|
Cas di Partido ta haya bishita di Miss Aruba |
|
|
|
|
Tuesday, 17 June 2008 - 00:00 |
 Tracy Nicolaas, Miss Aruba cu ta saliendo direccion pa e certamen di Miss Universe na Nha Trang, Vietnam a hasi un bishita na Cas di Partido AVP, na Playa. E interes si Srta. Nicolaas tabata pa conose algo mas di e inicitativanan di energia alternativo na Aruba. Esaki ta un topico cu sigur lo tin su importancia durante di e certamen y e miss Aruba kier a haya mas informacion ariba e topico importante y internacional aki. No tin mucho hende cu por nenga cu e esfuersonan di partido AVP ariba e tereno aki ta unico na Aruba.
For di rapport di comision
energetico, bou guia di Mike de Meza, e lectura di Fundacion Digna
Lacle titula “Crisis Energetico mundial, alternativa y Solucion”, te na
un ehempel practico di un “wind-charger” na Cas di Partido, e partido
ta na e “forefront” di e vision aki na Aruba.
Tracy Nicolaas a wordo ricibi pa lider di partido AVP, Mike Eman, kende a duna e Miss Aruba un introduccionan ariba tur e trabounan cu e partido ta hasiendo pa promove, concientisa y alerta pueblo ariba e nesesidad pa hasi uso di energia alternativo. Tambe sr. Mike Eman a duna srta. Nicolaas un splicacion extenso di con e systema tras di e “wind-charger” ta hinca den otro.
Tracy Nicolaas a reuni tambe cu ing. Mike de Meza cu tabata un di e oradornan invita na e lectura “Crisis Energetico mundial, alternativa y Solucion” cu ta tuma lugar na San Nicolas. Mike de Meza a duna Tracy un splicacion extenso di e motibonan di e crisis energetico rond di mundo y tambe e maneranan pa contraresta e situacion precario cu e crisis aki ta crea na Aruba. Presente durante di e encuentro tabata director di Star Promotions, sr. Weegereef y parlamentario Arthur Dowers.
Partido AVP ta desea Tracy Nicolaas tur lo mihor den e certamen di Miss Universe otro luna na Nha Trang, Vietnam y pueblo di Aruba por ta sigur cu no unicamente Aruba ta bay wordo representa pa un mucha muher bunita, pero tambe uno cu e inteligencia y sabiduria cu lo pone Aruba resalta den un certament di e magnitud internacional, manera Miss Universe.
| Comments () >> |
 |
 |
Tracy Nicolaas, Miss Aruba cu ta saliendo direccion pa e certamen di Miss Universe na Nha Trang, Vietnam a hasi un bishita na Cas di Partido AVP, na Playa. E interes si Srta. Nicolaas tabata pa conose algo mas di e inicitativanan di energia alternativo na Aruba. Esaki ta un topico cu sigur lo tin su importancia durante di e certamen y e miss Aruba kier a haya mas informacion ariba e topico importante y internacional aki. No tin mucho hende cu por nenga cu e esfuersonan di partido AVP ariba e tereno aki ta unico na Aruba. 
