ensenjansa, y particularmente den IPA, ta bon pa e otro actornan responsable pa calidad di nos maestronan, esta Directie Onderwijs, Inspectie y e directie di IPA, cuminsa saca nan propio conclusionnan for di e NOP.
Sano Huiicio
said:
|
|||||||||||||||||
 |
Busca Frere cu Souernan bek......nan ta traha di 8'or di mainta te 3'or di atardi...anto nan no ta bai kampeer dilanti Parlamento corda den Parlamento. |
Chillyboy47
said:
|
Sano Huicio bo ta mal pega den tempo, si tawata tin frere cu souernan awe, nos lo tawata tin un mihor gobierno, cu kisiera lo por tende i shucha, bo sa cua ta deferencia, entre scucha i tende, coj un telefoon anto jama bo mes na telefoon.  |
asfs
said:
|
ohh.. oke |
Teishi
said:
|
Papia di Frere y bo ta realisa loke tabata central ta diciplina NA CAS y na scol. Awe kico e ta: Na cas no tin diciplina na scol si pone diciplina ata mayor ta bay purba hinca maestra na scol. Loke a pasa siman pasa lesa corant!  |
metalmaniac
said:
|
Nos ta spera cu e sistema di ensenjansa anticua cu ta na Aruba so tin, lo wordo cambia! Ni na Hulanda, cu supuestamente nos "TIN" cu sigui, ta usa e sistema den cua un studiante ta perde full un anja pa via di un vak cu la hanja onvoldoende pe. Na Hulanda, ta usa e mesun sistema cu Merca y majoria pais desaroya, den cua si bo tin un vak onvoldoende, bo por hacie despues, dus sin perde full un anja.Esaki ta e motibo di con tin tanto "drop outs", dus studiantenan cu ta stop di sinja prome cu nan tempo normal, door cu e sistema anticua y malisimo cu ainda nos tin na Aruba ta demotiva y desmoralisa e studiantenan, mirando cu nan ta keda atras, djis pasobra e sistema no ta wordo cambia manera mester a pasa hoooopi anja pasa, pero pasobra no ta cumbini e maestronan, door cu nan lo perde un paar di nan tantisimo dianan liber, y e ministernan cu ta bisa cu nan tin ensenjansa na PECHO, pero ta solamente palabranan fofo pa gana voto. |
Presidente
said:
|
Metalmaniac: Esey no ta e comentario di Juancho Be, na e comunicado di Marisol???? Just asking |
Ami mes
said:
|
kastima pa mira con Aruba ta bajendo den proffesionalismo den educacion mester di gods mester di pasenchi y amor pa vocaction de bira un maestro y dedicacion Mal experencia unda Un directora por bisami Nan no sa ni unda pa kumisa ku mi jui meskos ku su juff.,..lastima ni pasenchi nan no twt tin paso mi jui a jega di exterior y na no ta capacita pa jude den un hulandes..... maginabo unda nos ta bai den educacion !! |
