| Hero Brinkman a usa keho di Rudy Lampe |
|
|
|
| Friday, 20 June 2008 - 00:00 | |||||||||||||||||||||||||||||||||||||||||
 Cu sorpresa nos a tuma nota con e Parlamentario Hulandes Hero Brinkman a insulta e pueblo Arubano y pone nomber di Aruba na berguenza door di mensiona den su nota ‘Maffia binnen Koninkrijk’. Segun e Parlamentario di Tweede Kamer Hero Brinkman ta informacion cu ela lesa den prensa cu Parlamentario Rudy Lampe a entrega keho na Ministerio Publico contra nos Prome Ministero Nelson Oduber y Minister Briesen relaciona cu e caso di waf pa paga un consultant Hulandes. Aki nos ta mira cu den pasado mi a condona e hecho y e forma cu Parlamentario Rudy Lampe y su Partido RED a actua inprudente. Click read more pa mas detayes.
Y a bay Ministerio Publico cu e solo meta pa sucha nomber di Gabinete Oduber IV inhustamente. Condenabel ta e hecho cu Hero Brinkman no a busca drechi kende ta e maffianan den Gabinete Eman I, II y III a ‘deal’ cu ne cu Comision di Berdad a laga investiga y a scirbi un nota cual nota a wordo presenta na Ministerio Publico.Cu tabata tin diferente caso den corte contra e coruptonan di AVP den e caso di Fondo Desaroyo San Nicolas, e 220 miyon dollar na garantianan duna pa hotel Beta etc. Ta bisto e meta tras e publicacion di Hero Brinkman ta di un banda so y sin argumento valido. Pues Parlamentario Hero Brinkman sin a busca drechi, si e investigacion na Ministerio Publico di Aruba si e investigacion a termina pa loke ta e proyecto di waf a corre sucha nomber di Gabinete Oduber. Sigur cu cooperacion di e entreguista Parlamentario Rudy Lampe!. Cu e pensamentonan racista Hero Brinkman ta kere cu lo gana na popularidad. Awor cu e tin un amigo colonialista, Parlamentario Rudy Lampe cu constantemente ta skeiro cu carta pa Hulanda papiando solamente malo di Aruba y su deseo di mas grandi ta pa e Hulandesnan bin manda y trapa riba nos Arubianonan.Tur hende sa cu cu e mafia mas grandi den Reino ta biba na Hulanda. Te awe Gobierno di Hulanda no kier paga nos e 460 miyon florin cu nan a haya door di e benta di Plant Hotel. Talvez Hero Brinkman den su ignorancia of bobedad no ta na altura di e bouwfraude cu a sosode na Hulanda? E network pafo di e politiconan di Den Haag cu ta dicidi tur cos cu ta pasa?
Mester recorda pueblo cu Parlamentario Rudy Lampe dia 28 di December 2006 den forma scondi a manda un carta di traicion pa Hulanda pa minister Atzo Nicolai, unda cu su persona ta dispuesto pa bende autonomia di Aruba. Den su carta di traicion, Rudy Lampe ta menciona cu e kier un solo Gobernador y un solo Procurador general pa e seis islanan. Mi ta sita loke Parlamentario Rudy Lampe a termina den su e siguiente frase: “tegen elke prijs moet de rechtsstaat worden hersteld en verdedigd en onze partij (esta RED) is bereid de prijs van minder autonomie te betalen ter wille van de rechtsstatelijkheid hier op Aruba”. Pues e traidor di mas grandi cu pais Aruba a yega di conoce desde entrada di Status Aparte ta nada mas cu, Parlamentario Rudy Lampe? Cu e declaracion anti-Arubiano aki un traicion imperdonabel ta wordo cometi contra nos Libertador Betico Croes y e miles di Arubianonan balente cu a lucha schouder cu schouder cu Betico pa nos Status Aparte. Den curso di e siman aki nos lo bini bek cu resultado di e reunionnan na Hulanda.
metalmaniac
said:
|
|||||||||||||||||||||||||||||||||||||||||
 |
E unico berdadero libertad na Aruba: e libertad pa e politiconan corupto haci y deshaci sin cu nan por wordo alcansa pa e actonan di malversacion cu nan a, ta y lo haci na Aruba, of por lo menos esaki nan a pensa! A pesar cu Rudy Lampe ta pega barco, pero por lo menos e ta buscando e forma con pa caba cu e corupcion cu ta cabando cu Aruba, su moral, su economia, y awor hasta cu nos fe den Dios. Kiko abo personalmente ta haciendo pa drecha Aruba?? |
MOM
said:
|
FE TA UN COS CU TA DI BO NINGUN HENDE NI GOBIERNO POR CABA CUNE TA ABO SO....STOP DI PAPIA NON SENSE,AMI TAMBE TIN FE PASO DIOS TA GRANDI HUSTO I BERDADERO PERO UN TA PASO CU RUDY TA PEGA BARCO MANE BO TA BISA MI FE LO CABA,ALCONTRARIO AWO MI FE TA MAS GRANDI PASO AMI TA UN PERSONA COMUN I CORIENTE I NI KIKO PASA MI NO TA BIRA LOMBA PA DIOS......... |
Presidente
said:
|
Metalmaniac: Dicon Rudy Lampe no a hinca den su gran documentonan: Racetrack, FDNSN, Interbank, Beta Hotel Y PLANTHOTEL???? E tin miedo di gobierno Hulandes hanja sa cu e e ta mesun corupto cu e gobierno Hulandes. MI TA BAY FIERNO PA MI WAK RUDY LAMPE DEN FIERNO |
metalmaniac
said:
|
Di con bo ta asina sigur cu den e documentonan cu el a manda nan no tei?? Ta depende tambe cu ken e Hulandesnan kier baila, y cu ken no na e momento cu ta cumbini nan. Si bo kier bai fierno, mi no lo tene bo man, pero ta otronan lo bo bai wak, esta e coruptonan, no esnan cu a basha abouw riba nan. Un tin hende mas decente cu bo hendenan di partido, un ta berdad?? Nan ta decente, ta nan actonan ta corupto. |
kadushi
said:
|
Anja aden anja afo nos politiconan ta c*lpa otro di ta corupto. Hero Brinkman a traha un rapport di loke e ta lesa den nos courantnan riba corupcion riba nos isla, y nos parlamentario nan ta bira loco riba dje. Esey nos ta yama hypocrita di tur nos parlamentarionan. Stop di fada dik fada pueblo cu boso wega y cuminsa waak e d**or di e pueblo cu e prijsnan halto di WEB Y ELMAR y e prijs di cuminda. Purba haci algo cu e prijsnan manera henter mundo ta purba pa alivia nan hendenan. Waak si por haci algo cu e ganashi di WEB Y Elmar y e invoerrechten y accijns, bahanan y controla e margen di ganashi di e comerciantenan. |
Presidente
said:
|
Metalmaniac: Pasobra ami sa cu abo sa cu e no ta hinca den nan, sino lo bo no a trece racetrack continuamente dilanti  . Mirando con abo ta bisti cu e bril blanco y ami cu e bril geel, nos tur dos ta ciega, mi ta kere cu nos por haci un bet, cu Rudy Lampe ta bay mas corupto, dictador. E no ta hiba informacionan concreto, e ta hiba informacionan basa ariba supuesto caso cu E a hiba O.M.Esey ya caba ta mente corumpi( afg. di corupcion). Tur informacion cu PVV. a bin cu n'e ta saca for di krantenknipsels( corant)y informacion cu Rudy a duna ta basa ariba loke e ta supone( dus e mes no ta sigur)Pero tampoco e ta bisa PVV cu tin un caso contra dje na OM pa defamacion. |
wowo critico
said:
|
ma kadushi mi hacie cortico:si awa tobe,manera awe,ta falta di mep.si mucha mujernan jong sali na estado tambe ta falta di gobierno.tut tur cos ta falta di gobierno,hasta cu e prijs pa un bari di zeta subi barbaramente ta falta di nos gobierno.pls ban serio. |
best of aruba
said:
|
Tripartiete a caba y kico nos a tende di e discussienota cu parlamentario Hero Brinkman a entrega na Tweede kamer cu e titulo: maffia den Reino. Notable ta cu ningun fraccion den Tweede kamer ta sostene un investigacion basa ariba krantknipsels. Parlamento di Aruba y Antias a pidi Hero Brinkman pa bay entrega keho na ministerio publico. Stop cu su accionnan cu tinta racista cu no ta contribui na un relacion sano. Nos Statuut ta inicia cu e ponecianan cu a paisnan di Reino ta Hulanda, Aruba y Antias Hulandes y cu abase di igualdad ta yuda y coopera cu otro. Tur cuidadano ta igual.Ban respeta otro pa bo wordo respeta. Cu esaki nos por sera e topico. |
Pro1344
said:
|
Presidente - ta exactamente loke bo ta bisa di Rudy Lampe, e ta papia un hende hopi bon, su puntonan ta hopi cla , pero e ta falso. Loke cu mi a atrae pa e vota pa RED, tawata e hecho na unda cu e kier awanta Betico su nomber na halto.( por corda su campanja) Ami mes nunca a vota pa Betico, semper mi tawata pa PPA. pero loke Betico a logra, ta algo cu no mag di bay perdi. Den e trampa aki mi a cay di Rudy Lampe. Rudy lampe a papia mi bunita di Betico, pa mantene nos Status Aparte. Awor mi a ripara cu Rudy Lampe a ganja mi. Pa gobierno corupto tin solucion, es ta KIA, pero pa un persona cu su mente ta corupto, no tin nada cu por haci cu ne. Esaki ta mas peligroso., Cu n'e ta dictatura so ta bay tin. |
kadushi
said:
|
wowo critico mi no a menta nomber di ningun partido. Si enberdad bo ta wowo critico, ba lesa bon y compronde cu mi ta papia en general. Lesa bon, compronde promer bo opina  . Na Aruba tin hopi problema social y probeza cu mester atencion nacional y no wega politico entre tur e partidonan! Solamente cu sano huicio y mente habri bo por vence. Wowo critico, analisa bo nomber y pasa un dushi dia! |
Pro1344
said:
|
Kadushi: Mi ta 100% cu bo ultimo comments. Mi kier agreda algo aserca. Problema social y pobresa no ta keda solamente den man di gobierno, pero pa henter un Pais den su totalidad. Un educacion di mayor no ta sinta solamente pa duna bo yiu cosnan materialismo, pero e cos cu no ta costa placa, es ta atencion positvo. Atencion na yiu no ta trata di panja di marca, tenderloin, tur sorto di wega di computer. Pero ta costa un storia cu abo mes como mayor ta conta bo yiu anochi prome cu e bay drumi, un interes den kiko e ta haci na scol, of ora e ta ariba caya of na cas. Un brasa y un sunchi ora bo ta cu n'e. Esakinan no ta costa placa, pero nan ta hopi importante pa su desaroyo. Ora di come kizas un cuminda simpel, pero bo ta sinta cu ne na mesa y ta conbersa. Ami no a lanta den luho, pero si mi por bisa, cu mi a lanta cu hpi amor for di un mama soltera cu a cobra un onderstand.Y toch nunca ami a sinti mi pober. |
metalmaniac
said:
|
Gran baina "DIFAMACION", compara cu LADRON, esaki ta nada. Abo ta kere cu door di beat around the bush bo t ganja hende?? Por ta algun di e kabritonan, pero hendenan drechi ta waak stret door di bo BS. Ami sa cu abo sa, con abo sa, bo a puntra Rudy Lampe personalmente SI of NO? Si bo kier mi por busca su e-mail y of number di telefon pa bo mes puntre, pa bo stop di kere loke bo Diosnan ta bisabo. Pa e otronan tambe cu ta KERE di por ganja cu nan a vota pa RED, bisami un biaha mas pa mi por grita manera kabrito: "MEEEEEEP" ora mi kere boso. Ami si a vota pele, pero mi ta duda hopi cu mi lo vota pe atrobe, pasobra e no a cumpli cu su promesa di institui un cooperativa na Aruba pa baha e prijs di comestiblenan na Aruba. By the way, nan a bisa cu nan lo bai controla e prijsnan di cuminda na Aruba, y cu boetnan halto lo wordo duna na e chinesnan cu no cumpli, pero ki dia esei lo pasa, dia gai hanja diente??? |
metalmaniac
said:
|
Mi ta contento si, presidentje, cu POR FIN BO TA BIN ADMITI ALGO, CU BO TIN BRIL GEEL BISTI!! Ami no ta wak ni pa kiko bo ta sigui purba GANJA hende cu bo ta un persona imparcial y cu ta stima Aruba. NOS TUR, MENOS CLARO E OTRO KABRITONAN MANERA ABO, SA WAK BON BON DOOR DI BO PALABRERIA Y FALSEDADNAN! Un conseho, cambia bo nomber, pa p.e." E GRAN DEFENSOR DI ARUBA", asina por ta bo por bin bek y purba di ganja hende!! |
Presidente
said:
|
Metalmaniac: Rudy lampe su denuncia ta basa ariba SUPUESTO corupcion. Dus e NO A BIN CU FEITELIJKE BEWIJZEN. Sio abo tin FEITELIJKE BEWIJZEN( es cu Hero Brinkman no twt tin tampoco, sino lo a e bay OM na Hulanda), bo tin cu bay OM. Pero feitelijke bewijzen, pruebanan berdad y no SUPUESTO prueba. Supuesto prueba ta mescos cu NO prueba. Tanten cu rudy Lampe no trece esaki dilanti, mi no ta confi'e. Ainda Rudy Lampe no a prueba nada. Kiko ABO ta wak como prueba facto den e keho di Rudy Lampe???? KIKO ABO TA WAK COMO FEITELIJKE BEWIJZEN???? |
playero
said:
|
Rudy kier sa masha cos e ta cu su 1 asiento, otro anja si bo haja 100 voto, lo bo haja hopi !! Cu bo 1 asiento bo ta bin papia den nomber di e pueblo di Aruba ?no ta laat pa bo bira pastor bek !! E problema ta cu e misa ta bai ta full bashi !!!Si bo stima Hulanda mas cu bo pais di origen, kiko bo ta hasi riba e pais aki anto ? coi bo cos nan anto somenta pa hulanda !!!Bai lanta bo partido nobo cu ta: " ROOD " hahahahahaaaaa......  |
Berdad
said:
|
Brinkman tin tur razon. Ta un roversnest nos tin aki na Aruba. AVP su casonan den corte no ta cla ainda! MEP tin hopi di duna cuenta cu BRUG DI MADUSHI !!! Y no lubida Yiu a sigui pasonan di su MAMA, cual ta AVP = MEP !!!!!! |
Presidente
said:
|
Berdad: berdad, noh. Ta akinan na Aruba so, nos ta duna Brinkman rason y na Hulanda nan no kier tum'e na serio. manda un carta Hulanda bisanan cu abo ta duna Brinkman rason. |
Ariën Rasmijn
said:
|
Shonnan, e nota di Hero Brinkman "De Antillen...Maffia Binnen Het Konkrijk" por wordo hanja akinan. Ora bo lese bo ta wak cu solamente e caso di RED Vs Gobierno encuanto waf ta wordo menciona. Nada mas. Niun detalle juicy cu no ta 'common knowledge' caba, solamente un mencion di e caso i un set di krantenknipsels. un biaha mas: Common knowledge. Tur hende sa di nan. Nada nobo of secreto. Nada cu e macambanan no por a research pa nan mes. Mi pregunta mas tanto ta: pakiko mors cu Brinkman si ta Bijleveld of cualkier otro representate macamba lo tabata un mihor choice pa duna documento 'incriminante', si di berdad esei lo tabata e intencion? |
Ariën Rasmijn
said:
|
Te ainda no tin prueba concreto cu Lampe lo a entrega documentonan (locual lo ta un first, ya cu si ta un cos cu Lampe NO por hasi, ta produci prueba pa su claimsnan . E pober probablemente no por hanja un paper trail hasta si e tabata baila su dilanti...) Ta djis 1 portret a sali publica den DIARIO cu ta mustra Lampe papiando cu Brinkman. DIARIO a basha full un storia ariba dje bisando cu Lampe lo a duna documentonan. Pero niun prueba. Net nada. Un portret so. Anto mal tuma cu un telefon. Wak, si bo kier take care di bo contrincante i neutralize e, hasie anto na un manera drechi. No asina. Ta di compronde cu MEP, AVP i e famia cu ta financiero principal di AMBOS partido por weita e guy aki den su wayabero chapo manera un menaza pa nan status quo. Hey, ami mes no ta di acuerdo cu gran parti di loke e ta bisa. Pero tacticanan asina ta bisto den e era nobo aki. Nos hendenan no ta p*****. Ban madura pa caba. |
